Sawooniherya sa Ntakiheryo

Opaceryiha Soohuserya sa Piipiliya Nawoorowa Oopacerya a Marsu

“Hiyaano nnapaka oxekurya wawaakuveya nthowa na yeeyo enahaala weereya mu 14 a Apirili. Nihiku na okhwa wa Yesu. Ancipale anahaala wuupuwelela nihiku nenla ntakhara annoona wi okhwa wawe ti woochuneya. Akina hanasuwela yootaphulelaaya. Nyuwano munuupuwela wi okhwa wa Yesu onnaruuhela mphurelo wa nyuwo ni miyo?” Muweherye naakhulo. Mmoonihe oculi wa A Sentinela 1 a Marsu, nave muthokororye eparagrafo yoopacerya ni yoorepa eromoliwe. Mvahe irevista, ni mvaanele okooka wi muthokororye nikoho nnacharela.

Sentinela 1 a Marsu

“Achu ancipale anniikoha ntakhara heeni Muluku hanamaliha onanara ni masooso mu elapo. Nyuwano munuupuwela wi Muluku hananithokororya nari owo onoona oreera vaavaa achu anahooxeyaaya? [Muweherye naakhulo. Nave Mwaalakhanye Yohane 3:16.] Naamwi ancipale epharihelaka Yoorepa yeela ethoonyeryaka wi Muluku onnanthokororya, awo hanasuwela mphurelo wa hiihaano onarweela mu okhwa wa Yesu. Erevista ela ennathariha ti mwawiihai okhwa wa Yesu onahaalaya omaliha onanara ni masooso veelaponi.”

Despertai! a Marsu

“Hiyaano nnapaka oxekurya wawaakuveya wi nivuwihe moonelo ancipale aryaayano vooloca sa yoorepa ela ya Piipiliya. [Mwaalakhanye Maphatxuwelo 1:1.] Ancipale anneemererya yeela, wi elapo erimpatuxiwa, nyenya akina hooye. Tuuvi ori moonelo anyu? [Muweherye naakhulo.] Ancipale hanaroromela nthowa nawi ahooleli a ikerexa hanahusiha yeeyo Piipiliya onahusiheiye. Erevista ela ennavaha yoohusiha yawookololowa ya Piipiliya vooloca sa maphacuwelo a elapo.”