MAKOHO A PIIPILIYA AAKHULIWE

Achu ookhwa anamukhala wanaawiili?

Yehova Muluku Mpatuxa a okumi. (Salumu 36:9) Ti woophwanela ororomela wi Muluku mmohamoha onahaala waakookiherya okumi alipa ookhwa, hamuneemererya? Ti yeeyo Piipiliya onaloceiye wi onamweerano omwaahiyu. (Mwaalakhanye Saweriwa T’arummwa 24:15) Ntakhara heeni onahaala weerano yeeyo?

Mpatuxa ahu aachuna wi achu ekhaleke veelaponi okhala wookhala. (Maphatxuwelo 1:31; 2:15-17) Ti yeeyo onahaaleiye weerano. Owo onnoona wiicela vaavaa nnakumanaahuno makacamiho ni okumi woohilekela.​—Mwaalakhanye Yobi 14:1, 14, 15.

Achu ooviihiwa anahaala okhalaka woowi?

Apwanne Muluku aapatunxe achu wi ekhaleke wirimu? Hooye. Muluku ohaapatuxa ankeelo wi ekhaleke wirimu. Owo aapatunxe achu wi ekhaleke veelaponi ya vathi. (Maphatxuwelo 1:28; Yobi 38:4, 7) Nuupuwelelaka yeela, nthokororye oviiha yoowo Yesu aapankeiye. Owo aahaaviiha achu ookhwa veelaponi vaava. Mmukhalelo mmohamoha, yaale anahaala oviihiwa mu oomwaahiyu anahaala okookela okhalaka veelaponi ya vathi.​—Mwaalakhanye Yohani 5:28, 29; 11:44.

Muluku onnaathanla achu vakhaani wi yakhaleke wirimu, ni okumi woomunepani. (Luka 12:32; 1 Korinto 15:49, 50) Yaale anahaala oya wirimu anahaala olamulela elapo vamoha ni Yesu.​—Mwaalakhanye Wupulula 5:9, 10.

Wi muhuserye sincipale, moone mwaha 7 wa liivuru Piipiliya Onahusiha Eheeni Chiryene? olaleeryiwe ti Anamoona a Yehova

Onnaphwanyeya tho mu www.jw.org/ngl