Sawooniherya sa Ntakiheryo

Mulipeleli 1 a Maiyu

“Waakhanle wi munnawerya omaliha nikacamiho nimoha mweelaponi, tinivi mwaahaalaanyu omaliha? [Nweherye naakhulo.] Mwawiiwanana ni Piipiliya, moohilekela Muluku onahaala omaliha makacamiho yaala ni makina. [Muthanle yoorepa emoha wi mwaalakhanye, ntoko Taniyeli 2:44; Masiposipo 2:21, 22; Mateyu 7:21-23; naari 2 Petro 3:7.] Mwaha ola wa Mulipeleli onnathokororya ti liini nave ti mwawiihai Muluku onahaaleiye opaka matorokelo veelaponi yavathi.”

Despertai! a Maiyu

“Munuupuwela wi nihiku nimoha nnahaala okhala mu elapo yeeyo achu anahaalaaya okhalano ipa saphaama nave ehirimo makacamiho? [Nweherye naakhulo.] Kinnoovekaani wi moone yoolaiherya Muluku opankeiye wi aakhwaniherye yeeyo. [Mwaalakhanye Yesaya 65:21, 22.] Mwaha ola wa Despertai! onnathokororya ti mwawiihai Muluku onahaaleiye waakhwaniherya yoolaiherya awe nave mukhalelo nnahaalaahu ophura mwa yeeyo.”