Makoho A Alipa Waalakhanya

Apwanne miyaha seelapo sinnaloca sa okhala wa Pontio Pilato?

▪ Alipa oomwaalakhanya Piipiliya aamusuwela Pontio Pilato nthowa na muteko awe mu othorihiwa ni wiiphiwa wa Yesu. (Mat. 27:1, 2, 24-26) Nyenya, nsina nawe ninnaphwanyeya tho ikwaha sincipale mmiyaha mikina saarempwe elukuluku yeele. Mwawiiwanana ni The Anchor Bible Dictionary, soothoonyerya sa miyaha seelapo sinnamuromola Pilato “vancipale nave mookwakwaleya opwaha alamuleli Aroma akina o Yuuteya.”

Nsina na Pilato ninnaphwanyeya wiiliwiili mu soorepa sa mulipa miyaha Muyuuta Yoosefe, yoowo aarempe saweereya chaaru sa makacamiho Pilato aakumanneiyeno alamulelaka o Yuuteya. Yaweereya yaneexexe yaarempwe ni mulipa miyaha Muyuuta Filo. Namarepa Muroma Tasito, yoowo aarempe mwaha wa alamuleli Aroma, onooniherya wi Pontio Pilato aalamulela wiiphiwa wa Yesu elukuluku ya olamulelo wa Tiperio.

Mu 1961, alipa otholathola yaalapa mu Empa ya iteyaaturu ya Aroma o Kaisara, Isarayeli, yaaphwanya nluku waarivo nsina na Pilato mu Elatin. Yoorepa ela (enoonihiwa va) enalociwa wi woopaceryani yaarino masu ala: “Mulamuleli o Yuuteya, Tiperio Pontio Pilato, aahiveleela (ela) wa miluku soocicimiheya.” Empa enalociwa va akhweya yaari empa yaamucicimiha Tiperio, Mulamuleli o Roma.

[Eruku va epaaxina 31]

Va nluku nla waarempwavo nsina na Pilato mu Elatin

[Eruku va epaaxina 31]

Photograph © Israel Museum, Jerusalem; courtesy of Israel Antiquities Authority