Tlajtoltilistin tlen nonankiliskej ijkuak tomachtiskej Noamox historias tlen uajlauej ipan Biblia
ToTajtsin peua tlachijchiua
1. ¿Akinon okichijchiuj nochi tlen kuajli onka? ¿Uelis tikijtos san seki tlen okichijchiuj toTajtsin?
2.¿Tlenon kachtopa okichijchiuj toTajtsin?
3. ¿Tleka kachtopa iluikaktekitketl tlamantik noso sejneka katka?
4. Xkijto kenon katka tlaltikpaktli ijkuak toTajtsin xpeuaya tlachijchiua (xkita tlaixkopinajli).
5. ¿Kenon opeuj kiyektlalia toTajtsin tlaltikpaktli, niman ijkon kuajli manemikan yolkamej niman tlaltikpakchanejkej?
Okseki tlajtoltilistin:
1. Xpoua Jeremías 10:12.
¿Katlejua ikualneskayouan techititia toTajtsin itech tlen okichijchiuj? (Isa. 40:26; Rom. 11:33).
2. Xpoua Colosenses 1:15-17.
¿Tlen tekitl okichiuj Jesús ijkuak toTajtsin opeuj tlachijchiua? Niman itech tlen okichiuj, ¿tlenon kichiua matiknemilikan itech Jesús?
3. Xpoua Génesis 1:1-10.
a) ¿Akinon okichijchiuj tlaltikpaktli? (Gén. 1:1).
b) ¿Tlenon okichiuj toTajtsin ipan kachtopa tonajli ijkuak otlachijchiuj? (Gén. 1:3-5).
c) ¿Tlenon okichiuj toTajtsin ipan ome tonajli ijkuak otlachijchiuj? (Gén. 1:7, 8).
Se kualtsin xochitlalpan
1. ¿Kenon otechyektlalili toTajtsin tlaltikpaktli?
2. ToTajtsin okinchijchiuj miyek yolkamej. ¿Uelis tikinteneuas sekimej? (Xkita tlaixkopinajli).
3. ¿Tleka tlamantik noso sejneka katka xochitlalpan Edén?
4. ¿Kenon kinekiya toTajtsin manochiua nochi tlaltikpaktli?
Okseki tlajtoltilistin:
1. Xpoua Génesis 1:11-25.
a) ¿Tlenon okichiuj toTajtsin ipan yeyi tonajli ijkuak otlachijchiuj? (Gén. 1:12).
b) ¿Tlenon okichiuj toTajtsin ipan naui tonajli ijkuak otlachijchiuj? (Gén. 1:16).
c) ¿Katlejua yolkamej okinchijchiuj toTajtsin ipan tonajli makuijli niman chikuasen? (Gén. 1:20, 21, 25).
2. Xpoua Génesis 2:8, 9.
¿Katlejua ome kojtin okitlali toTajtsin tlamantik noso sejneka ipan xochitlalpan, niman tlenon kijtosnekiyaj?
ToTajtsin kichijchiua kachtopa tlakatl niman siuatl
1. ¿Tlen tlamantik noso sejneka tikita ipan tlaixkopinajli tlen onka ipan historia 3 niman itech tlaixkopinajli tlen onka ipan historia 2?
2. ¿Akinon okichijchiuj kachtopa tlakatl, niman kenon itoka katka yejuin tlakatl?
3. ¿Tlen tekitl okijli toTajtsin makichiua Adán?
4. ¿Tleka toTajtsin okichiuj ika Adán kuajli makochi?
5. ¿Kech tonaltin uelis nemiskiaj Adán iuan Eva, niman tlen tekitl kinekiya Jehová makichiuakan?
Okseki tlajtoltilistin:
1. Xpoua Salmo 83:18.
¿Kenon itoka toTajtsin niman tlen tlanauatijkayotl kipiya ipan tlaltikpaktli? (Jer. 16:21; Dan. 4:17).
2. Xpoua Génesis 1:26-31.
a) Ipan chikuasen tonajli ijkuak otlamito tlachijchiua toTajtsin ipan tlaltikpaktli, ¿tlenon okichijchiuj niman tleka tlamantik noso sejneka katka itech yolkamej? (Gén. 1:26).
b) ¿Tlen tlakuajli Jehová okinmakak tlaltikpakchanejkej niman yolkamej? (Gén. 1:30).
3. Xpoua Génesis 2:7-25.
a) ¿Tlenon nonekiya kichiuas Adán niman ijkon kintlalilis intokayo yolkamej? (Gén. 2:19).
b) ¿Kenon techpaleuiya Génesis 2:24 matikasikamatikan tlen kinemilia Jehová ijkuak yakaj nonamiktia, noxeloua noso tekaua? (Mat. 19:4-6, 9).
Tleka okinkixtijkej kampa chantiyaj
1. Xkita tlaixkopinajli. ¿Tlenon inpan nochiujtika Adán iuan Eva?
2. ¿Tleka kinuajkixtijtika Jehová?
3. Se kouatl, ¿tlenon okijli Eva?
4. ¿Akinon okichiuj kouatl matlajto iuan Eva?
5. ¿Tleka okinuajkixtijkej Adán iuan Eva ipan xochitlalpan kampa chantiyaj?
Okseki tlajtoltilistin:
1. Xpoua Génesis 2:16, 17 niman 3:1-13, 24.
a) Itech tlen kouatl okitlajtolti Eva, ¿tlenon xkuajli okichiuj makinemilikan itech Jehová? (Gén. 3:1-5; 1 Juan 5:3).
b) Itech tlen okichiuj Eva, ¿tlenon techmachtia? (Fili. 4:8; Sant. 1:14, 15; 1 Juan 2:16).
c) ¿Kenon okiteititijkej Adán iuan Eva ika xkiseliayaj intlajtlakol? (Gén. 3:12, 13).
d) ¿Kenon okiteititijkej querubines ika san Jehová kinamiki tlayekanas, ijkuak ijkatiayaj ikalakiayan xochitlalpan? (Gén. 3:24).
2. Xpoua Apocalipsis 12:9.
¿Kechmej yokichiuj Satanás makixnamikikan itlayekanalis toTajtsin? (1 Juan 5:19).
Peua nemij ika tlajyouilistli
1. ¿Kenon nemiyaj Adán iuan Eva ijkuak yokinuajkixtijkaj itech xochitlalpan Edén?
2. ¿Tlenon opeuj inpan nochiua Adán iuan Eva, niman tleka?
3. ¿Tleka inkoneuan Adán iuan Eva ueuejtsintiskiaj niman mikiskiaj?
4. Tla Adán iuan Eva kitlakamatiskiaj Jehová, ¿kenon nemiskiaj yejuamej niman inkoneuan?
5. Pampa xotetlakamat, ¿kenon otlajyoui Eva?
6. Ijkuak Adán iuan Eva okipixkej kachtopa ome inkoneuan, ¿kenon okintokayotijkej?
7. ¿Akinomej yejuin oksekimej kokonej tlen nesij ipan tlaixkopinajli?
Okseki tlajtoltilistin:
1. Xpoua Génesis 3:16-23 niman 4:1, 2.
a) Ijkuak toTajtsin okijto ika tlajli xok kipiyaskia itlateochiualis, ¿kenon onen Adán? (Gén. 3:17-19; Rom. 8:20, 22).
b) Pampa Eva kijtosneki “nemilistli”, ¿tleka okinamik ijkon maitoka? (Gén. 3:20).
c) ¿Kenon okiteititi Jehová ika okimikneli Adán iuan Eva maski yotlajtlakojkaj? (Gén. 3:7, 21).
2. Xpoua Apocalipsis 21:3, 4.
¿Katlejua tlen “onkatka” tiknekiskiaj mapopoliui?
Se kuajli tekoneuj, niman se xkuajli
1. ¿Itech tlenon peuaj tekitij Caín niman Abel?
2. ¿Tlen tetlayokoliltin kitkiliaj Jehová, Caín niman Abel?
3. ¿Tleka Jehová kiyolpaktia itetlayokolil Abel, niman tleka itetlayokolil Caín ka?
4. ¿Kenon katka Caín, niman kenon Jehová kinekiya kipaleuis manoyektlali?
5. ¿Tlenon kichiua Caín ijkuak nemi iselti iuan ikniuj ipan tepetl?
