Munamoona hai Piipiliya?
Mwaahaala wi . . .
liivuru a miruku sa achu?
liivuru a ithale?
Masu a Muluku?
PIIPILIYA ONI
“Sorempwa sothene supuwelihiwe ti Muluku.”—2 Timóteo 3:16.
EYO ENATAPHULELA EHEENI WA NYUWO
Maakhulo oohakalaliha a makoho matokotoko a okumi.—Masiposipo 2:1-5.
Ohoolela woororomeleya wa okumi wa nihiku nnihiku.—Salumu 119:105.
Ewehereryo yeeparipari ya omwaahiyu.—Aroma 15:4.
HIYAANO NNAPHWANELA WEEMERERYA CHIRYENE YEEYO PIIPILIYA ONALOCEIYE?
Aai, moone mathowa mararu:
Wiiwanana wootikiniha. Piipiliya aarempwe ni achu 40 oohiyana hiyana variyari va iyaakha 1.600. Ancipale a yaawo hantonko okumana mukina ni mukhwaawe. Nyenya, liivuru oothene onniiwanana, orino muru mmoha mutokotoko!
Mwaha weeparipari. Alipa miyaha sa mulaponi wiiliwiili annakhuwa ovoothiwa wa achu aya. Moohiyana, anamarepa a Piipiliya mweeparipari yaarepa soocheka saya ni soocheka sa nloko naya.—2 Matharihelo 36:15, 16; Salumu 51:1-4.
Yooloherya yoororomeleya. Piipiliya aahiloherya otoloxiwa wa muceche wa Paapulu iyaakha 200 ehaakumve weereya. (Isaiya 13:17-22) Piipiliya aahuupulula ohiya pahi mukhalelo Paapulu aahaaleiye wuuwa nyenya tho nsina na mulipa oovootha!—Isaiya 45:1-3.
Soolaiherya sincipale sa Piipiliya saaheereya tho mu ichu ikhaani. Tahi yeeyo naahaalaahu owehererya sa Masu a Muluku?—2 Pedro 1:21.
WI MUUPUWELE
Masu a Muluku enii ewerye hai oreeriha okumi anyu?
Piipiliya onnaakhula nikoho nenla mu ISAIYA 48:17, 18 ni 2 TIMÓTEO 3:16, 17.