Ninnooniherya Osivela Moorweela wa Okhaviherya Olaka wa Yehova

Wiikariwa mmulokoni onnakhapelela muloko nave tho onnamulaka namacheka oohicharuwa. (1Kor 5:6, 11) Vaavaa nnakhaviheryaahu olaka onarweela wa Yehova, ninnooniherya osivela. Nni niwerye hai okhala oororomeleya, naamwi wiikariwa mmulokoni oruuhaka wiicela mmuupuwelo wa oothene anavoloweliwa, ophitaanyerya yaale nnaasivelaahu naari nikhuuru na othoriha?

Opwaha soothene, hiyaano ninnooniherya omusivela Yehova ni ocicimiha nlakiheryo nawe na okhala aweela. (1Ped 1:14-16) Ninnooniherya tho omusivela muchu yoole iikariwe mmulokoni. Waakhulela olaka, naamwi okhalaka wawiicela, onanwerya okumiherya “yawiima yawookololowa ya murecele.” (Ahe 12:5, 6, 11) Hiyaano naahaala okhooca olaka wa Yehova wakhala wi ninnaataana ni muchu yoole iikariwe mmulokoni naari yoowo iisiikanre mukhateiye. Muupuwele, Yehova onaalaka achu awe ni waavaha “ekoi moophwanelela.” (Yer 30:11) Mwawiihiiha hiyaano ninnaakhulela olaka onarweela wa Yehova moorweela mu wunnuwiha makupa ahu oomunepani, ni otitelela owehererya wi muchu owo amukookele Tiithi ahu aikharari.—Isa 1:16-18; 55:7.

MOONE EXILEMA MUKHALE OOROROMELEYA NI MURIMA ANYU WOOTHENE, NAVE VOOCHARELA MWAAKHULE MAKOHO ALA:

• 

  Wiicela taani asitiithi Eekristu yonnaaya vaavaa mwaana aya aamuhin’yeiye Yehova?

• 

  Muloko oni owerye hai waakhaviherya akina a veechokoni ari oororomeleya?

• 

  Yaweereya taani ya Mpiipiliyani enooniherya ochuneya waya okhala oororomeleya wa Yehova opwaha okhala oororomeleya wa emusi?

• 

  Nni nooniherye hai wi ororomeleya wa Yehova tori woochuneyaxa epwaha ororomeleya wa emusi?