6. Xkijto tlen ipan onochiuj Caín, sakin ijkuak okimikti ikniuj.
Okseki tlajtoltilistin:
1. Xpoua Génesis 4:2-26.
a) ¿Kenon Jehová okasikamachilti Caín ika nemiya ipan se ueyi tlauejli? (Gén. 4:7).
b) ¿Kenon ones tlen onkatka ipan iyojlo Caín? (Gén. 4:9).
c) ¿Kenon kita Jehová ijkuak kimiktiaj akin kuajli kichiua? (Gén. 4:10; Isa. 26:21).
2. Xpoua 1 Juan 3:11, 12.
a) ¿Tleka melak okualan Caín, niman kenon techpaleuiya ipan yejuin tonaltin? (Gén. 4:4, 5; Pro. 14:30; 28:22).
b) ¿Kenon kiteititia Biblia ika, maski nochi tochanejkauan makixnamikikan Jehová, uelis tiyolmelaujkanemiskej? (Sal. 27:10; Mat. 10:21, 22).
3. Xpoua Juan 11:25.
¿Tlenon kijtoua kichiuas Jehová itech nochimej akin mikij pampa kichiuaj tlen kuajli? (Juan 5:24).
Se tlakatl yolchikauak
1. ¿Itech tlenon xijki katka Enoc ken oksekimej?
2. ¿Tleka tlaltikpakchanejkej kichiuayaj miyek tlen xkuajli ipan itonaluan Enoc?
3. ¿Tlenon xkuajli kichiuayaj tlaltikpakchanejkej? (Xkita tlaixkopinajli).
4. ¿Tleka nonekiya yeskia yolchikauak Enoc?
5. ¿Kech xiuitl nemiyaj tlaltikpakchanejkej ipan yejon tonaltin, san ika kech xiuitl onen Enoc?
6. ¿Tlenon opanok sakin ijkuak omik Enoc?
Okseki tlajtoltilistin:
1. Xpoua Génesis 5:21-24, 27.
a) ¿Kenon onouikak Enoc iuan Jehová? (Gén. 5:24).
b) ¿Akinon kijtoua Biblia melak uejkaujtipan onen, niman kech xiuitl kipiaya ijkuak omik? (Gén. 5:27).
2. Xpoua Génesis 6:5.
¿Kenon melak otlaijtlakauj ipan tlaltikpaktli ijkuak omik Enoc, niman kenon noijki panoua ipan yejuin tonaltin? (2 Tim. 3:13).
3. Xpoua Hebreos 11:5, NM.
¿Katlejua ikualneskayo Enoc “okiyolpakti toTajtsin”, niman kenon okisato? (Gén. 5:22).
4. Xpoua Judas 14, 15.
¿Kenon akin kichiuaj ken Cristo uelis kixkopinaskej iyolchikaualis Enoc ijkuak teijliaj ika uajlas Armagedón? (2 Tim. 4:2; Heb. 13:6).
Uejkapamej tlakamej ipan tlaltikpaktli
1. ¿Tlenon opanok ijkuak sekimej iluikaktekitkej okitokakej Satanás?
2. ¿Tleka sekimej iluikaktekitkej okikaujkej intekiyo ipan iluikak niman ouajtemokej ipan tlaltikpaktli?
3. ¿Tleka xkuajli ika iluikaktekitkej ouajlakej ipan tlaltikpaktli niman onochiujkej tlaltikpakchanejkej?
4. ¿Tleka xijki katkaj ken oksekimej kokonej inkoneuan iluikaktekitkej?
5. Ken tikita ipan tlaixkopinajli, ¿tlenon okichiujkej inkoneuan iluikaktekitkej ijkuak onochiujkej uejkapamej?
6. Sakin ijkuak omik Enoc, ¿akinon tlakatl yolkuajli onen ipan tlaltikpaktli, niman tleka kitlasojtlaya toTajtsin?
Okseki tlajtoltilistin:
1. Xpoua Génesis 6:1-8.
¿Tlenon kijtoua Génesis 6:6 itech tlen uelis kimachilis Jehová ijkuak kita tlen tikchiuaj? (Sal. 78:40, 41; Pro. 27:11).
2. Xpoua Judas 6.
¿Kenon techpaleuiya ijkuak tikilnamikij iluikaktekitkej akin “okuajkaujteujkej iluikak kampa chantiyaj” ? (1 Cor. 3:5-9; 2 Ped. 2:4, 9, 10,NM).
Noé kichijchiua se akajli
1. ¿Kechmej ichanejkauan katkaj Noé, niman kenon intoka katka yeyimej ikoneuan?
2. ¿Tlenon okijli toTajtsin makichijchiua Noé tlen xakaj kixmatiya, niman tleka?
3. ¿Tlenon okichiujkej tlaltikpakchanejkej ijkuak Noé okiminojnots itech akajli?
4. ¿Tlenon okijli toTajtsin makichiua Noé ika yolkamej?
5. Ijkuak toTajtsin okitsauk akajli, ¿tlenon okichiujkej Noé niman ichanejkauan?
Okseki tlajtoltilistin:
1. Xpoua Génesis 6:9-22.
a) ¿Tlenon okipaleui Noé niman ijkon manochiua se kuajli itekipanojkauj toTajtsin? (Gén. 6:9, 22).
b) ¿Tlenon kinemilia Jehová ijkuak nouisokilo, niman kenon yejuin techpaleuiya ijkuak tiktlapejpeniskej tlen tikmauisoskej? (Gén. 6:11, 12; Sal. 11:5).
c) ¿Kenon uelis tikixkopinaskej Noé ijkuak tikseliaj tlanauatiltin itech ikalpan toTajtsin? (Gén. 6:22; 1 Juan 5:3).
2. Xpoua Génesis 7:1-9.
¿Kenon techpaleuiya ika Jehová okitak Noé kentla se tlakatl yolmelauak, maski tlajtlakole katka? (Gén. 7:1; Pro. 10:16; Isa. 26:7).
Ueyi Apachiuilistli
1. ¿Tleka xakaj ouel okalak ijtik akajli ijkuak opeuj kiyaui?
2. ¿Kech tonajli niman yeuajli okichiuj Jehová makiyaui, niman kech ueyi otlejkok atl?
3. ¿Tlenon opanok ika akajli ijkuak atl opeuj tlejkoua niman opeuj apachiui nochi tlaltikpaktli?
4. ¿Omakiskej uejkapamej tlakamej ipan Apachiuilistli? ¿Tlenon inpan onochiuj intajuan?
5. ¿Tlenon ipan onochiuj akajli ijkuak opanok makuijli metstli?
6. ¿Tleka Noé okikauili makisa se kakalotl ipan akajli?
7. ¿Kenon okimat Noé ika yotemoka atl?
8. Ijkuak Noé niman ichanejkauan yopanokaj se xiuitl ika nemiyaj ijtik akajli, ¿tlenon okijli toTajtsin makichiua Noé?
Okseki tlajtoltilistin:
1. Xpoua Génesis 7:10-24.
a) ¿Akinomej omijkej ijkuak oapachiuilok ipan yejuin tlaltikpaktli? (Gén. 7:23).
b) Ijkuak opanok Apachiuilistli, ¿kech ouejkauj ika otemok atl? (Gén. 7:24).
2. Xpoua Génesis 8:1-17.
¿Kenon kiteititia Génesis 8:17 ika xonopatlak tlen toTajtsin kineki kichiuas ipan tlaltikpaktli? (Gén. 1:22).
3. Xpoua 1 Pedro 3:19, 20.
a) ¿Tlenon okimijlikej inpan nochiuas iluikaktekitkej ijkuak oksejpa oyajkej iluikak? (Jud. 6).
b) Itech tlen inpan onochiuj Noé niman ichanejkauan, ¿kenon techyolchikaua ika Jehová ueli kimakixtia ikalpan? (2 Ped. 2:9).
Kachtopa akosamalotl
1. Ken nesi ipan tlaixkopinajli, ¿tlenon kachtopa okichiuj Noé ijkuak okis itech akajli?
2. ¿Tlen tlanauatijli toTajtsin okimakak Noé niman ichanejkauan ijkuak yopanok apachiuilistli?
3. ¿Tlenon okijto toTajtsin xok kichiuas?
4. Ijkuak tikitaskej se akosamalotl, ¿tlenon noneki tikilnamikiskej?
Okseki tlajtoltilistin:
1. Xpoua Génesis 8:18-22.
a) ¿Tlenon noneki tikchiuaskej aman, tla tiknekij maajsi tlen “ajuiyak itech Dios”? (Efe. 5:2; Heb. 13:15, 16).
b) ¿Tlenon kijtoua Jehová onka ipan iyojlo tlaltikpakchane, niman ika yejon, itech tlenon noneki totlajpiyaskej? (Gén. 8:21; Mat. 15:18, 19).
