Omwene wa Muluku Tiheeni?
Achu ancipale annavekela wi Omwene wa Muluku orwe, nyenya apwanne mohintoko wiikoha tiheeni Omwene wa Muluku ni yeeyo onahaalaaya weera?
MUTHOKORORYE YEEYO PIIPILIYA ONALOCEIYE:
Omwene wa Muluku tiheeni?
Olamulelo wa wirimu onahooleliwa ni Yesu Kristu ntoko Mwene.—Isaiya 9:6, 7; Mateu 5:3; Luka 1:31-33.
Tiheeni Omwene wa Muluku onahaalaaya waakhwaniherya?
Owo anahaala omaliha ichu soothene soonanara ni oruuha murecele woohimala wa achu veelaponi.—Daniyeli 2:44; Mateu 6:10.
Enataphulela eheeni waavya woopaceryani Omwene wa Muluku?
Enataphulela okhaviherya Omwene wa Muluku ni ororomela wi onahaala orehererya ichu veelaponi mmukhalelo Muluku onachuneiye wi ikhale.—Mateu 6:33; 13:44.