Mphariheleke Phaama Ikaruma Sahu

Yesu aaloca ariki: “Mwakhenle mahalene, nvaheketho mahalene.” (Mat 10:8) Ninnachariha masu yaala moorweela wa ohikuliha naari otorokaniha ni echu pure, ikaruma sahu sa Piipiliya naari Piipiliya. (2Kor 2:17) Nave, ikaruma iha sookhalano mahusiheryo oochuneya a Masu a Muluku. Wookhalavo muteko mutokweene ni oyeehiwa ikhorowa sincipale wi epakiwe ni okaiwa mmiloko soothene orukurerya elapo. Mwawiihiiha, nnaphwanela okuxaka pahiru seiho nnayaahu olapela.

Mukhaleke a miruku vaavaa munaavahaanyu achu, ophitaanyerya mu onamoona wa vanlakani. (Mat 7:6) Ohiya woona okawa pahiru wa oothene anavira, mwiilipixerye ochekula ni yaawo wi musuwele waakhanle wi annachuna chiryene. Wakhala wi mohaakhula aai nikoho nookuchula va ekaaxa enacharela, enooniherya wi muchu owo onnachuna chiryene. Wakhala wi hamunawerya osuwela waakhanle wi muchu owo onnachuna, ti yaphaama omvaha efolyeto. Nyenya, muchu aveka erevista naari ekaruma ekina, ti yaphaama omvaha.​—Masi 3:27, 28.