Apwanne Muri Ooreheryeya Ohoolela Owanawana wa Maloko?

Vaavaa makuchuwelo a elapo yeela anaacamelaaya, ninnawehererya waaceereryeya wa owanawana wa maloko, achu anamwareela olamulelo, ni ikhoco. (Wup 6:4) Nni niirehererye hai wa makacamiho oomwaahiyu?

• Mwiirehererye omunepani: Mutholathole malakiheryo a Mpiipiliyani ni saweereya seiho sinahaala olipiha nroromelo nanyu mwa Yehova ni marehereryo awe ni wookhaviheryaani otitelela ohipaka makupa a elapo. (Masi 12:5; jr-T ipaax. 125-126 ipara. 23-24) Ela elukuluku ya olipiha onthamwene ahu ni muloko.—1Ped. 4:7, 8

• Mwiirehererye omwiilini: Mpake marehereryo wi muhikhumeke vaate wiiliwiili nave mukhaleno sawiikhaviheryano soophwanelela. Mpake marehereryo wa yeeyo munahaalaanyu weera wakhala wi munnachuna okhuma vaate. Mvareryele murupa yoowo munahaalaanyu okuxa, ophitaanyerya ichu sawiikhapelelano ni ikhorowa. Mukhaleno numero na asitokweene, nave muroromele wi awo aasuwela mukhalelo wa olocihana ni nyuwaano.—Isa 32:2; g17.5-T ipaax. 3-7

Variyari va namvutuka, mutitelele opaka ichu soomunepani. (Fil. 1:10) Musepe weeceeca yaahikhalavo mathowa oophwanelela. (Mat 10:16) Mukawaneke ni akina yoolya ni ichu ikina muryaanyuno.—Aro 12:13.

MOONE EXILEMA APWANNE MOHIIREHERERYA NTAKHARA IPAHU SA MAPHACUWELO? NAVE VOOCHARELA MWAAKHULE MAKOHO ANACHARELA:

• Ti mwawiihai Yehova oneereiye anikhaviherye ilukuluku sa ipahu?

• Ichu taani nnaphwanelaahu opaka wi niirehererye?

• Nni naakhaviherye hai akina yaawo avoloweliwe ni ipahu?