Sawooniherya sa Ntakiheryo

Opaceryiha Soohuserya sa Piipiliya Nawoorowa Oopacerya a Tesempuru

“Nnapaka muteko wa vanlakani onakhaviherya imusi. Asitiithi ancipale annachuna wi anamwane aya emusiveleke Muluku. Munuupuwela wi eyo achu asitiithi anaphwanelaaya waahusiha anamwane aya, naari wi anamwane anaphwanela ohuserya omusivela Muluku mukhataaya?” Nwehererye naakhulo. Mmoonihe nikoho noopacerya oculi wa Mulipeleli 1 a Tesempuru, nave muthokororye vamoha mwaha onaphwanyeya vathi va nikoho ni yoorepa emoha eromoliwe. Mumvahe erevista nave mpake marehereryo wi muthokororye nikoho noocharela.

Sentinela 1 a Tesempuru

“Nnapaka oxekurya wawaakuveya nchekulaka vooloca sa Muluku. Ninnasuwela wi muchu ori oothene ookhalano moonelo awe vooloca sa Muluku. Nyuwaano munuupuwela wi achu ancipale anoona wi owo ikuru sa maphacuwelo sihiri soomuchu naari wi anuupuwela okhala ntoko nthamwene yoowo onnamuthokororya muchu ti muchu a yaawo? [Nweherye naakhulo.] Eversikulu ela ya Piipiliya ennanleela onthamwene taani Muluku onachuneiye wi hiyaano nikhaleno ni yoowo. [Mwaalakhanye Yakopo 4:8a.] Erevista ela ennaloca ichu raru seiho nnaphwanelaahu weera wi nikhaleno onthamwene ni Muluku.”

Despertai! a Tesempuru

“Nnaaxekurya achu mwawaakuveya nthowa na makacamiho a ekumi yaawo ari a wunlaana. Mwawiiwanana ni Nikhuuru na Okumi na Mweelaponi, wuukhuwa wa muupuwelo, ntoko oximwa, onahaala omvolowela muchu mmoha wa achu axexe mmapuro anakhalaayamo. Munuupuwela wi wuukhuwa wa muupuwelo ori wawunlaana? [Nweherye naakhulo] Piipiliya onnavaha ewehereryo wi omwaahiyu, ekumi veelaponi yavathi herwa ekano masooso naari wiicela [Mwaalakhanye Yawupulula 21:3, 4.] Erevista ela ennathokororya ichu vakhaani seiho muchu ari oothene onaphwaneleiye osuwela vooloca sa wuukhuwa wa muupuwelo.”