2. Xpoua Génesis 9:9-17.
a) ¿Tlenon okijto Jehová xok kichiuas ika nochi tlen yoltika? (Gén. 9:10, 11).
b) ¿Kech uejkauis tlajtolkaualistli itech akosamalotl? (Gén. 9:16).
Kichijchiuaj se torre uejkapan
1. ¿Akinon katka Nemrod, niman tlenon kinemiliaya toTajtsin itech yejua?
2. Ken nesi ipan tlaixkopinajli, ¿tleka tlakamej kichijchiujtokej tabiques?
3. ¿Tleka xkiyolpaktia Jehová tlen kichijchiujtokej?
4. ¿Kenon xotekauili toTajtsin makichijchiuakan torre?
5. ¿Kenon okitokayotijkej yejon ueyikalpan, niman tlenon kijtosnekiya itokayo?
6. ¿Tlenon okichiujkej tlaltikpakchanejkej ijkuak toTajtsin okichiuj maka manasikamatikan?
Okseki tlajtoltilistin:
1. Xpoua Génesis 10:1, 8-10.
¿Kenon katka Nemrod, niman itech tlenon techijlia Biblia matotlajpiyakan? (Pro. 3:31).
2. Xpoua Génesis 11:1-9.
¿Tleka kinekiyaj kichijchiuaskej torre, niman tleka xkuajli onkisaskia? (Gén. 11:4; Pro. 16:18; Juan 5:44).
Abrahán, akin iuan nouika toTajtsin
1. ¿Kenon katkaj akin chantiyaj ipan ueyikalpan Ur?
2. ¿Akinon yejon tlakatl akin nesi ipan tlaixkopinajli? ¿Kemanon otlakat? ¿Kanon chantiya?
3. ¿Tlenon toTajtsin okinauati Abrahán?
4. ¿Tleka okixmatkej Abrahán kentla akin iuan nouika toTajtsin?
5. ¿Akinon iuan oyajkej Abrahán ijkuak okis itech Ur?
6. ¿Tlenon toTajtsin okijli Abrahán ijkuak oajsik Canaán?
7. ¿Tlenon toTajtsin okijli Abrahán ijkuak kipiaya 99 xiujtin?
Okseki tlajtoltilistin:
1. Xpoua Génesis 11:27-32.
a) ¿Kenon noitayaj Abrahán niman Lot? (Gén. 11:27).
b) Maski noijtoua ika Taré okinuikak ichanejkauan itech Canaán, ¿kenon tikmatstokej ika Abrahán yejua akin okinyekan, niman tleka okichiuj? (Gén. 11:31; Hech. 7:2-4).
2. Xpoua Génesis 12:1-7.
¿Kenon okiueyili Jehová tlajtolkaualistli tlen okichiuj iuan Abrahán ijkuak yejua oajsik Canaán? (Gén. 12:7).
3. Xpoua Génesis 17:1-8, 15-17.
a) ¿Kenon okitokayopatlakej Abrán ijkuak kipiaya 99 xiujtin, niman tleka? (Gén. 17:5).
b) ¿Tlen tlateochiualistin okijto Jehová kimakas Sara? (Gén. 17:15, 16).
4. Xpoua Génesis 18:9-19.
a) Ipan Génesis 18:19, ¿tlenon kijtoua kipiya ika kichiuaskej tajtin? (Deu. 6:6, 7; Efe. 6:4).
b) ¿Tlenon ipan inemilis Sara techititia ika xtlaj uelis tikiyanaskej itech Jehová? (Gén. 18:12, 15; Sal. 44:21).
Kitlatlataj itlaneltokil Abrahán
1. ¿Tlenon okijto toTajtsin kichiuas itech Abrahán, niman kenon onochiuj tlen okijli?
2. Ken tikita ipan tlaixkopinajli, ¿kenon okitlatlatak toTajtsin itlaneltokil Abrahán?
3. ¿Tlenon okichiuj Abrahán maski xkasikamatiya tleka toTajtsin kinauatiaya ijkon makichiua?
4. ¿Tlenon opanok ijkuak Abrahán okikixti cuchillo tlen ika kimiktis ikoneuj?
5. ¿Kech ueyi katka itlaneltokil Abrahán itech toTajtsin?
6. ¿Tlenon toTajtsin okimakak Abrahán iuan ijkon makichiua se uentli, niman kenon okichiuj?
Okseki tlajtoltilistin:
1. Xpoua Génesis 21:1-7.
¿Tleka Abrahán okichiuili circuncisión ikoneuj ipan chikueyi tonajli? (Rom. 4:11; Hech. 7:8).
2. Xpoua Génesis 22:1-18.
¿Kenon okiteititi Isaac ika kitlakamatiya itaj Abrahán, niman kenon nochiuaskia yejuin ika tlayekapan itech Jesús? (Gén. 22:7-9; 1 Cor. 5:7; Fili. 2:8, 9).
Isiuauj Lot oontlachix tlakuitlapan
1. ¿Tleka onoxelojkej Abrahán niman Lot?
2. ¿Tleka Lot okitlapejpeni nemis Sodoma?
3. ¿Kenon katkaj akin chantiyaj Sodoma?
4. ¿Tlenon okijlitoj Lot, omemej iluikaktekitkej?
5. ¿Tleka onokuep istatl isiuauj Lot?
6. ¿Tlenon tiuelij itech tlen ipan onochiuj isiuauj Lot?
Okseki tlajtoltilistin:
1. Xpoua Génesis 13:5-13.
¿Tlenon tiuelij itech Abrahán ijkuak nonekis tikyektlaliskej tlaueltin tlen tikpiyaj iuan oksekimej? (Gén. 13:8, 9; Rom. 12:10; Fili. 2:3, 4).
2. Xpoua Génesis 18:20-33.
Ijkuak tikitaj kenon Abrahán otlajto iuan Jehová, ¿tleka uelis tikmatstoskej ika ijkuak Jehová niman Jesús teyolkuitiskej kichiuaskej ika melajkayotl? (Gén. 18:25, 26; Mat. 25:31-33).
3. Xpoua Génesis 19:1-29.
a) Ijkon ken nesi itech tlen yotikitakej, ¿tlenon kinemilia toTajtsin ijkuak tlakamej kileuiyaj tlakamej? (Gén. 19:5, 13; Lev. 20:13).
b) Lot iuan Abrahán, ¿kenon tlamantik noso sejneka okitlakamatkej toTajtsin, niman tlenon techmachtia? (Gén. 19:15, 16, 19, 20; 22:3).
4. Xpoua Lucas 17:28-32.
¿Kenon kitaya isiuauj Lot tlen patioj kipiaya, niman tlenon tiuelij itech yejon? (Luc. 12:15; 17:31, 32; Mat. 6:19-21, 25).
5. Xpoua 2 Pedro 2:6-8.
Tla tiknekij tikchiuaskej ken Lot, ¿kenon tikitaskej xkuajli tlanemilijli tlen kipiyaj tlaltikpakchanejkej? (Eze. 9:4; 1 Juan 2:15-17).
Isaac kinextia se kuajli isiuauj
1. ¿Akinon yejon siuatl niman tlakatl akin nesij ipan tlaixkopinajli?
2. ¿Tlenon okichiuj Abrahán niman ijkon okinextili ikoneuj se isiuauj, niman tleka?
3. ¿Kenon okinankili Jehová teoyotl tlen itlakeual Abrahán okichiuj?
4. ¿Tlenon okijto Rebeca ijkuak okitlajtoltijkej tla kinekiya nonamiktis iuan Isaac?
5. ¿Tlenon okichiuj oksejpa mayolpaki Isaac?
Okseki tlajtoltilistin:
1. Xpoua Génesis 24:1-67.
a) ¿Katlejua kualneskayomej okiteititi Rebeca ijkuak okinamik itlakeual Abrahán kampa onkatka se pozo? (Gén. 24:17-20; Pro. 31:17, 31).
b) ¿Tlenon kuajli tiuelij itech tlen Abrahán okichiuj ipampa Isaac? (Gén. 24:37, 38; 1 Cor. 7:39; 2 Cor. 6:14).
c) ¿Tleka noneki matikxelokan seki tonaltin iuan ijkon matitlanemilikan itech tlen tomachtiaj, ken kichiuaya Isaac? (Gén. 24:63; Sal. 77:12; Fili. 4:8).
