Yohuserya 12

Machichimiheryo Okumi Nnikhami

Nnaphwanela wonaka mwawi hai okumi? (1) hanka okumihamo erukulu? (1)

Akristu anoneiha mwawi hai okhapelela waya okumi? (2)

Etchu yonanara owipha ashinama? (3)

Sawera samota tani inoneiha ohikhapelela okumi? (4) Tinivi nlamulo na Muluku nnalocha sa nikhami? (5)

Onnavolihiwavo vava othamihiwa wa nikhami? (6)

1. Yehova ti Ehime ya okumi. Itchu sothene iri ni okumi ivahiwe ti Muluku. (Masalmo 36:9) Okumi wa Muluku etchu yawela. Nari okumi wa mwana orupaliwe, ori mmirimani tiwokhweleya wa Yehova. Omwiphela mwayini mwana mmirimani tiyonanara vamithoni va Muluku.—Eksodo 21:22, 23; Masalmo 127:3.

2. Akristu eparipari hanakhala vawopihavo. Annavarerya phama ekaroaya ni vatevaya yahirivovo yawopiha. (Detronomiu 22:8) Akapuro a Muluku hanakhala vawopihavo ohiphwanelelaka wi yihakalalihe nari nthowa na sawupuwela saya. Mwawi hiha hanavolowela mathatelo ohiphwanelela, yawo munahoshaniwamo mwayini. Annasepa sothatano inamuhosha mukina.—Masalmo 11:5; Yohane 13:35.

3. Okumi wa ashinama tiwawelatho wa Mpatusha. Mukristu onnemereriwa owipha ashinama wi akhaleno yolya nari yowara, nari nthowa nawisakiha irecha ni sawopiha. (Genesis 3:21; 9:3; Eksodo 21:28) Vanonto tiyonanara wahosha ashinama ni mathatelo owipha ashinama nthowa na ohakalala.—Proverpio 12:10.

4. Omulya sikaro, omukhura noz-de-betele, ni owurya mureche wohapaliha nthowa na otchuna ohakalala honaphwanelela wa muKristu. Werano itchu hiha tiwonanara nthowa nawi (1) sinnanimaka okapuro, (2) sinnapahula mwiliahu nave (3) tisonyala. (Aroma 6:19; 12:1; 2 Akorinto 7:1) Nthowa na okhovelela siha onakhala wowalamela ohiya. Vano onatchuneya pahi ohiya wi nimuhakalalihe Yehova.

5. Nikhamitho tinawela vamithoni va Muluku. Muluku oriye okumi, ori munikhamini. Vanthowa nenla etchu yonanara olya nikhami. Tiyonanaratho olya enama ya mwashinama ohihitiwe mokhwanela. Enama ya mwashinama onyopotcholiwa nari okhwile va murakhoni henaphwanelela okhuriwa. Iphiwa nnivaka nari nikapwitchi, onatchuneya omwakuvela omuhita, enamene yayaka okhuriwa.—Genesis 9:3, 4; Levitiko 17:13, 14; Saweriwa Tarummwa 15:28, 29.

6. Tiyonanara wakhela nikhami nothamihiwa? Muhichuwale wi Yehova onatchuna wi nthanyeke nikhami. Yela enataphulela wi hannaphwanelela nari tontoru wakhela nikhami mmwilini mwahu natchu akina nari nikhami nahu okhapelela vakina vaya. (Saweriwa Tarummwa 21:25) Vanthowa na yela, aKristu eparipari hanemererya nikhami nothamihiwa. Anemererya wapeliwa wa mota mukina wa matotore, ntoko sothamihiwa ihinarwela munikhamini. Annatchuna okhala akumi, nari hiha hanemererya ovulusha okumi votchekela malamulo a Muluku.—Mateyu 16:25.

[Iruku va epaaxina 25]

Wi nimuhakalalihe Muluku onatchuneya nsepe othamihiwa wa nikhami ori mikhalelo soripiha sotannya ikonne