OKUMI WEEKRISTU

Nyuwaano Munnaapharihela Phaama Akartau Anaphwanyeyavo JW.ORG?

Woona wi yoohooxa etokotoko ennaacamela, muteko ahu woolaleerya ti wawaakuveya. (Masi 24:11, 12, 20) Wi naakhaviherye achu, nnaphwanela waapharihela akartau wi naahusihe Masu a Muluku ni ovolowa mu esaiti ahu. Kartau ookhalano ekootiku enakeriha va exilema Ntakhara Heeni Omuhuserya Piipiliya? ni makupa anavaha sooleeliherya sincipale naari yoohuserya ya Piipiliya. Achu akina haneemererya waakhela soolaleeryiwa sahu, nyenya ananwerya ovolowa mu esaiti ahu. Muhoovelele omvaha kartau yoola. Nave, muhahiyeryeke achu yaale ahinooniherya nchuno.

Vaavo munayaanyu ophara muteko wa nihiku nnihiku, munaphwanela waavaha achu yaale onooniherya nchuno muriki: “Kookhalano echu kinachunaaka woovahaani. Kartau ola onahaala wookerihaani mu esaiti sinaphwanyeyamo sooleeliherya sincipale ni ixilema inaloca miyaha soohiyana hiyana.” (Yoh 4:7) Woona wi akartau ala akhaani, ti wookhweya waakawela achu elukuluku eri yoothene.

—

—

[Ekaaxa va epaaxina 8]

MUMVAHE KARTAU VAAVAA . . .

• munalaleeryaanyu mphironi.

• munalaleeryaanyu omusika.

• muchu onawiriyaneiye michaka sahu nave ahinachuna waakhela yoolaleeryiwa.