Ikniujtin kouatsitsintin sejnekamej noso tlamantikej
1. ¿Akinomej katkaj Esaú iuan Jacob, niman itech tlenon sejnekamej noso tlamantikej katkaj?
2. ¿Kech xiuitl kipiayaj Esaú iuan Jacob ijkuak omik inabuelo Abrahán?
3. ¿Tlenon okichiuj Esaú tlen okinyolkoko itajuan?
4. ¿Tleka Esaú okitlauelitak ikniuj Jacob?
5. ¿Tlenon okinauati Isaac makichiua ikoneuj Jacob?
Okseki tlajtoltilistin:
1. Xpoua Génesis 25:5-11, 20-34.
a) ¿Tlenon okijto Jehová panoskia itech ikoneuan Rebeca? (Gén. 25:23).
b) ¿Kenon tlamantik noso sejneka tlanemiliayaj Jacob iuan Esaú itech tlateochiualistli tlen Isaac temakaskia? (Gén. 25:31-34).
2. Xpoua Génesis 26:34, 35; 27:1-46; 28:1-5.
a) ¿Kenon okiteititi Esaú ika xkitlasojkaitaya tlen ualeua itech toTajtsin? (Gén. 26:34, 35; 27:46).
b) Tla Jacob kinekiya kiselis itlateochiualis toTajtsin, ¿tlenon okijli Isaac makichiua? (Gén. 28:1-4).
3. Xpoua Hebreos 12:16, 17.
Ijkon ken ipan onochiuj Esaú, ¿tlenon noijki uelis inpan nochiuas akin xkitlasojkaitaj tlen ualeua itech toTajtsin?
Jacob yauj Harán
1. ¿Akinon yejon ichpochtli akin nesi ipan tlaixkopinajli, niman tlen okichiuj Jacob ipampa?
2. ¿Tlenon okinek kichiuas Jacob niman ijkon ueliskia iuan nonamiktis Raquel?
3. ¿Tlenon okichiuj Labán ijkuak oajsik tonajli ika nonamiktiskiaj Jacob iuan Raquel?
4. ¿Tlenon okichiuj Jacob niman ijkon ouel ononamikti iuan Raquel?
Okseki tlajtoltilistin:
1. Xpoua Génesis 29:1-30.
a) Maski Labán okikajkayauj, ¿kenon okiteititi Jacob ika yolkuajli katka, niman tlenon tiuelij itech tlen okichiuj? (Gén. 25:27; 29:26-28; Mat. 5:37).
b) ¿Kenon nesi itech Jacob ika tlamantik noso sejneka ijkuak yakaj melauak tiktlasojtlas niman ijkuak san tiknekis timonamiktis? (Gén. 29:18, 20, 30; Cant. de Cant. 8:6).
c) ¿Akinomej nauimej siuamej noijki katkaj ichanejkauan Jacob niman sakin imiuan okinpix ikoneuan? (Gén. 29:23, 24, 28, 29).
Miyekej ichanejkauan Jacob
1. ¿Kenon intoka katka chikuasen ikoneuan Jacob tlen okipix iuan kachtopa isiuauj, Lea?
2. ¿Katlejua ome ikoneuj okipix Jacob iuan Zilpá, itlakeual Lea?
3. ¿Kenon intoka katka ome ikoneuj tlen Jacob okipix iuan Bilhá, itlakeual Raquel?
4. ¿Katlejua ome ikoneuj okipix Raquel, san ika, tlen opanok ijkuak okitlakatili Benjamín?
5. Ken nesi ipan tlaixkopinajli, ¿kechmej ikoneuan okipix Jacob, niman kenon itoka kalpan tlen okis intech?
Okseki tlajtoltilistin:
1. Xpoua Génesis 29:32-35; 30:1-26; 35:16-19.
Ken tikitaj itech ikoneuan Jacob, ¿kenon kintokayotiayaj iyeuejkaui kokonej hebreos?
2. Xpoua Génesis 37:35.
Maski Biblia san kiteneua Dina, ¿kenon tikmatstokej ika Jacob okipix oksekimej ikoneuan siuamej? (Gén. 37:34, 35).
Dina nokalaktia ipan tlauejli
1. ¿Tleka xkinekiya Abrahán niman Isaac manonamiktikan ikoneuan iuan akin chantiyaj Canaán?
2. ¿Kipaktiaya Jacob, ika manouika Dina imiuan ichpokamej cananeas?
3. ¿Akinon yejon tlakatl tlen nesi ipan tlaixkopinajli akin kontlajtlatstika Dina, niman tlenon xkuajli okichiuili?
4. ¿Tlenon okichiujkej Simeón iuan Leví (ikniuan Dina) ijkuak okimatkej tlen opanok?
5. ¿Okuelitak Jacob tlen okichiujkej Simeón iuan Leví?
6. ¿Kenon opeuj nochi tlauejli tlen okipixkej Jacob iuan ichanejkauan?
Okseki tlajtoltilistin:
1. Xpoua Génesis 34:1-31.
a) ¿Xkijto tleka tikmatstokej ika Dina xsan kemantika komintlapalouaya ichpokamej tlen chantiyaj Canaán? (Gén. 34:1).
b) ¿Tleka uelis tikijtoskej ika Dina okipix noijki tlajtlakojli ika okipijpinaujtikej niman xok ichpochtli katka? (Gál. 6:7).
c) ¿Kenon uelis kiteititiskej ichpokamej niman telpokamej ika kinpaleuiya tlen ipan onochiuj Dina? (Pro. 13:20; 1 Cor. 15:33; 1 Juan 5:19).
José kitlauelitaj ikniuan
1. ¿Tleka José kinexikolitayaj ikniuan, niman tlenon okichiujkej?
2. ¿Tlenon kinekij ikniuan José kichiuiliskej, san ika, tlenon kijtoua Rubén?
3. ¿Tlenon panoua ijkuak yejkoj tlanemakakej ismaelitas?
4. ¿Tlenon kichiuaj ikniuan José niman ijkon makinemili intaj ika itelpoch omik?
Okseki tlajtoltilistin:
1. Xpoua Génesis 37:1-35.
a) Akin kichiuaj ken Cristo, ¿kenon uelis noijki ken José, kimijliskej akin tlayekanaj ijkuak xkuajli nochiua ipan tlanechikojli? (Gén. 37:2; Lev. 5:1; 1 Cor. 1:11).
b) ¿Tleka ikniuan José okinemakakej? (Gén. 37:11, 18; Pro. 27:4; Sant. 3:14-16).
c) ¿Tlenon okichiuj Jacob, tlen tinochimej tikchiuaj ijkuak yakaj miki? (Gén. 37:35).
Kitsakuaj José
1. ¿Kech xiuitl kipiya José ijkuak kuikaj Egipto, niman tlenon ipan nochiua ijkuak ompa ajsi?
2. ¿Tleka kitsakuaj José?
3. ¿Tlen tekitl kimakaj José ijkuak tsaujtika?
4. ¿Kenon kinpaleuiya José, akin katlitia Faraón niman akin kichijchiuilia pan, kampa tsaujtokej?
5. ¿Tlenon panoua ijkuak kisa akin katlitia Faraón?
Okseki tlajtoltilistin:
1. Xpoua Génesis 39:1-23.
Maski ipan itonaluan José xonkatka se tlanauatijli kampa toTajtsin kijtouaya ika xkuajli tla tiauilnemis, ¿tleka José xonotekak iuan isiuauj Potifar? (Gén. 2:24; 20:3; 39:9).
2. Xpoua Génesis 40:1-23.
a) Xkijto tlenon okitemik akin katlitia Faraón niman kenon Jehová okichiuj José makijto tlen kijtosneki (Gén. 40:9-13).
b) ¿Tlenon okitemik akin kichijchiua pan, niman tlenon kijtosnekiya? (Gén. 40:16-19).
c) ¿Kenon noijki kichiuaj ken José, itlapejpenijkauan toTajtsin ipan yejuin tonaltin? (Gén. 40:8; Sal. 36:9; Juan 17:17; Hech. 17:2, 3).
d) Itech tlen kijtoua Génesis 40:20, ¿kuajli tla tikiluichiuiliskej akin kaxiltia xiuitl? (Ecl. 7:1; Mar. 6:21-28).
Faraón kipiya ome itemik
1. ¿Tlenon ipan nochiua Faraón ipan se yeuajli?
