Sawooniherya sa Ntakiheryo

Opaceryiha Soohuserya sa Piipiliya Nawoorowa Oopacerya a Apirili

“Hiyaano nnaalipiha amwaacamani ahu wi emwaalakhanye Piipiliya. Nyenya achu ancipale anuupuwela wi Piipiliya ti oovila omwiiwexexa. Nyuwano munoona hiihaa? [Muweherye naakhulo.] Vareryani enalociwa va.” Mmoonihe oculi wa A Sentinela 1 a Apirili, nave muthokororye vamoha miseelo vathi va nikoho noopacerya ni emoha ya soorepa iromoliwe. Mvahe irevista, ni mvaanele okooka wi muthokororye nikoho nnacharela.

Sentinela 1 a Apirili

“Muchu ori oothene nnalocaahuno onnakumana ni makacamiho. Ela ennaweeriha achu okoha vooloca sa yootaphulela ya okumi. Tiheeni mwaahaalaanyu oloca nri nikacamiho ntokotokoxa nnahiiha ohakalala olelo? [Muweherye naakhulo.] Piipiliya onnalaiherya wi moohilekela Muluku onahaala omaliha makacamiho yaawo vano nnakumanaahuno. [Mwaalakhanye Yawupulula 21:4.] Erevista ela annathokororya ewehereryo ahu ya mmwaahiyu ni moota wa ophwanya okumi woohakalaliha olelo.

Despertai! a Apirili

“Nlala veechokoni ti nikacamiho veelaponi yoothene. Akina analoca wi ichu inatannya ti mukhalelo wa muchu, muyareriwo wa emusi awe, mathatelo a nlala. Nyuwano munuupuwelaanyu wi tiheeni enatannya nlala veechokoni? [Muweherye naakhulo.] Piipiliya onnooniherya onthamwene woophwanelela waahaala okhala variyari va mulopwana ni muthiyana. [Mwaalakhanye Aefeso 5:33.] Erevista ela ennathokororya moota othela wa akina wooponwaaya moorweela wa opharihela malakiheryo a Piipiliya.