Olaleerya ni Ohusiha—Ti Woochuneya wi Naapake Oohuserya

Yesu aahaalamulela oomuchara awe orowa ni waapaka oohuserya. (Mat 28:19) Muteko owo onnavolowela olaleerya ni ohusiha. Ilukuluku ni ilukuluku, ti woochuneya wiikoha, ‘Ti mwawiihai kineeraka kinnuwihe makhalelo yaala oochuneya a muteko yoola wa waapaka oohuserya?’

OLALEERYA

Ohiya oweherya wi achu enrweeleke, hiyaano nnaphwanela owaavya moolucuwa yaale ‘ophwanela.’ (Mat 10:11) Vaavaa nnakhalaahu mmuteko woolaleerya, apwanne ninnakhala awiivareryela opharihela ikari soothene wi nloce ni achu oothene ‘nnaphwanyahu’? (Saw 17:17) Litiya aakhala oomuchara a Yesu nthowa na olaleerya mwa mvai wa Paulo.—Saw 16:13-15.

MOONI EXILEMA MUTITELELE OLALEERYA ‘MOHITXOMPELA’—OLALEERYA WOOHILAKELELA NI EMPA NI EMPA, NAVE VOOCHARELA MWAAKHULE MAKOHO ALA:

• Mmahiku oothene, ti mwawiihai Samuwele oonihereiye wi aaniilipixerya waala mmiso wa eparipari?

• Ntakhara heeni nnaphwanelaahu otitelela opaka makupa mmakhalelo oothene a olaleerya?

• Taani munayaanyu omuleela michaka sa Omwene variyari va saweera sanyu sa nihiku ti nihiku?

OHUSIHA

Wi naapake oohuserya, nnaphwanela opaka sincipale ohiya pahiru waahiyera achu soolaleeryiwa sahu. Wi naakhaviherye wunnuwa omunepani, nnaphwanela waaxekuryaka ni weeciha soohuserya sa Piipiliya. (1Kor 3:6-9) Vano, hanka wakhala wi wiilipixerya wahu wa omuhusiha muchu eparipari vooloca sa Omwene onakhalano mphurelo wavakhaani? (Mat 13:19-22) Hiyaano nnaphwanela otitelela owaavya yaale arino murima onalikana ni “mmiso vatxheyani yaphama.”—Mat 13:23; Saw 13:48.

MOONE EXILEMA MUTITELELE OLALEERYA ‘MOHITXOMPELA’—VANLAKANI NI MWAAPAKE OOHUSERYA, NAVE VOOCHARELA MWAAKHULE MAKOHO ALA:

• Ti mwawiihai munna Solomoni ni mwaariye Mariya yaahelaaya maahi mmiso wa eparipari mmurima wa Esekiyeli ni Apikaili?

• Tiheeni enaphwanela okhala yoolakelela ahu mmakupa oothene a muteko woolaleerya, ophitaanyerya olaleerya wa vanlakani?

• Nni ncicimiherye hai waahusiha akina eparipari?