Sawooniherya sa Ntakiheryo

Opaceryiha Soohuserya sa Piipiliya Nawoorowa Oopacerya a Apirili

“Nnapaka oxekurya wawaakuveya wi nthokororye nikoho nla nootikiniha. [Mmoonihe nikoho noopacerya oculi wa A Sentinela a 1 a Maiyu.] Tuuvi ori moonelo anyu?” Nweherye naakhulo. Muthokororye vamoha mwaha onaphwanyeya vathi va nikoho ni yoorepa emoha eromoliwe. Mumvahe erevista, nave mpake marehereryo wi muthokororye nikoho noocharela.

Sentinela 1 a Maiyu

“Nnapaka oxekurya wawaakuveya nthowa na wi achu ancipale annachuna osuwela omwaahiyu. Vaavaa munuupuwelaanyu sa omwaahiyu munoona hai? Munamusiveliwa, naari munakhala awoova? [Nweherye naakhulo. Nave mwaalakhanye yoorepa emoha eri va ekaaxa “Tiheeni Muluku Uupulunleiye sa Omwaahiyu.”] Erevista ela ennathokororya ichu ikina seiyo Muluku onaloceiye wi inahaala weereya nave ennathariha ntakhara heeni nnaphwanelaahu weemererya wi inahaala weereya.”

Despertai! Maiyu

“Nnapaka oxekurya wawaakuveya wi naakhaviherye achu okukuca wuukhuwa waya mmuupuweloni. Munoona wi achu ari awuukhuwaxa mahiku yaala opwaha khalai? [Nweherye naakhulo.] Ancipale ahoona wi ekano yoophara muteko enaphwanyeya Mpiipiliyani yaahaakhaviherya okukuca wuukhuwa waya mmuupuweloni. Ela yootakiherya ya yeeyo. [Mwaalakhanye Mateyu 6:34.] Erevista ela ennathariha moota mathipelo a Piipiliya anaweryaaya onikhaviherya okukuca ichu xexe inatannya wuukhuwa mmuupuweloni.”

Moone: Mwaha ola onahaala waasivela xaxaxa anamatumiha.