Yohuserya 14

Asiinthamwene A Muluku Annasepa Yeyo Eri Yoonanara

Satana onnaweeha atchu wii yereke itchu soonanara. Yowo onatchuna okhala nthamwene a Muluku onnaphwanela wiichanano yeyo Owo onichaniiyeno. (Salmo 97:10) Itchu sotcharelavo iha ti ikina sa seiyo asiinthamwene a Muluku anasepaaya:

Sotcheka sa okonihana. “Muhiraruwe.” (Eksodo 20:14) Okonihana muhaakunve othelana ti wotchekeyatho.—1 aKorinto 6:18.

Ohapaliwa. “Ówuryasha, . . . herwa-evolowa omwene wa Muluku.”—1 aKorinto 6:10.

Wiipha, okumiha erukulu. “Muhiiphe.”—Eksodo 20:13.

Wiiya. “Muhiiye.”—Eksodo 20:15.

Wotha. Yehova onniichanano “nlumi nowoka.”—Proverpio 6:17.

Nlala ni esara yohilamuleleya. “Yehova . . . onnamwicha . . . yowo onasiveliwa nlala.” (Salmo 11:5) “Miteko ya mwíli [sinnaphitanyavo] . . . esara.”—aGalatiya 5:19, 20.

Mushuwa awiiyano (Jogatina). “Muhátáneno, khwino mukina . . . anrima.”—1 aKorinto 5:11.

Omwiichani wa maloko nari mishove. “Musivelaneno amwichani anyu, ni ovekelela yawo óhosha nyuwo.”—Mateyu 5:43, 44.

Yeyo Muluku onanleliiye eri ntakhara a ophamahu. Hori wokhweya ilukuluku sothene osepa wera itchu soonanara. Ni okhaviheryiwa ti Yehova ni Anamona awe, nyuwo munanwerya osepa wera yeyo ehinamuhakalaliha Muluku.—Yesaya 48:17; aFilipi 4:13; aHebri 10:24, 25.