Sawooniherya sa Ntakiheryo

Opaceryiha Soohuserya sa Piipiliya Nawoorowa Oopacerya a Otupuru

“Hiyaano nnaaxekurya mwawaakuveya amwaacamani ahu wi nloce sa olamulelo waphaama. Munuupuwela wi wookhalavo olamulelo orino owerya wa omaliha makacamiho ntoko, nlala ni ohikhala ekhaikhai?” Nweherye naakhulo. Mmuupuxerye namakhala wi mu nivekelo na Apwiya, Yesu aahaahusiha oohuserya awe ovekela ntakhara olamulelo yoowo, Omwene wa Muluku, wi orwe. Mmoonihe oculi wa Mulipeleli 1 a Otupuru, nave muthokororye vamoha mwaha onaphwanyeya vathi va nikoho ni yoorepa emoha eromoliwe. Mumvahe erevista nave mpake marehereryo wi muthokororye nikoho noocharela.

Sentinela 1 a Otupuru

“Hiyaano nnaaxekurya mwawaakuveya amwaacamani ahu wi nloce sa masu a nivekelo noosuwanyeya nenlo Yesu aahusinheiye oomuchara awe. [Mwaalakhanye Mateyu 6:9, 10.] Montoko wiiwexexa Omwene wa Muluku tiheeni nave ntakhara heeni Yesu aacicimiherya vancipale mu ohusiha wawe? [Nweherye naakhulo.] Erevista ela ennooniherya yeeyo Piipiliya onaloceiye sa Omwene wa Muluku ni mphurelo wootikhiniha onahaalaaya oruuha veelaponi yavathi.”

Despertai! a Otupuru

“Hiyaano nnapaka oxekurya wawaakuveya wi naakhaviherye achu ophwanya naakhulo na nikoho nla. [Mmoonihe ekaapa ya erevista.] Munuupuwela wi muchu onaphwanela okhala ooreela wi chiryene akhumelele phaama? [Nweherye naakhulo.] Piipiliya onnavaha moonelo woophimelela vooloca sa sookhalano sa omwiilini. [Mwaalakhanye Luka 12:15] Mwawiiwanana ni Piipiliya, okhumelela phaama weeparipari ti wooweryeya wa oothene. Erevista ela ennathariha.”