2. ¿Tleka akin katlitia Faraón kilnamiki José?
3. Ken nesi ipan tlaixkopinajli, ¿tlenon ome okitemik Faraón?
4. ¿Tlenon kijtoua José kijtosnekij tlen okitemik Faraón?
5. ¿Tleka José melak ueyixtika ipan Egipto maski xijkon ken Faraón?
6. ¿Tleka yauej Egipto ikniuan José, niman tleka xkixmatij?
7. ¿Tlenon kilnamiki José tlen okitemijka, niman tlenon kasikamati?
Okseki tlajtoltilistin:
1. Xpoua Génesis 41:1-57.
a) ¿Kenon nochipa José okichiuj makiueyichiuakan Jehová? Niman, ¿tlenon uelij akin kichiuaj ken Cristo? (Gén. 41:16, 25, 28; Mat. 5:16; 1 Ped. 2:12).
b) ¿Tleka tikijtouaj ika ijkuak melak otlatlak Egipto, noijki nochiujtika aman ipan ikalpan Jehová, niman ijkuak xotlatlak noijki nochiujtika aman ipan tlaneltokiltin xmelajkej? (Gén. 41:29, 30; Amós 8:11, 12).
2. Xpoua Génesis 42:1-8 niman 50:20.
¿Uelis itekipanojkauan Jehová notlakuanketsaskej itech se tlakatl tla kampa chantij ijkon noteititia ika notlakaitaj? (Gén. 42:6).
José kintlatlata ikniuan
1. ¿Tleka José kimijlia ikniuan ika oichtakatlachiatoj Egipto?
2. ¿Tleka Jacob kikauilia Benjamín ikoneuj akin xokoyotl, mauiya Egipto?
3. ¿Tleka kinextiaj icopa José tlachijchiujtli ika plata ipan ikostal Benjamín?
4. ¿Tlenon kinekiya kichiuas Judá niman ijkon maka manokaua Benjamín ne Egipto?
5. ¿Itech tlenon yonopatlakej ikniuan José?
Okseki tlajtoltilistin:
1. Xpoua Génesis 42:9-38.
Itlajtoluan José tlen uajlauej ipan Génesis 42:18, ¿tleka melak kuajli tla kilnamikij akin kipiyaj se ueyi tekitl ipan ikalpan Jehová ipan yejuin tonaltin? (Neh. 5:15; 2 Cor. 7:1, 2).
2. Xpoua Génesis 43:1-34.
a) Maski Rubén yejua akin yakatstiaya, ¿kenon nesi ika Judá yejua akin inpampa tlajtouaya ikniuan? (Gén. 43:3, 8, 9; 44:14, 18; 1 Cró. 5:2).
b) ¿Kenon José okintlatlatak ikniuan, niman tleka? (Gén. 43:33, 34).
3. Xpoua Génesis 44:1-34.
a) Pampa xkinekiya makixmatikan ikniuan, ¿kentla akinon onochiuj José? (Gén. 44:5, 15; Lev. 19:26).
b) ¿Kenon okiteititijkej ikniuan José ika xok kinexikolitayaj? (Gén. 44:13, 33, 34).
Ichanejkauan José onchantij Egipto
1. ¿Tlenon panoua ijkuak José kimijlia ikniuan akinon yejua?
2. ¿Tlenon ika yolseuilistli José kintomilia ikniuan?
3. ¿Tlenon kijtoua Faraón ijkuak kikaki itech ikniuan José?
4. ¿Kechmej katkaj ichanejkauan Jacob ijkuak ochantitoj Egipto?
5. ¿Kenon okintokayotijkej ichanejkauan Jacob, niman tleka?
Okseki tlajtoltilistin:
1. Xpoua Génesis 45:1-28.
Itech tlen ipan onochiuj José, ¿tlenon uelis kichiuas Jehová pampa kemantika tlajyouiyaj itekipanojkauan? (Gén. 45:5-8; Isa. 8:10; Fili. 1:12-14).
2. Xpoua Génesis 46:1-27.
¿Kenon Jehová okiyolchikauj Jacob ijkuak yaya Egipto? (Gén. 46:1-4, nota).
Job xkikaua toTajtsin
1. ¿Akinon katka Job?
2. ¿Tlenon okinek kichiuas Satanás? ¿Okichiuj tlen kinekiya?
3. ¿Tlenon okikauili Jehová makichiua Satanás, niman tleka?
4. ¿Tleka isiuauj Job okijli “xkuijuikalti toTajtsin niman xmiki”? (Xkita tlaixkopinajli).
5. Ken tikita ipan tlaixkopinajli, ¿kenon Jehová okiteochiuj Job, niman tleka?
6. Tla tejuamej tiyolmelaujkanemij itech Jehová ken Job, ¿tlenon tlateochiualistin tikseliskej?
Okseki tlajtoltilistin:
1. Xpoua Job 1:1-22.
Akin kichiuaj ken Cristo, ¿kenon uelis noijki kichiuaskej ken Job ipan yejuin tonaltin? (Job 1:1; Fili. 2:15; 2 Ped. 3:14).
2. Xpoua Job 2:1-13.
Ijkuak Satanás okitlatlatak Job, ¿kenon xijki otlanemili Job ken isiuauj? (Job 2:9, 10; Pro. 19:3; Miq. 7:7; Mal. 3:14).
3. Xpoua Job 42:10-17.
a) Itech tlen okiseli Job, ¿tleka uelis tikijtoskej ika noijki ijkon okiseli tlateochiualistli Jesús pampa xkeman okikauj toTajtsin? (Job 42:12; Fili. 2:9-11).
b) Ika tikitaj kenon Job okiseli tlateochiualistin pampa xokikauj toTajtsin, ¿kenon techyolchikaua? (Job 42:10, 12; Heb. 6:10; Sant. 1:2-4, 12; 5:11).
Se xkuajli tekiuaj tlanauatia Egipto
1. ¿Akinon yejon tlakatl akin nesi ipan tlaixkopinajli akin teuitektika, niman akinon kiuitektika?
2. ¿Tlenon inpan onochiuj israelitas sakin ijkuak omik José?
3. ¿Tleka egipcios opeuj kinmakasij israelitas?
4. ¿Tlenon okinnauati Faraón yejon siuamej akin kinpaleuiyaj siuamej israelitas ijkuak kintlakatiliayaj inkoneuan?
Okseki tlajtoltilistin:
1. Xpoua Éxodo 1:6-22.
a) ¿Kenon opeuj kichiua Jehová tlen yokijlika Abrahán? (Éxo. 1:7; Gén. 12:2; Hech. 7:17).
b) ¿Kenon okiteititijkej parteras israelitas ika kitlakaitayaj nemilistli? (Éxo. 1:17; Gén. 9:6).
c) ¿Kenon okinteochiuj Jehová yejon parteras pampa nochipa oyolmelaujkanenkej? (Éxo. 1:20, 21; Pro. 19:17).
d) Pampa Jehová yokijlika Abrahán ika itech ikoneuan uajnemiskia Temakixtijketl, ¿kenon okiteititi Satanás ika xkinekiya manochiua yejon?(Éxo. 1:22; Mat. 2:16).
Moisés omakis ijkuak konetsintli katka
1. ¿Akinon yejon konetsintli akin nesi ipan tlaixkopinajli, niman akinon kaxilijtika imajpil?
2. ¿Tlenon okichiuj inan Moisés niman ijkon maka makimiktikan ikoneuj?
3. ¿Akinon yejuin siuakonetl akin nesi ipan tlaixkopinajli, niman tlenon okichiuj?
4. Ijkuak ichpoch Faraón okinexti konetsintli, ¿tlenon okijli Míriam?
5. ¿Tlenon okijto ichpoch Faraón, ijkuak otlajto iuan inan Moisés?
Okse tlajtoltilistli:
1. Xpoua Éxodo 2:1-10.
Ijkuak Moisés konetsintli katka, ¿tlenon okimachti inan, niman tlen neskayotl kinmaka tajtin ipan yejuin tonaltin? (Éxo. 2:9, 10; Deu. 6:6-9; Pro. 22:6; Efe. 6:4; 2 Tim. 3:15).
Tleka ocholoj Moisés
1. ¿Kanon onoskalti Moisés? Niman, ¿tlenon kimatiya itech itajuan?
2. ¿Tlenon okichiuj Moisés ijkuak kipiaya 40 xiujtin?
