Sawooniherya sa Ntakiheryo

Nwopelo wa Wuupuxerya Okhwa wa Yesu

“Hiyaano nnakawa nwopelo wa yaweereya yookhweleya. Mu 3 a Apirili, macikhwi orukurerya elapo anahaala othukumana wi yuupuwelele okhwa wa Yesu Kiristu nave ewiriyane mwaha wa vanlakani vooloca sa mukhalelo okhwa wawe onanikhaviheryaaya. Nwopelo ola onnooniherya nipuro ni elukuluku muthukumano onahaalaaya weeriwawo mmuceche ahu.”

Mulipeleli 1 a Marsu

“3 a Apirili nihiku nnahaalaahu wuupuwelela okhwa wa Yesu Kiristu. Mu ekulucu ahu akina anahaala othukumana nihiku nenla wi yuupuwelele okhwa wa Yesu, nyenya aakhalavo achu akina ahinasuwela wi okhwa wa Yesu wonruuhela mphurelo. Tuuvi ori moonelo anyu? Munuupuwela wi okhwa wa Yesu onnanruuhela mphurelo? [Nweherye naakhulo.] Moone tiheeni Masu a Muluku analocaaya wa yeela. [Mwaalakhanye 1 Akorinto 15:22, 26.] Erevista ela ennathokororya mphurelo wa omwaahiyu ntakhara Yawoopola ya Yesu​—naari wi, nihiku nimoha hokhalavo okhwa mweelapo yavathi.”

Despertai! a Marsu

“Nnapaka oxekurya wawaakuveya wa amwaacamani ahu wi niwooniherye mwaha muvyaani wa Despertai! [Mmoonihe ekaapa.] Muchu ori oothene ookhalano moonelo awe vooloca sa nikoho nla noopacerya: ‘Muluku ookhala?’ Mmoonelo anyu, taani orino moonelo waphaama vooloca sa omwaahiyu​—ti yaale anamuroromela Muluku naari wi ti yaale ahinamuroromela? [Nweherye naakhulo.] Ela yoolaiherya enarweela wa Muluku yeeyo enavaha ewehereryo wa achu ancipale. [Mwaalakhanye Salmo 37:10, 11.] Erevista ela yookhalano mathowa maxexe wi muchu atholathole waakhanle wi Muluku.