Sawooniherya sa Ntakiheryo

Opaceryiha Soohuserya sa Piipiliya Nawoorowa Oopacerya a Otupuru

“Olelo, nnaaxekurya mwawaakuveya amwaacamane ahu. Ancipale yaawo nnalocaahuno annaloca wi nikacamiho ntokotokoxa anakumanaayano ti okhwa wa oosiveliwa aya. Nyuwano tho munoona hiihaa? [Muweherye naakhulo.] Ela ti echu yoolipiha.” Mmoonihe oculi wa A Sentinela 1 a Otupuru, nave muthokororye miseelo vathi va nikoho noopacerya ni emoha ya soorepa iromoliwe. Mvahe irevista, ni mvaanele okooka wi muthokororye nikoho nnacharela.

Sentinela 1 a Otupuru

“Nnaaxekurya mwawaakuveya amwaacamane ahu wi nceenyerye omwaalakhanya Piipiliya. Ninnasuwela wi achu akina anamusivela Piipiliya, akina hooye. Hanka nyuwano? [Muweherye naakhulo.] Piipiliya onnaloca moolipa. [Mwaalakhanye 1 Atesalonika 2:13.] Kinnaroromela wi wakhala wi nyuwano munneemererya wi Piipiliya ti liivuru onarweela wa Muluku, vano ti oophwanelela omwaalakhanya. Erevista ela ennaloca Piipiliya tiheeni nave ntakhara heeni hiyaano nnaphwanela omusivela.”

Despertai! a Otupuru

“Kaachuna osuwela moonelo anyu wa nikoho nla: Ti wooweryeya ohakalala wakhala wi hiyaano hinaanono ichu sincipale? [Muweherye naakhulo.] Moone yeeyo Piipiliya onaloceiye. [Mwaalakhanye 1 Timoteo 6:8.] Erevista ela ennooniherya moonelo woophimelela wa ichu soomwiilini nave ennaloca ichu chaaru seiyo ikhorowa ihinaweryaaya othuma.”