Mutitele Wiirehererya Variyari va Omakuchuwelo wa ‘Mahiku Okuchula’

Vaavaa nnavilelaahu makuchuwelo a ‘mahiku ookuchula,’ninnaweherya wi makacamiho eni ekaamwaaceereryeya. (2Tim 3:1; nwtsty enoota ya estutu mu Mat 24:8) Vaavaa enakhumelelaaya epahu, achu a Yehova annaakhela ohoolela mu elukuluku yoophwanelela wi evuluxe ikumi saya. Wiiwelela wahu hiihaano onahaala weeriha wi nivuluwe muhoolo, mmakupa oomunepani ni oomwiilini.—Luka 16:10.

• Wiirehererya omunepani: Munnuwihe yookhovelela yaphaama ya omwaalakhanya Piipiliya. Muhuserye mikhalelo soohiyanahiyana sa olaleerya. Muhikhale awoova wakhala wi muri oovalaanyeya ni akina a mmulokoni. (Isa 30:15) Muhirwe mwiivalaanye ni Yehova vamoha ni Yesu.—od epaax. 176 ipara. 15-17

• Mwiirehererye Omwiilini: Mu waaceererya okhalano murupa, echoko ti echoko enaphwanela okhapelela yoolya, maahi, murece, ni ichu ikina inahaala ochuneya o nipuro noochawelawo mu elukuluku yeeyo.—Masi 22:3; g17.5-T ipaax. 4, 6

MOONE EXILEMA APWANNE MOHIIREHERERYA NTAKHARA IPAHU SA MAPHACUWELO? NAVE VOOCHARELA MWAAKHULE MAKOHO ANACHARELA:

• 

  Muni mwiirehererye hai omunepani ntakhara ipahu?

• 

  Ntakhara heeni nnaphwanelaahu . . .

  • otitelela olocihana ni asitokweene?

  • orehererya murupa wa nikhaviheryo nawaakuveya?

  • osuwela ipahu sinahaala weereya ni yeeyo nnaphwanelaahu weera mu elukuluku yeeyo?

• 

  Ichu taani raru nnaphwanelaahu weera wi naakhaviherye akina vaavaa anahoolelaaya ipahu?

MWIIKOHE, ‘Mwawiiwanana ni miyaha sa wiirehererya woosiilo ene tiheeni kinahuseryaaka orweela wa epahu ya koronaviru?’