Ohoolela Nikacamiho na Othoiwa Ikhorowa ni Nroromelo

Okumi mmahiku yaala ookuchula woosareya ni makacamiho. Woona wi makuchuwelo a mukhalelo yoola wa ichu onnaacamela, makacamiho anahaala waaceereryeyaka. Moovira wa elukuluku, nnahaala okhalano soothowa soomwiilini. (Hab 3:16-18) Tiheeni enahaala onikhaviherya ohoolela nikacamiho na othoiwa ikhorowa ni nroromelo? Hiyaano nnaphwanela otitelela omuroromela Muluku ahu, Yehova. Owo oororomeliha waakhapelela akapuro awe, nave tho onanwerya onikhaviherya mmikhalelo soohiyanahiyana.—Sal 37:18, 19; Ahe 13:5, 6.

Tiheeni munaphwanelaanyu weera:

• Mveke ohoolela wa Yehova, miruku ni okhapelela wawe.—Sal 62:8

• Mukhale oolakelela weemererya muteko yoowo muhintonkaanyu ophara.—g-T 1/10 ipaax. 8-9, ikaaxa

• Mukhaleno yookhovelela yaphaama yoomunepani, ophitaanyerya waalakhanya Masu a Muluku nihiku nnihiku, ophiyaka mmithukumano sa muloko, ni olapa mmuteko woolaleerya

MOONE EXILEMA MUTEKE EMPA ENAHAALA OLEKELA—“MUHAKALALEKE NI YEYO MURYANYUNO,” NAVE VOOCHARELA MWAAKHULE MAKOHO ANACHARELA:

• Makacamiho taani imusi ikina yaahoolenlaaya?

• Echu taani eri yoochuneyaxa mu okumi?

• Nni naakhaviherye hai yaale anahoolela nikacamiho na othoiwa ikhorowa?