OKUMI WEEKRISTU

Wunnuwiha Mavyakelo Ahu Mmuteko wa Olaleerya​—Mwaaceenyerye Ale Anooniherya Nchuno wi Ephiyeke Mmithukumano

NTAKHARA HEENI TI YOOCHUNEYA: Mithukumano sinnanivaha ekari ya omwiipela “Yehova ntchipo” ni ‘omuchichimiha.’ (Sal 149:1) Mmithukumano ninnahuserya yoochuna ya Muluku. (Sal 143:10) Ale anooniherya nchuno ni oohuserya a Piipiliya annaakuva oya vahoolo vaavaa anapaceryaaya ophiya mmithukumano.

MUKHALELO WA WEERANO YEELA:

• Munwope moohilekela wakhala wooweryeya. Muhiweherye wi yoohuserya ya Piipiliya etikitheryeye.​—Wup 22:17.

• Mmuleele muchu owo oonihenrye nchuno, echu enahaala othokororyiwa mmuthukumano onacharela. Ikaruma sinacharela sinahaala wookhaviheryaani weerano yeeyo: Nwopelo wa mithukumano sa muloko, exilema O que acontece em um Salão do Reino?, ni miyaha 5 ni 7 sa eproxura Yookhwela ya Yehova.

• Mvahe nikhaviheryo. Apwanne muchu owo onnachuna ohooleliwa naari nikhaviheryo wi athanle yoowara yoophwanelela? Mukiraathe vamoha ni yoowo mmithukumano wi muukeno soolaleeryiwa sanyu. Mmusuwelihe wa akina.

[Ekaaxa va epaaxina 7]

YOOVAHA YA MU OUTUPURU: NWOPELO WA MITHUKUMANO SA MULOKO

Akina yaawo anaphiya mmithukumano sahu mu ekwaha yoopacerya, annaphiyerya oloca eriki: “Muluku ori epariparyene veri vanyu.” (1Kor 14:25) Mweeri wa Outupuru, nnahaala wiilipixerya wi naawope achu ancipale wi ephiye mmithukumano sa muloko. Nnahaala okawa nwopelo wa mithukumano sa muloko, nave wakhala wi namakhala onneemererya, nimoonihe exilema O que acontece em um Salão do Reino? Mapaceryiho a ntakiheryo a makupa yaala nnahaala woona ni othokororya esumana enacharela.