Waakhaviherya Oohuserya a Piipiliya Wunnuwiha Onthamwene wa Muchu Mukhateiye ni Yehova

Yehova onachuna wi nimurumeeleke yoowo nthowa na omusivela. (Mat 22:37, 38) Ti osivela onahaala omweeriha oohuserya a Piipiliya ochuna opaka matorokelo ni okhala aweemeleleya variyari va makacamiho. (1Yoh 5:3) Ti omusivela waya Muluku onahaala waaceenyerya awo wi epatisiwe.

Mwaakhaviherye oohuserya anyu a Piipiliya woona osivela wa Muluku wa yaawo. Mwaapakele makoho ntoko ala: “Tiheeni ela enoohusihaayaani vooloca Yehova? naari “Ti mwawiihai ela enooniheryaaya osivela wa Muluku wa nyuwaano?” Mwaakhaviherye awo wiiwexexa mukhalelo Yehova onaakhaviheryeiye. (2Math 16:9) Mwaaleele sootakiherya sa mukhalelo Yehova aakhunleiye mavekelo anyu, nave mwaalipihe awo woona mukhalelo Yehova onaakhuleiye mavekelo aya. Ninnahakalala vancipale vaavaa nnawoonaahu oohuserya a Piipiliya yiisoonaka wi Yehova onnaasivela ni wooniherya wi awo annamusivela yoowo nave tho annachuna okhala nthamwene aya.

MOONIHE EXILEMA MWAAKHAVIHERYE OOHUSERYA ANYU A PIIPILIYA . . . WUNNUWIHA ONTHAMWENE WA MUCHU MUKHATEIYE NI YEHOVA, NAVE MWAAKHULE MAKOHO ANACHARELA:

• 

  Nikacamiho taani Flora aahoolenleiye?

• 

  Ti mwawiihai Nita aamukhavihenrye Flora?

• 

  Ti mwawiihai Flora aawenryeiye ovootha nikacamiho nawe?