NIKUPA 8

Okhwa wa Yesu Onataphulela Eheeni wa Nyuwo?

Yesu aahikhwa wi hiyaano nikhale akumi. Yohane 3:16

Athiyana anavarerya nihiye aavithiwemo Yesu

Mahiku mararu vaculi va okhwa wa Yesu, athiyana akina yaaheecelela nihiye nawe nave hiyaaphwaannyemo echu. Yehova aamviiha Yesu muukhwani.

Yesu aahaaphwanya arummwa awe, voocharela aawela wirimu

Moovira wa elukuluku Yesu aarwa wa arummwa awe.

Aayi, Yehova aamviiha Yesu muukhwani wi akhale ni okumi ntoko yoopatuxiwa yoomunepani yoohikhwa ya kuruxa. Oohuserya a Yesu yaamoona owo arowaaka wirimu.

Muluku aamviiha Yesu muukhwani nave aampaka owo Mwene a Omwene wa Muluku. Daniyeli 7:13, 14

Orweela wa munyukhaawe wa Omwene, Yesu onamwaalamula achu oothene mu paradaiso veelaponi yavathi

Yesu aaveleela okumi awe wi alivele woopola wa achu a mahimo oothene. (Mateyu 20:28) Moorweela wa woopola iwo, Muluku oheeriha wi hiyaano nikhale okhala wookhala.

Yehova oomuthanla Yesu ntoko Mwene wi alamulele elapo yavathi. Vamoha ni Yesu aakhalavo achu oororomeleya 144,000 yaawo anaviihiwa muukhwani va elapo yavathi wi yakhale wirimu. Yesu ni a 144,000 annapaka epooma ya ekhaikhai ya wirimu—Omwene wa Muluku.—Yawupulula 14:1-3.

Omwene wa Muluku onahaala opaka elapo yavathi okhala paradaiso. Ekhoco, nlala, ohaawa ni etala horwa okhalavo. Achu anahaala okhala oohakalala chiryene.—Salmo 145:16.