MAKOHO A PIIPILIYA AAKHULIWE

Apwanne nnahaala okhalano olamulelo mmoha weelapo yoothene?

Mwaanyiherye mukhalelo olamulelo mmoha waahaalaaya waakhaviherya achu. Olelo achu ancipale annahooxeya nthowa na ohaawa, eniiha akina eri ooreela vancipale. Pahiru olamulelo omoha wa elapo yoothene waahaala owerya waakhwaniha soothowa sa achu oothene. Munuupuwela wi achu anahaala owerya oruuha olamulelo yoowo?​—Mwaalakhanye Yeremiya 10:23.

Voovira wa mwaha, olamulelo waachu onnaviliwa mmakhalelo mancipale waathokororya anamurala aya, xaxaxa achu oohaawa. Olamulelo okina ti wootakhala. (Eklesiyaste 4:1; 8:9) Nyenya Muluku Aikurusoothesene oolaiherya oruuha olamulelo onahaala oraceela olamulelo woothene. Mulamuleli aya onahaala waathokororya achu chiryene.​—Mwaalakhanye Yesaya 11:4; Taniyeli 2:44.

Omwene wa Muluku onahaala weera eheeni?

Yehova Muluku oomuthanla Mulamuleli oophwanelela eelapo​—Mwanawe, Yesu. (Luka 1:31-33) Ari muchu veelaponi yavathi, Yesu aanachuna waakhaviherya achu. Ntoko Mwene, Yesu onahaala owiiwananiha achu a maloko oothene ni omaliha masooso aya.​—Mwaalakhanye Salmo 72:8, 12-14.

Apwanne achu oothene annamwaakhela Yesu ntoko Mulamuleli? Hooye. Nyenya Yehova toopisa murima. (2 Petro 3:9) Yehova onnaavaha achu ekari ya omwaakhela Yesu ntoko Mulamuleli. Moohilekela, Yesu onahaala waatoloxa achu oonanara veelaponi yavathi ni otikitherya murecele ni ohuukhuwa veelaponi yoothene.​—Mwaalakhanye Mikeya 4:3, 4.

Wa miselo sincipale, moone ekapitulu 8 ya liivuru Piipiliya Onahusiha Eheeni Chiryene? olaleeryiwe ti Anamoona a Yehova

Onnaphwanyeya tho mu www.jw.org/ngl