Mukipici wa Vameekhaaya wa Novempuru Olaleya Omwene wa Muluku

Yesu aalaleya “michaka ya Omwene wa Muluku.” (Luka 4:43) Owo tho aahaahusiha achu ovekela wi Omwene orwe. (Mat 6:9, 10) Opacerya mu Novempuru, hiyaano nnahaala wiilipixerya opaka mukipici wavameekhaaya olaleya Omwene wa Muluku. (Mat 24:14) Mpake marehereryo anyu wi mukhaviherye mukipici yoola. Oothene yaale anachuna orumeela ntoko mapiyoneero ookhaviherya ananwerya othanla olapa iwora 30 naari 50 mweeri yoola.

Wakhala wooweryeya nwoonihe soorepa achu a ekulucu anyu seiho xaxaxa sinaloca sa Omwene wa Muluku. Vaavaa munathanlaanyu soorepa, nwuupuwelele phaama alipa oowiriyana anyu yaale anavekela. Wakhala wi muchu ohooniherya nchuno mu ekwaha yoopacerya, mumvahe yoolaleeryiwa ya Mulipeleli N.° 2 2020. Voocharela ooniherya nchuno, nave tho wakhala wooweryeya, mweererye opaceryiha yoohuserya ya Piipiliya mpharihelaka yoolaleeryiwa enaphwanyeya mu Ikaruma Soohusihano. Moohilekela Omwene wa Muluku onahaala otoloxa olamulelo woothene yoowo onamwaakaaha. (Dan 2:44; 1Kor 15:24, 25) Mwawiihiiha, hiyaano nnaphwanela okhumelela phaama mu ekari yeela ya mukipici yoola wavameekhaaya wi nooniherye wiiveleela wahu wa Yehova ni Omwene awe!