Sawooniherya sa Ntakiheryo

Opaceryiha Soohuserya sa Piipiliya Nawoorowa Oopacerya a Yunyu

“Nnapaka oxekurya wawaakuveya wi nthokororye nikoho nla nootikiniha. [Mmoonihe nikoho noopacerya oculi wa A Sentinela a 1 a Yunyu.] Tuuvi ori moonelo anyu?” Nweherye naakhulo. Muthokororye vamoha mwaha onaphwanyeya vathi va nikoho ni yoorepa emoha eromoliwe. Mumvahe erevista, nave mpake marehereryo wi muthokororye nikoho noocharela.

Sentinela 1 a Yunyu

“Achu 6.000.000 annakhwa nthowa na omulya soona mu eyaakha emoha. Munuupuwela wi yookhala yaahaala opakiwa wi emalihe epahu yeela? [Muweherye naakhulo.] Achu ancipale annakhaviheryiwa wi emaale nari esepe omulya soona mmukhalelo woothene, moorweela wa othokororya moonelo wa Muluku mu mwaha yoola. Ntoko yootakiherya, yoorepa yeela ya Piipiliya ennaweeriha akina wuupuwela ti mwawiihai omulya soona onnaavolowela akina. [Mwaalakhanye 1 Akorinto 10:24.] Erevista ela ennathariha ti mwawiihai othokororya moonelo wa Muluku vooloca sa omulya soona poti omweeriha muchu omuhiya soona.”

Despertai! a Yunyu

“Onthamwene mu interneti onneeriha wi achu ancipale ekhaleno asinthamwene opwaha khalai. Tiheeni mwaahaalaanyu oloca sa mikhalelo sookhweleyaxa sa nthamwene eeparipari? [Muweherye naakhulo.] Ela yootakiherya emoha ya ekano ya nthamwene aphaama yeeyo enaphwanyeya Mpiipiliyani. [Mwaalakhanye Yakobo 1:19.] Erevista ela yookhalano malakiheryo 4 oohoolela yaawo anahaala onikhaviherya okhala muchu yoowo akina yaahaalaaya osiveliwano opakano onthamwene.”