EPIIPILIYOTEKA ya Watchtower
EPIIPILIYOTEKA
ya Watchtower
Elomwe
  • PIIPILIYA
  • SOOLALEERYIWA
  • MITHUKUMANO
  • km 4/13 ipaax. 3-4
  • Muwiriyane nave Muhuserye

Henaphwanyeya exilema mu nikupa nenla.

Munikhurumuwele, yookhala ehesen'ye nichunaka owoonihaani exilema ela.

  • Muwiriyane nave Muhuserye
  • Orummwa Wahu wa Omwene—2013
  • Miyaha Soophwanaphwana
  • “Wathukumanye Atxhu”
    Orummwa Wahu wa Omwene—2014
Orummwa Wahu wa Omwene—2013
km 4/13 ipaax. 3-4

Muwiriyane nave Muhuserye

1. Ntakhara heeni wiilipixerya mwawaacererya ti wookhweleya wi niwiriyane nave nihuserye va kongreso a edistritu?

1 Moohilekela akongreso a edistritu a 2013 anahaala opacerya. Wiilipixerya otokotoko woheeriwano wi erehereryiwe eprograma yeeyo enathokororya soothowa sa emaca veelaponi yoothene. Nyuwano moopaka marehereryo wi mukhalevo mahiku oomararu a kongreso? Akongreso atokweene poti okhalano sawuukhula sincipale, mwawiihiiha wiilipixerya wawaacererya ti wookhweleya wi niwiriyane phaama eprograma. Vawoona wi makupa annarakama opwaha mithukumano sa muloko, otitelela owiriyana ti wookhweleya. Mu waaceererya, mukwaha ni ichu ikina poti weeriha okhala oovelavela. Tiheeni enahaala onikhaviherya okhala oovinya wi niwerye owiriyana ni ohuserya?​—Malam. 31:12.

2. Nnii nrehererye mwawiihai murima ahu wa eprograma ya kongreso?

2 Kongreso Ahaakumve Opacerya: Site ahu aweemereryiwa, www.jw.org, onnakhalano eprograma ya kongreso, yeeyo enaphitaanyerya miru sa miyaha soothene ni yoorepa emoha nari piili itokotoko sa khata nihiku. Wakhala wi ninnawerya ovolowa mu interneti, woona miseelo yeeyo enahaala onikhaviherya orehererya mirima ahu wa yeeyo enahaala operekhiwa. (Esd. 7:10) Variyari va Malapelo Eechoko anyu, munanwerya omaliha elukuluku wi mwaaceererye ochuna vooloca sa eprograma enoorwa eyo?

3. Tiheeni enahaala onikhaviherya owiriyana phaama?

3 Variyari va Eprograma: Wakhala wooweryeya, muye o tumpusi nihaakumve opacerya nikupa. Munwale telefone selular anyu wi muhuukhuliwe ni wiicana nari michaka nari weehiwa waarepela michaka akina variyari va eprograma. Wakhala wi munaphwanela ohinwala telefone anyu, mmurehererye wi ahiwuukhule akina muchu awiichanaani. Wakhala wi munammupharihela aparelyo variyari va eprograma, mweereno mmukhalelo ohinawuukhula akina. Musepe olya ni owurya variyari va eprograma. (Ekle. 3:1) Mumvareryeke namaloca. Vaavaa enaalakhanyiwaaya yoorepa, mucharihe mPiipiliyani mwanyu. Murepe ichu vakhaani.

4. Asitiithi enii ewerye hai waakhaviherya anamwane aya wi ewiriyane ni ehuserye?

4 Hiyaano tho nnachuna wi anamwane ahu ewiriyane ni ehuserye. Masiposipo 29:15, BNM, onnaloca: “Mmiravo onetxa otxuna wawe, onnalamwiha amannya.” Mwawiihiiha, ti waphaama ichoko okiraathi vamoha wi asitiithi ewerye ororomela wi anamwane aya annawiriyana eprograma ohiya oloca, orepa michaka, nari orukurerya yeecaka. Naamwi wakhala wi awo aatepa oyeva wi yiiwexexe yoothene enathokororyiwa, anamwane poti ovyakihiwa wi etitelele woona ni okiraathi eri cuu.

5. Ntakhara heeni ti ya mphurelo wuuluulela eprograma, nave nnii neereno hai?

5 Yamala Eprograma ya Khata Nihiku: Muhilekele okhala vaate. Mwaakuvele oya va munlini wi mwiichuuwe phaama. Wuuluulela yeeyo mwiiwalaanyu enahaala wookhaviheryaani wuupuwelela vancipale. Nyenya, yaahaala okhala ya mphurelo waamaliha aminutu vakhaani wi muthokororye eprograma ntoko echoko khata ohiyu. Wakhala wi munaya o restaurante ni asinthamwene, ntakhara heeni ohikuxa inoota sanyu ni wuuka eponto emoha nari piili seiyo soosivenleni vancipale? Vaavaa munakookelaanyu owaani kongreso amala, munaphwanela omaliha elukuluku variyari va Malapelo Eechoko anyu muthokororyaka mummo munahaalaanyu opharihela miseelo ntoko echoko. Munaphwanela tho omaliha elukuluku khata esumana wi muuluulele makupa a ekaruma evyaani evonyiwe.

6. Okhala pahiru va kongreso onnaakhwanela? Taphulelani.

6 Efesta tahi ya mphurelo waahikhala wi yoolya yoolyiwa ni yoomiriwa. Hiyaano poti oloca emohamoha vooloca sa efesta yoomunepani enahaala oveleeliwa va kongreso a edistritu. Hiyaano nnahaala ophura phaama moorweela wa okhalavo nikupa nri noothene, moorweela wa owiriyana phaama, ni moorweela wa opharihela muteko yeeyo nnahuseryaahu.

    Soolaleeryiwa sa Lomwe (1995-2024)
    Okhumavo
    Ovolowa
    • Elomwe
    • Ovaha
    • Orehererya
    • Copyright © 2025 Watch Tower Bible and Tract Society of Pennsylvania
    • Malakiheryo a Opharihela
    • Malakiheryo a Sookhuweya
    • Configurações de Privacidade
    • JW.ORG
    • Ovolowa
    Ovaha