3. ¿Tlenon okijli Moisés se israelita akin teuisokiya, niman kenon okinankili?
4. ¿Tleka ocholoj Moisés itech Egipto?
5. ¿Kanon oyaj Moisés, niman akinon okixmat ompa?
6. ¿Tlenon okichiuj Moisés ipan 40 xiujtin kech onen Madián?
Okseki tlajtoltilistin:
1. Xpoua Éxodo 2:11-25.
Maski onomachti Egipto, ¿kenon okiteititi Moisés ika xkeman okikauj Jehová niman israelitas? (Éxo. 2:11, 12; Heb. 11:24).
2. Xpoua Hechos 7:22-29.
¿Tlenon tiuelij itech Moisés ijkuak san iselti okinek kinmakixtis israelitas itech Egipto? (Hech. 7:23-25; 1 Ped. 5:6, 10).
Uitskojtli tlen tlikuitika
1. ¿Kenon itoka tepetl tlen nesi ipan tlaixkopinajli?
2. ¿Tlenon okitak Moisés tlen xkeman panouaya, ijkuak oyaj ipan tepetl iuan iborregos?
3. ¿Tlenon okijto tlen okakistik itsajlan uitskojtli, niman akinon otlajto?
4. ¿Kenon otlanankili Moisés ijkuak toTajtsin okijli makikixti Ikalpan itech Egipto?
5. ¿Tlenon toTajtsin okijli Moisés matenankili tla kitlajtoltiaj akinon okontitlan?
6. ¿Kenon teititiskia Moisés ika toTajtsin okititlan?
Okseki tlajtoltilistin:
1. Xpoua Éxodo 3:1-22.
Ijkuak tikitaj ika toTajtsin okipaleui Moisés, ¿kenon techpaleuiya yejon ijkuak kemantika tikmachiliaj ika xtiueliskej tikchiuaskej se tekitl tlen techmaka Jehová? (Éxo. 3:11, 13; 2 Cor. 3:5, 6).
2. Xpoua Éxodo 4:1-20.
a) ¿Kenon okipatlak itlanemilil Moisés ijkuak ochantito Madián 40 xiujtin, niman tlenon kinmachtia akin kinekij kipiyaskej se tekitl ipan tlanechikojli? (Éxo. 2:11, 12; 4:10, 13; Miq. 6:8; 1 Tim. 3:1, 6, 10).
b) Maski Jehová techyektlalia ika tlayekankej, ¿tlenon uelis tikchiaskej ijkuak tikitaj tlen ipan onochiuj Moisés?(Éxo. 4:12-14; Sal. 103:14; Heb. 12:4-11, NM).
Moisés iuan Aarón yauej itech Faraón
1.¿Tlenon okinemilijkej israelitas ijkuak Moisés iuan Aarón okichiujkej milagros?
2.Moisés iuan Aarón, ¿tlenon okijlikej Faraón, niman kenon okinnankili?
3.Ken nesi ipan tlaixkopinajli, ¿tlenon opanok ijkuak Aarón okitlajkal itlakouj?
4.¿Kenon Jehová okititi Faraón, iueyilis? Niman, ¿tlenon okijto Faraón?
5.¿Tlenon opanok sakin ijkuak onochiuj majtlaktli tlajyouilistli?
Okseki tlajtoltilistin:
1.Xpoua Éxodo 4:27-31 niman 5:1-23.
¿Tlenon okijtosnek Faraón ijkuak okijto: “Xnikixmati Jehová”? (Éxo. 5:2; 1 Sam. 2:12; Rom. 1:21).
2.Xpoua Éxodo 6:1-13, 26-30.
a)¿Tlenon kijtosneki ijkuak noijtoua ika Jehová xnoteititiaya itech Abrahán, Isaac niman Jacob? (Éxo. 3:13, 14; 6:3; Gén. 12:8).
b)¿Tlenon tikmachiliaj ijkuak tikitaj ika Jehová okitekitilti Moisés, maski yejua kimatiya ika xueliskia kichiuaskia yejon tekitl tlen kimakayaj? (Éxo. 6:12, 30; Luc. 21:13-15).
3.Xpoua Éxodo 7:1-13.
a)Ijkuak Moisés iuan Aarón oyajkej ika yolchikaualistli itech Faraón okijlitoj tlen Jehová kichiuiliskia, ¿tlenon kinmachtia itekipanojkauan toTajtsin ipan yejuin tonaltin? (Éxo. 7:2, 3, 6; Hech. 4:29-31).
b)¿Kenon okiteititi Jehová ika san yejua nochi ueli kichiua, xijkon ken tajtsitsintin egipcios? (Éxo. 7:12; 1 Cró. 29:12).
Majtlaktli tlajyouilistin
1.Xkimita tlaixkopinaltin, niman xkijto tlenon nochiujtika ipan se, ome niman yeyi tlajyouilistli tlen Jehová okititlanili Egipto.
2.¿Tleka sejnekamej noso tlamantikej katkaj kachtopa yeyi tlajyouilistin itech oksekimej?
3.¿Katlejua tlajyouilistli naui, makuijli niman chikuasen?
4.¿Katlejua ika chikome, chikueyi niman chiknaui?
5.¿Tlenon okijto Jehová makichiuakan israelitas ijkuak xkintitlaniliaya tlajyouilistli majtlaktli?
6.¿Katlejua tlajyouilistli majtlaktli, niman tlenon opanok sakin?
Okseki tlajtoltilistin:
1.Xpoua Éxodo 7:19– 8:23.
a)Maski teopixkej chanejkej Egipto akin nanaualtin katkaj, ouel okichiujkej ome tlajyouilistin tlen Jehová okichiuj, ¿tlenon okasikamatkej ipan okseki tlajyouilistin? (Éxo. 8:18, 19; Mat. 12:24-28).
b)¿Kenon okiteititi Jehová ipan tlajyouilistli naui, ika ueli kipaleuiya ikalpan? Niman, ¿kenon yejuin kipaleuiya aman ikalpan toTajtsin ika sa achijtsin poliui ijkuak yejkos “melak ueyi tlajyouilistli”? (Éxo. 8:22, 23; Apo. 7:13, 14; 2 Cró. 16:9).
2.Xpoua Éxodo 8:24; 9:3, 6, 10, 11, 14, 16, 23-25; 10:13-15, 21-23.
a)Itech majtlaktli tlajyouilistli, ¿kenon ones ika onkatka ome grupos, niman kenon techpaleuiya pampa tikmatij ika aman onka yejon ome grupos? (Éxo. 8:10, 18, 19; 9:14).
b)¿Kenon techpaleuiya Éxodo 9:16 matikasikamatikan tleka Jehová kikauilia manemi Satanás? (Rom. 9:21, 22).
3.Xpoua Éxodo 12:21-32.
¿Kenon okichiuj mamakisakan miyekej ijkuak okipalnotijkej Pascua, niman tlenon okijtosnek panoskia ika tlayekapan? (Éxo. 12:21-23; Juan 1:29; Rom. 5:18, 19, 21; 1 Cor. 5:7).
Panouaj itlajkotian mar Rojo
1.¿Kechmej tlakamej israelitas, siuamej iuan kokonej okiskej itech Egipto, niman akinon imiuan okiskej?
2.¿Tlenon okinemili Faraón sakin, ijkuak yokinkauili makisakan israelitas, niman tlenon okichiuj?
3.¿Tlenon okichiuj Jehová niman ijkon xokinkauili egipcios makimasikan israelitas?
4.¿Tlenon opanok ijkuak Moisés okontekets itlakouj ipan mar Rojo, niman tlenon okichiujkej israelitas?
5.¿Tlenon opanok ijkuak egipcios kinekiyaj kominajsiskej israelitas ipan mar?
6.¿Kenon okiteititijkej israelitas ika melak pakiyaj niman kitlasojkamachiliayaj Jehová ika okinmakixti?
Okseki tlajtoltilistin:
1.Xpoua Éxodo 12:33-36.
¿Kenon okichiuj Jehová makiselikan tlateochiualistli israelitas pampa miyek xiuitl okintekitiltijkej Egipto? (Éxo. 3:21, 22; 12:35, 36).
2.Xpoua Éxodo 14:1-31.
¿Kenon kinpaleuiya itekipanojkauan toTajtsin tlajtoltin tlen uajnestiuij ipan Éxodo 14:13 niman 14, pampa iyejkotika Armagedón? (2 Cró. 20:17; Sal. 91:8).
