Sawooniherya sa Ntakiheryo

Opaceryiha Soohuserya sa Piipiliya Nawoorowa Oopacerya a Fevereru

“Achu ancipale nnalocaahuno aakhalano moonelo woohiyana vooloca sa Piipiliya. Akina aneemererya wi Piipiliya Masu a Muluku, akina anamoona Piipiliya ntoko liivuru pure. Munoona hai vooloca sa Piipiliya?” Muweherye naakhulo Mmoonihe mwaha oculi wa A Sentinela 1 a Fevereru, nave muthokororye eparagrafo yoopacerya ni yoorepa eromoliwe. Mvahe irevista, ni mvaanele okooka wi muthokororye nikoho nnacharela.

Sentinela 1 a Fevereru

“Achu ancipale annachuna woona ikhoco imanle. Munuupuwela wi murecele weelapo yoothene yoolakelela yeeparipari? [Muweherye naakhulo] Moone yeeyo soorempwa inalaiheryaaya. [Mwaalakhanye Salmo 46:9.] Ti yootikiniha wi ichu seeren‵ye variyari va ekhoco yoopacerya ni seeren‵ye voocharela sinnanivaha nroromelo wi moohilekela Muluku onahaala waakhwaniherya yooloherya ela nave onahaala omaliha ikhoco moomalela. Erevista ela ennathariha.”

Despertai! a Fevereru

“Hiyaano nnapaka oxekurya wawaakuveya wi nthokororye nikacamiho nawunlaana. Enakhala wi hiyaavovo elukuluku yoophwanelela wi nipake echu eri yoothene. Munoona wi ninnaaceliwa vancipale nthowa na waaca wa miteko nari nthowa na oyeeha elukuluku ahu yincipale? [Muweherye naakhulo.] Ancipale hanasuwela wi Piipiliya onnavaha ekano yoophara muteko wi enikhaviherye opharihela elukuluku. Ela yootakiherya emoha. [Mwaalakhanye Afilipi 1:10a.] Erevista ela ennaloca makhalelo maxexe yaawo anaakhaviherya achu wi epharihele mwa miruku elukuluku aya.”