Mulaleerye Michaka Saphaama Sawi Elapo Yaphaama Yohaacamela!

Mu mweeri wa Novempuru, nnahaala opaka owetha wahu wi nlaleerye michaka yaphaama yawi elapo yaphaama ehaacamela. (Sal 37:10, 11; Wup 21:3-5) Mpake marehereryo wi nwerye okhaviherya mukipici yoola. Wakhala wi munnachuna olapa ntoko piyoneero ookhaviherya mweeri yoola, munanwerya othanla olapa iwora 30 naari 50.

Mwiirehererye wi mpharihele soorepa siniiwanana ni elapo evyaani ni achu ancipale wakhala wooweryeya. Vaavaa munathanlaanyu iversikulu sa Mpiipiliyani, muthokororye seiho sinahaala otannya murima wa achu mu ekulucu anyu. Wakhala wi muchu ohooniherya nchuno mu ekwaha yoopacerya, mumvahe owo Mulipeleli a vanlakani N.° 2 2021. Voocharela, mmuxekurye moohilekela wakhala wooweryeya nave mpaceryihe yoohuserya ya Piipiliya mpharihelaka eproxura Mpuhe Okumi Okhala Wookhala! Ti yoohakalaliha oweiwa nlaleeryaka “michaka yaphaama”!—Isa 52:7.

MOONIHE NCIPO NAVAMEEKHAAYA ELAPO EVYAANI YEEYO ENOORWA, NAVE VOOCHARELA MWAAKHULE MAKOHO ANACHARELA:

• Omwaahiyu taani wootikhiniha nahano onaanyiheryeiye?

• Ichu taani ikina sa elapo evyaani munachunaanyu woona?

• Ti mwawiihai wuupuwelela ewehereryo anyu oneeraaya wookhaviheryeeni wiirehererya mwawaakhwanela wi mukhaviherye mukipici wa mweeri wa Novempuru?—Luka 6:45