3.Xpoua Éxodo 15:1-8, 20, 21.
a)¿Tleka noneki itekipanojkauan Jehová makiueyichiuakan ika tlakuikajli? (Éxo. 15:1, 2; Sal. 105:2, 3; Apo. 15:3, 4).
b)Ijkuak Míriam niman oksekimej siuamej onokuikatijkej ipan mar Rojo, ¿tlenon kinmachtia siuamej akin kichiuaj ken Cristo? (Éxo. 15:20, 21; Sal. 68:11).
Yenkuik tlakuajli
1.¿Tlenon kisentlalijtokej tlaltikpakchanejkej akin nesij ipan tlaixkopinajli, niman kenon itoka?
2.¿Kenon kimijlia Moisés makisentlalikan maná?
3.¿Tlenon kimijlia Jehová makichiuakan israelitas ipan tonajli chikuasen, niman tleka?
4.¿Tlen milagro kichiua Jehová, ijkuak kejyeuaj maná hasta ipan tonajli chikome?
5.¿Kech ouejkauj Jehová kitlakualtia ikalpan ika maná?
Okseki tlajtoltilistin:
1.Xpoua Éxodo 16:1-36 niman Números 11:7-9.
a)¿Tlenon kijtoua Éxodo 16:8 ika noneki matikintlakaitakan akin kiseliaj se tekitl ipan tlanechikojli? (Heb. 13:17).
b)¿Kenon mojmostla okinmilnamiktijkej israelitas ipan tlaluaktli ika nonekiya makinpaleui Jehová? (Éxo. 16:14-16, 35; Deu. 8:2, 3).
c)Itech tlen okijto Jesús, ¿tlenon kijtosnekiya maná, niman kenon techpaleuiya “pan yejuan ne iluikak ualejtikaj”? (Juan 6:31-35, 40).
2.Xpoua Josué 5:10-12.
¿Kech xiuitl israelitas okikuajkej maná, kenon okintlatlatakej ika yejuin, niman tlenon tiuelij? (Éxo. 16:35; Núm. 11:4-6; 1 Cor. 10:10, 11).
Jehová kitemaka itlanauatiluan
1.Ijkuak yopanok kanaj ome metstli ika youajkiskaj Egipto, ¿kanon onokaujkej israelitas?
2.¿Tlenon kineki Jehová makichiua ikalpan, niman tlenon kijtouaj israelitas?
3.¿Tleka Jehová kimaka Moisés ome tetl patlauak?
4.Maski okinmakakej Majtlaktli Tlanauatiltin, ¿katlejua okseki tlanauatiltin okinmakak Jehová israelitas?
5.¿Katlejua okijto Jesucristo ome tlanauatiltin melak uejueyimej?
Okseki tlajtoltilistin:
1.Xpoua Éxodo 19:1-25; 20:1-21; 24:12-18; 31:18.
¿Kenon techpaleuiyaj tlajtoltin tlen uajlauej ipan Éxodo 19:8 matikasikamatikan tlenon kijtosneki timosentemakas itech Jehová? (Mat. 16:24; 1 Ped. 4:1-3).
2.Xpoua Deuteronomio 6:4-6; Levítico 19:18, niman Mateo 22:36-40.
¿Kenon kiteititiaj akin kichiuaj ken Cristo ika kitlasojtlaj toTajtsin iuan tlaltikpakchanejkej? (Mar. 6:34; Hech. 4:20; Rom. 15:2).
Uakaxkonetl tlachijchiujtli ika oro
1.¿Tlenon kichiujtokej akin nemij ipan tlaixkopinajli, niman tleka?
2.¿Tleka kualantika Jehová, niman tlenon kichiua Moisés ijkuak kita tlen kichiujtokej tlaltikpakchanejkej?
3.¿Tlenon kinnauatia Moisés makichiuakan sekimej tlakamej?
4.¿Tlenon techmachtia yejuin tlen opanok?
Okseki tlajtoltilistin:
1.Xpoua Éxodo 32:1-35.
a)¿Kenon techititia tlen yotikitakej itech tlen kinemilia Jehová ijkuak noneloua tlaneltokijli tlen melauak iuan tlen xmelauak? (Éxo. 32:4-6, 10; 1 Cor. 10:7, 11).
b)¿Kenon noneki notlajpiyaskej akin kichiuaj ken Cristo ijkuak kitlapejpeniaj itech tlen noyolpaktiaj, tlen tlatsotsonajli kikakij noso ijkuak nijtotiaj? (Éxo. 32:18, 19; Efe. 5:15, 16; 1 Juan 2:15-17).
c)¿Kenon okiteititijkej levitas se kuajli neskayotl ijkuak okinejkej manochiua tlen melaktik? (Éxo. 32:25-28; Sal. 18:25).
Kajli kampa kiueyichiuaj toTajtsin
1.¿Kenon itoka tlen onka ipan tlaixkopinajli, niman tlenon nochiua ompa?
2.¿Tleka Jehová okijli Moisés ika ijkuak kichijchiuaskiaj kajli, maueli makejkuanikan?
3.¿Tlenon katka yejon caja tlen onka ipan cuartito ijtik kajli, niman tlenon kipiya?
4.¿Akinon kitlapejpenia Jehová kentla ueyi teopixki, niman tlen tekitl kichiua?
5.Ijtik kajli, ¿tlenon yeyi tlemach onka ipan ueyi cuarto?
6.¿Tlenon ome tlemach onka ikiyauatenko tabernáculo, niman kenon kintekitiltiaj?
Okseki tlajtoltilistin:
1.Xpoua Éxodo 25:8-40; 26:1-37; 27:1-8; 28:1.
¿Tlenon kijtosnekiya querubines tlen onkatkaj ipan “caja tlen tetlalnamiktia tlajtolkaualistli”? (Éxo. 25:20, 22; Núm. 7:89; 2 Rey. 19:15).
2.Xpoua Éxodo 30:1-10, 17-21; 34:1, 2, niman Hebreos 9:1-5.
a)¿Tleka Jehová okimijli teopixkej ika nonekiya makichipauakan innakayo akin tekitiyaj ipan tabernáculo, niman kenon techpaleuiya yejuin? (Éxo. 30:18-21; 40:30, 31; Heb. 10:22).
b)¿Kenon kiteititia Pablo ika tabernáculo niman Tlanauatijli tlen okimakakej Moisés xok nonekiya manotlakamati, ijkuak yejua okintlajkuilouilij hebreos? (Heb. 9:1, 9; 10:1).
Doce ichtakatlachixkej
1.¿Ken tikita yejuin imakojyo uvas tlen nesi ipan tlaixkopinajli? ¿Kanon okinkuitoj?
2.¿Tleka Moisés kintitlani doce tlakamej maichtakatlachiatij Canaán?
3.¿Tlenon kijtouaj majtlaktli akin oichtakatlachiatoj ijkuak nokuepaj itech Moisés?
4.¿Kenon omemej akin oichtakatlachiatoj kiteititiaj ika tlaneltokaj itech Jehová, niman kenon intoka?
5.¿Tleka kualani Jehová, niman tlenon kijlia Moisés?
Okseki tlajtoltilistin:
1.Xpoua Números 13:1-33.
a)¿Akinon okintlapejpenijkej maichtakatlachiatij Canaán, niman tlenon ouel okitakej? (Núm. 13:2, 3, 18-20).
b)¿Tleka xijki tlanemiliayaj Josué niman Caleb ken oksekimej akin oichtakatlachiatoj, niman tlenon techmachtia yejuin? (Núm. 13:28-30; Mat. 17:20; 2 Cor. 5:7).
2.Xpoua Números 14:1-38.
a)¿Kenon techpaleuiya tlen okichiujkej israelitas, maka tikintejteneuaskej akin kintlalia Jehová matlayekanakan ipan tlanechikojli? (Núm. 14:2, 3, 27; Mat. 25:40, 45; 1 Cor. 10:10).
b)¿Kenon teititia Números 14:24 ika Jehová kintlasojtla nochimej itekipanojkauan? (1 Rey. 19:18; Pro. 15:3).
Itlakouj Aarón xochiyoua
1.¿Akinon kixnamikij itlayekanalis Moisés iuan Aarón, niman tlenon kijliaj Moisés?
2.¿Tlenon kijlia Moisés makichiuakan Coré niman 250 akin iuan nemij?
3.¿Tlenon Moisés kimijlia israelitas, niman tlen panoua ijkuak tlami kimijlia?
