Mukhalelo wa Opharihela Ochekula wa Ntakiheryo

Anna anniilipixerya orehererya ochekula wa ntakiheryo, nave alaleeryi ancipale annakhumelela phaama mu ekulucu aya. Nyenya, mikhalelo ti soohiyana orukurerya elapo, mwawiihiiha alaleeryi ari ootaphuwa opharihela mmuteko aya woolaleerya mukhalelo woohiyana naari othokororya mwaha woohiyana mwawiiwanana ni achu a vanipuroni. Mweeparipari, oothene ahu nnaphwanela ochariha sooleeliherya sa mukipici wa vameekhaaya. Yoolakelela ahu ori okhwaaniherya nlamulo na Yesu na olaleerya michaka saphaama sa Omwene.—Mat 24:14.

Vaavaa oohuserya onaakheleiye nikupa, alaleeryi anaphwanela othokororya mwaha wa ochekula wa ntakiheryo mu Okumi ni Muteko Ahu Weekristu Yoochariha ya Mithukumano. Ohiya yeeyoru, awo ari ootaphuwa othanla nikoho, yoorepa, link, naari mwaha yoowo onahaala okhala oophwanelela mu ekulucu yeeyo. Matorokelo yaala a ohoolela yoola enaphwanyeya mu yoochariha ya mithukumano ya Yunyu a 2020 va epaaxina 8.