Yesu Aari Taani?

Yehova aamurumiha Yesu veelaponi yavathi. 1 Yohane 4:9

Wakhala wi hiyaano ninnachuna omuhakalaliha Yehova, hiyo nnaphwanela omuwiriyana muchu mukina oochuneya vancipale. Ahaakumve ompatuxa Aatamu, Yehova aampatuxa munkeelo akuru wirimu.

Moovira wa elukuluku, Yehova aamurumiha yoowo wi ayariwe o Petelehemu moorweela wa mwali ahintonko okhala ni mulopwana nsina nawe Mariya. Mwaana owo aavahiwa nsina nawi Yesu.​—Yohane 6:38.

Ntoko muchu veelaponi yavathi, Yesu aahooniherya moophaameya mikhalelo sa Muluku. Owo aari aphaama, oosivela, nave ni awaacameleya. Moolipa murima, Yesu ahaahusiha achu akina eparipari vooloca sa Yehova.

Yesu aapaka ichu saphaama nyenya aanyemuliwa. 1 Petro 2:21-24

Yesu tho aahaapenuxa awiiceliwa nave aahaaviiha muukhwani achu yaawo yaakhwile.

Ahooleli a malapelo yaamunyemula Yesu nthowa nawi owo aalokoha mahusiheryo aya atheru nave ni iphiro saya soonanara.

Ahooleli a malapelo yahaalekecha aRoma wi emuhooxe Yesu ni omwiipha.