Ikaruma Sahu sa Ohusiha
1. Alaleeryi Eekiristu analikana hai ni mulipa ooteka?
1 Mulipa ooteka onnapharihela ikaruma soohiyana hiyana. Ikaruma sincipale ti sookhweleya elukuluku eri yoothene, nyenya ikina hasinaphariheliwa wiiliwiili. Mulipa ooteka orino mavyakelo wiiliwiili onnakhalano ikaruma seiho sookhweleya mmurupani mwawe, nave onnasuwela opharihela phaama. Piipiliya onnaaceenyerya Akiristu oothene okhala a mvai mu orummwa ni “óhikhalano nthowa nomúliha muru.” (2 Tim. 2:15) Echu taani eri yookhweleya mmurupa ahu wa ikaruma? Piipiliya—ekaruma etokotoko nnapharihelaahu mu ‘wahusiha atchu.’ (Mat. 28:19, 20) Mwawiihiiha, nnaphwanela wiilipixerya wi nikhale “óluluwelano phama masu éparipari.” Mwawiihiiha, sookhalavo ikaruma ikina wiiliwiili sinaphariheliwa mmuteko ahu wa ohusiha seiho Akiristu anaphwanelaaya osuwela phaama opharihela muteko—mu waahusiha achu eparipari.—Masi. 22:29.
2. Tiivi iri ikaruma sahu sa ohusiha?
2 Ikaruma Sahu sa Ohusiha Nnapharihelaahu Wiiliwiili: Ohiya pahiru Piipiliya, ikaruma taani ikina nnaphwanelaahu opharihela? Ekaruma yoopacerya nnapharihelaahu wi naahusihe akina iparipari sa Mpiipiliyani ti liivuru Piipiliya Onahusiha Eheeni Chiryene? Nimanle omuhuserya liivuru yoola ni oohuserya, ninnampharihela liivuru ‘Mwikhapelele Mukhatinyu mu Osivela wa Muluku’ wi nimukhaviherye oohuserya opharihela malakiheryo a Piipiliya mu nihiku nnihiku. Mwawiihiiha, nnanwerya osuwela phaama opharihela soolaleeryiwa seiha piili. Iproxura ikina inaphwanela ophitaanyiwa mu ikaruma sahu sa ohusiha. Michaka Yaphaama Yoorweela wa Muluku! ekaruma emoha ya opaceryiha soohuserya ya Piipiliya. Wakhala wi mu ekulucu ahu aakhalawo achu ahisuwenle phaama waalakhanya, analoca elocelo nihiryaahuno soolaleeryiwa naari nryaahuno vakhaani, nnanwerya opharihela iprochura Mmuwiriyane Muluku, ni Mmuwiriyane Muluku nave Mukhale Okhala Wookhala. Ekaruma ya ohusiha enahaala waahoolela oohuserya mmareheryo a Yehova ti eproxura Taani Aneera Yookhwela ya Yehova Olelo? Ixilema sinnakhaviherya waapaka oohuserya, ntoko Ntakhara Heeni Omuhuserya Piipiliya? ni Como é um estudo Bíblico? Deus tem nome?, siri soolaleeryiwa seiyo nnaphwanelaahu tho ohuserya wi nipharihele phaama.
3. Orummwa Wahu wa Omwene wa omwaahiyu onahaala onikhaviherya weera eheeni?
3 Orummwa Wahu wa Omwene wa omwaahiyu onahaala onivyakiha opharihela phaama soolaleeryiwa mu ikaruma sahu sa ohusiha. Vaavaa nniilipixeryaahu opharihela phaama ikaruma iha, nnahaala ocharihaka masu oveereliwa anii: “Wiweheryerye mekhá, ni mahusiheryo awo. Wikhalelekeru mu iha; ntakhara oniriá wereke iha onarwa-wivulusha mekhá ni yawo enawiwa weyo.”—1 Tim. 4:16.