Mwaakhaviherye wi Ekhale “Awitikitherya mu Nroromelo”

Ennahakalaliha woona moota Yehova onareeliheiye othukumanya, achu ikonto masana meeli ni makhumi mathanu yaawo anapatisiwa khata eyaakha. (Malam. 28:2) Mulaleeryi amala omukhaviherya oohuserya ophiyerya opatisiwa, akhweya onathitimanela ohiya yoohuserya ni ochuna waakhaviherya akina. Oohuserya owo tho poti othitimanela ohiya yoohuserya wi akhaleno elukuluku yincipale mu orummwa. Nyenya, ti yookhweleya wi oohuserya a Piipiliya ekhaleno mathipelo aphaama mu eparipari. Awo annachuna wi ekhale “óthipeleya” mwa Kiristu ni “awitikitherya mu nroromelo”. (Akol. 2:6, 7; 2 Tim. 3:12) Mwawiihiiha, oohuserya amala opatisiwa, onaphwanela otitelela yoohuserya awe ya Piipiliya ophiyerya aahuserye aliivuru oopiili Piipiliya onahusiha eheeni ni “Amor de Deus”.​—Moone Nosso Ministério do Reino a Apirili a 2011 epaaxina 2.