MASU AWAACEERERYA
Yesu Kiristu—Mesiya Aalaiheryiwe
WI ANIKHAVIHERYE omusuwela Mesiya, Yehova Muluku aahaaveerela alipa a miririmo ancipale wi eloce ichu vooloca sa oyariwa, orummwa, ni okhwa wa Moopoli ola aalaiheryiwe. Sooloherya soothene iha sa Piipiliya sookhwaaniheryeya mwa Yesu Kiristu. Sooloherya iho ti seeparipari ni sootikhiniha. Wi nooniherye ela, hankooni nthokororye sooloherya vakhaani seiyo saalonce saweereya iniiwanana ni oyariwa ni onamwane wa Mesiya.
Mulipa a miririmo Yesaya aaloca wi Mesiya aahaala okhala mwaana a Mwene Tavite. (Isaiya 9:7) Chiryene Yesu aayariwe mu nloko na Tavite.—Mateu 1:1, 6-17.
Mikeya, mulipa a miririmo mukina a Muluku, aaloca wi mwaana ola voocharela vaya aahaala okhala mwene nave wi owo aahaala oyariwa o “Betlehemu-Efrata.” (Mikeya 5:1) Mu elukuluku ya oyariwa wa Yesu, o Isarayeli waariwo miceche miili siichaniwa Petelehemu. Muceche mmoha waari waacamela o Nazarete makupa a elapo enakhumawo echeku ya murupi, nave mukina, waacamela o Yerusalemu o Yuteya. Petelehemu waacamela o Yerusalemu iichaniwa Efrata. Yesu aayariwa mu muceche yoole, chiryene hiihaa ntoko yooloherya yaaloncaaya!—Mateu 2:1.
Yooloherya ekina ya Piipiliya yaaloca wi Mwaana a Muluku aahaala wiichaniwa wi ‘akhume o Yiikuputu.’ Ari mwaana, Yesu aakerihiwa o Yiikuputu. Amanle okhwa Herote, Yesu aakookiheryiwa o Nazarete, wi ekhwaaniheryeye yooloherya.—Oseya 11:1, NM; Mateu 2:15.
Mu ekaaxa eri va epaaxina 200, soorempwa iri vathi va muru “Yooloherya” erino ichu vooloca sa Mesiya. Mulikanyihe ni soorempwa iri vathi va muru “Okhwaaniheryeya.” Weerano hiihaa onahaala olipiha nroromelo nanyu Mmasu a Muluku.
Vaavaa nyuwo munaalikhelaanyu soorempwa iha, muhicuwale wi saweereya seiyo sooloherya saarempwe iyaakha masana masaneene Yesu ahaakumve oyariwa. Yesu aaloca: “Innaphwanela wereya sothene irempwe sa miyano mmalamuloni a Mose, mwa alipa a miririmo ni mmasalmoni.” (Luka 24:44) Hiihaa ntoko Piipiliya onooniheryeiye, sooloherya iho sookhwaaniheryeya chiryene—echu ti echu!
[Etapela va epaaxina 200]
SOOLOHERYA VOOLOCA SA MESIYA
YAWEEREYA
YOOLOHERYA
OKHWAANIHERYEYA
Aayariwe mu nihimo na Yuuta
Maphatxuwelo 49:10
Aayariwe ni mwali ohintonko okumanela ni mulopwana
Isaiya 7:14
Mwaana onarweela wa Mwene Tavite
Isaiya 9:7
Yehova aahiloca wi ti Mwanawe
Achu ancipale hiyaamuroromenle yoowo
Isaiya 53:1
Aahivolowa mu Yerusalemu amuwenle mwaasana a puuru
Zakariya 9:9
Aahitumihiwa ni nthamwene awe a vakhiviru
Aahitumihiwa ni icarama 30 saweela
Zakariya 11:12
Aahimaala vamiithoni va amwiicani awe
Isaiya 53:7
Malaya awe yaahaavyeryiwa ehako
Aanyoosiwa ari va mwirini
Makhuva awe hiyaantakiwe
Aahivithiwa ni alipa ooreela
Isaiya 53:9
Aahiviihiwa muukhwani ahaakumve wuuca
Ahicicimihiwa o ntatani noolopwana na Muluku