EPIIPILIYOTEKA ya Watchtower
EPIIPILIYOTEKA
ya Watchtower
Elomwe
  • PIIPILIYA
  • SOOLALEERYIWA
  • MITHUKUMANO
  • wp15 1/4 ipaax. 3-4
  • Ntakhara Heeni Omuhuserya Piipiliya?

Henaphwanyeya exilema mu nikupa nenla.

Munikhurumuwele, yookhala ehesen'ye nichunaka owoonihaani exilema ela.

  • Ntakhara Heeni Omuhuserya Piipiliya?
  • Mulipeleli Alaleyaka Omwene wa Yehova​—2015
  • Miyaha Soophwanaphwana
  • Marehereryo a Omuhuserya Piipiliya wa Oothene
    Mulipeleli Alaleyaka Omwene wa Yehova​—2015
  • Munnachuna Osuwela Eparipari?
    Munnachuna Osuwela Eparipari?
  • Piipiliya Oni Ookhaviheryeni Hai?
    Mpuhe Okumi Okhala Wookhala!—Ovaanela Vooloca Sa Piipiliya
  • Piipiliya Oni Ookhaviheryeeni Hai?
    Mpuhe Okumi Okhala Wookhala!—Mapaceryiho a Miyaha sa Piipiliya
Moone Sincipale
Mulipeleli Alaleyaka Omwene wa Yehova​—2015
wp15 1/4 ipaax. 3-4

MWAHA WA EKAAPA | MWAAMUSIVELIWA OMUHUSERYA PIIPILIYA?

Ntakhara Heeni Omuhuserya Piipiliya?

Tiivi eri yookhwela ya okumi?

Ntakhara heeni achu annahooxeya nave annakhwa?

Tiheeni nnaweheryaahu omwaahiyu?

Muluku onnakithokororya?

Montoko wiipakela makoho ntoko yaala? Wakhala wi aai, hamuri meekhinyu. Achu orukurerya elapo annapaka makoho matokotoko a okumi. Munanwerya ophwanya maakhulo?

Macikhwi aachu yaahaala wi, “Aai!” Ntakhara heeni? Nthowa nawi annaphwanya Mpiipiliyani maakhulo oohakalaliha a makoho aya. Munnachuna osuwela yeeyo Piipiliya onaloceiye? Wakhala wi ti hiiha, munahaala ophura moorweela wa marehereryo a yoohuserya ya Piipiliya ya mahaleene yeeyo enavahiwa ti Anamoona a Yehova.a

Chiryene, vaavaa achu akina anuupuwelaaya omuhuserya Piipiliya awo annaloca: “Miyaano kootepa oweiwa.” “Ohuserya ti woovila.” “Nkinachuna ororomeliha mahaleene.” Nyenya akina annakhalano moonelo woohiyana. Annathamalela ekari ya ohuserya yeeyo Piipiliya onahusiheiye. Muthokororye sootakiherya vakhaani:

“Miyaano kaavolowa mu ekerexa ya Katoolika ni ya Aporta, ya Amaka ni ya Putista, nave kaahuserya mahusiheryo a vasulu yaawo anahusiha malapelo. Nyenya makoho aka a ichu soomunepani hiyaakhuliwe. Nihiku nikina Namoona a Yehova mmoha aarwa vaate vaka. Kaatikhiniheya ni maakhulo awe oorweela Mpiipiliyani, ophiyerya keemererya yoohuserya ya Piipiliya.”​—Xili, Inklatera.

“Miyaano kaakhalano makoho mancipale a okumi, nyenya maakhulo ahooleli a ikerexa yaakivanhaaya hiyaakihakalalinhe. Nyenya, Namoona a Yehova mmoha aahaakhula makoho aka ampharihelaka Piipiliya. Vaavaa aakikonheiye wakhala wi kaanachuna ohuserya sincipale, kaaheemererya moohakalala.”​—Koffi, Penin.

“Kaanachuna osuwela mukhalelo wa alipa ookhwa. Miyaano keemererya wi alipa ookhwa annawerya waahooxa akumi, nyenya kaanachuna osuwela yeeyo Piipiliya onaloceiye. Ovinyerya vaavaa kipacerya omuhuserya Piipiliya ni nthamwene aari Namoona.”​—Yoosefe, Prasili.

“Kaaheererya omwaalakhanya Piipiliya nyenya nkaamwiiwexexa. Anamoona a Yehova yaaloca ni miyo nave yaakileela mookwakwaleya sooloherya sincipale sa Piipiliya. Kaanachuna ohuserya ichu sincipale.”​—Tennise, Mexiko.

“Kaanakhwa minikwa wakhala wi Muluku onnanthokororya chiryene. Mwawiihiiha kaalakelela omvekela Muluku a Mpiipiliya. Mmeeloni mwaya Anamoona a Yehova yaamana mukhora aka, nave kaaheemererya yoohuserya ya Piipiliya.”​—Anxu, Nepal.

Saweereya seiya sinnanuupuxerya masu a Yesu: “Óréla ari óhawa m’munepani.” (Mateyu 5:3) Aai, achu aakhalano soothowa soomunepani. Pahiru Muluku tanawerya waakhwaniherya soothowa seiyo, nave onneerano yeeyo moorweela wa Masu awe, Piipiliya.

Vano, omuhuserya Piipiliya onavolowela eheeni? Enii yookhaviheryeeni hai? Makoho ala anahaala waakhuliwa mmwaha onacharela.

[Nsu na vathi]

a Yehova nsina na Muluku ntoko nnooniheryiwaaya Mpiipiliya.

[Ekaaxa va epaaxina 4]

OMUSUWELA PIIPILIYA

NSINA: Nnarweela mu nsu Neekiriki bi·bliʹa, enataphulela “aliivuru vakhaani.”

SAMPUWA: Aliivuru 39 mu Eheepri (ni makupa makina mu Aramaiko) ni aliivuru 27 mu Ekiriki.

OREMPWA: Orempwale ni anamarepa 40 mu iyaakha soophiyerya 1.600, opacerya 1513 E.E.K. ophiyerya 98 E.K.b

ILOCELO: Anteero naari makupa awe ootaphuleliwa opwaha ilocelo 2.500.

OKAIWA: Annakaiwa Apiipiliya macikhweene mathanu, yeerihaka wi akhale liivuru ookaiwaxa mweelapo yoothene.

[Nsu na vathi]

b Masu ookwasa E.E.K. anataphulela “Ehaakumve Elukuluku ya Kiristu,” nave E.K. anataphulela “Elukuluku ya Kiristu.”

    Soolaleeryiwa sa Lomwe (1995-2024)
    Okhumavo
    Ovolowa
    • Elomwe
    • Ovaha
    • Orehererya
    • Copyright © 2025 Watch Tower Bible and Tract Society of Pennsylvania
    • Malakiheryo a Opharihela
    • Malakiheryo a Sookhuweya
    • Configurações de Privacidade
    • JW.ORG
    • Ovolowa
    Ovaha