4.¿Tlenon inpan nochiua Coré niman 250 akin iuan nemij?
5.¿Tlenon kichiua Eleazar, ikoneuj Aarón, ika tlen tlapojkixtiayaj akin omijkej, niman tleka?
6.¿Tleka kichiua Jehová maxochiyokisa itlakouj Aarón? (Xkita tlaixkopinajli).
Okseki tlajtoltilistin:
1.Xpoua Números 16:1-49.
a)¿Tlenon okichiujkej Coré niman akin iuan nemij, niman tleka yejon okijtosnek ika kixnamikiyaj Jehová? (Núm. 16:9, 10, 18; Lev. 10:1, 2; Pro. 11:2).
b)¿Tlen tlanemilijli xkuajli okipixkej Coré niman 250 “akin tlayekanaj ipan Israel”? (Núm. 16:1-3; Pro. 15:33; Isa. 49:7).
2.Xpoua Números 17:1-11 niman 26:10.
a)¿Tlenon okijtosnek ika itlakouj Aarón oxochiyouak, niman tleka okijto Jehová makejyeuakan ipan caja tlen tetlalnamiktia tlajtolkaualistli? (Núm. 17:5, 8, 10).
b)¿Tlenon techmachtia tlen ipan onochiuj itlakouj Aarón? (Núm. 17:10; Hech. 20:28; Fili. 2:14; Heb. 13:17).
Moisés kiuiteki tetl
1.¿Kenon Jehová kintlajpiya israelitas ijkuak nemij ipan tlaluaktli?
2.¿Tlenon xkuelitaj israelitas ijkuak nemij Qadés?
3.¿Kenon Jehová kinmaka atl israelitas niman inyolkauan?
4.¿Akinon yejon tlakatl ipan tlaixkopinajli akin nomajpiluijtika, niman tleka ijkon kichiua?
5.¿Tleka Jehová kikualania tlen kichiuaj Moisés iuan Aarón, niman kenon kinkauilia matlajyouikan?
6.¿Tlenon panoua ipan tepetl Hor, niman akinon kitlaliaj kentla ueyi teopixki itech israelitas?
Okseki tlajtoltilistin:
1.Xpoua Números 20:1-13, 22-29 niman Deuteronomio 29:5.
a)¿Tlenon tiuelij itech kenon Jehová okintlajpix israelitas ipan tlaluaktli? (Deu. 29:5; Mat. 6:31; Heb. 13:5; Sant. 1:17).
b)¿Kenon okitak Jehová ijkuak Moisés iuan Aarón xokiueyichiujkej imixpan israelitas? (Núm. 20:12; 1 Cor. 10:12; Apo. 4:11).
c)¿Kenon okiseli Moisés ijkuak Jehová okimelajkatlali niman tlenon tiuelij? (Núm. 12:3; 20:12, 27, 28; Deu. 32:4; Heb. 12:7-11).
Kouatl tlachijchiujtli ika cobre
1.¿Tlenon mamatilijtika ipan kojtli tlen nesi ipan tlaixkopinajli, niman tleka Jehová okijli Moisés ompa makitlali?
2.¿Kenon kiteititiaj tlaltikpakchanejkej ika xkitlasojkamatij tlen toTajtsin yokichiuj inpampa?
3.¿Tlenon kitlajtlaniliaj Moisés ijkuak Jehová kintitlanilia kouamej tlen ika kinkauilia matlajyouikan israelitas?
4.¿Tleka Jehová kijlia Moisés makichijchiua se kouatl ika cobre?
5.¿Tlenon techmachtia tlen yotikitakej?
Okseki tlajtoltilistin:
1.Xpoua Números 21:4-9.
a)¿Tlenon techmachtia ijkuak tikitaj ika israelitas tlemach xkuajli okijtokej itech tlen Jehová kinmakaya? (Núm. 21:5, 6; Rom. 2:4).
b)Ijkuak yopanoka miyek xiujtin, ¿kenon okitekitiltijkej israelitas kouatl tlachijchiujtli ika cobre, niman tlenon okichiuj tekiuaj Ezequías? (Núm. 21:9; 2 Rey. 18:1-4).
2.Xpoua Juan 3:14, 15.
¿Kenon okiteititi ika Jesucristo mikiskia ipan se kojtli melaktik ijkuak okitlalijkej kouatl tlachijchiujtli ika cobre ipan se kojtli? (Gál. 3:13; 1 Ped. 2:24).
Se siuapoloko tlajtoua
1.¿Akinon Balac, niman tleka tlatitlani makitejtemotij Balaam?
2.¿Tleka noteka ipan ojtli iyolkauj Balaam?
3.¿Tlenon kikaki Balaam kijtoua iyolkauj?
4.¿Tlenon se iluikaktekitketl kijlia Balaam?
5.¿Tlenon panoua ijkuak Balaam kiyejyekoua kijtos tlen xkuajli inpan manochiua israelitas?
Okseki tlajtoltilistin:
1.Xpoua Números 21:21-35.
¿Tleka israelitas okintlankej Sehón, tekiuaj itech amorreos, niman Og, tekiuaj itech Basán? (Núm. 21:21, 23, 33, 34).
2.Xpoua Números 22:1-40.
¿Tleka Balaam kinekiya kijtos tlen xkuajli inpan manochiua israelitas, niman tlenon techmachtia itech tlen opanok? (Núm. 22:16, 17; Pro. 6:16, 18; 2 Ped. 2:15; Jud. 11).
3.Xpoua Números 23:1-30.
Maski Balaam tlajtouaya kentla se itekipanojkauj Jehová, ¿kenon okiteititi itech tlen okichiuj ika xijkon katka? (Núm. 23:3, 11-14; 1 Sam. 15:22).
4.Xpoua Números 24:1-25.
¿Kenon kichikaua totlaneltokil itech tlen kineki kichiuas Jehová yejuin tlen kemach otikitakej? (Núm. 24:10; Isa. 54:17).
Josué peua tlayekana
1.¿Akinomej yejon omemej tlakamej akin nemij iuan Moisés ipan tlaixkopinajli?
2.¿Tlenon Jehová kijlia Josué?
3.¿Tleka Moisés tlejkoua ipan ikuatipan tepetl Nebo, niman tlenon kijlia Jehová?
4.¿Kech xiuitl kipiya Moisés ijkuak miki?
5.¿Tleka israelitas noyolkokouaj, san ika, tleka kipiya ika pakiskej?
Okseki tlajtoltilistin:
1.Xpoua Números 27:12-23.
¿Tlen tekitl Jehová okimakak Josué, niman kenon nesi aman ika Jehová notekipachoua ipampa Ikalpan? (Núm. 27:15-19; Hech. 20:28; Heb. 13:7).
2.Xpoua Deuteronomio 3:23-29.
¿Tleka Jehová xokinkauili Moisés iuan Aarón makalakikan ipan Tlajli tlen yokijtoka kinmakas, niman tlenon techmachtia? (Deu. 3:25-27; Núm. 20:12, 13).
3.Xpoua Deuteronomio 31:1-8, 14-23.
Ijkuak Moisés okimijli israelitas ika xkalakiskia Canaán, ¿kenon ones itech tlen okijto, ika okiteititi yolyemanilistli ijkuak Jehová okimelajkatlali? (Deu. 31:6-8, 23).
4.Xpoua Deuteronomio 32:45-52.
¿Kenon noneki matechpaleui iTlajtol toTajtsin ipan tonemilis? (Deu. 32:47; Lev. 18:5; Heb. 4:12).
5.Xpoua Deuteronomio 34:1-12.
Maski Moisés xkeman okitak Jehová, ¿kenon techititia Deuteronomio 34:10 itech kenon iuan nouikaya? (Éxo. 33:11, 20; Núm. 12:8).
Rahab kinmiyana ichtakatlachixkej
1.¿Kanon chanti Rahab?
2.¿Akinomej yejon omemej tlakamej akin nesij ipan tlaixkopinajli, niman tleka nemij Jericó?
3.¿Tlenon kinauatia tekiuaj itech Jericó makichiua Rahab, niman tlenon kinankilia yejua?
4.¿Kenon kinpaleuiya Rahab yejon tlakamej, niman tlenon kintlajtlanilia makichiuakan ipampa?
5.¿Tlenon kijliaj Rahab kichiuaskej ichtakatlachixkej ipampa?
Okseki tlajtoltilistin:
1.Xpoua Josué 2:1-24.
¿Kenon onochiuj itlajtol Jehová tlen nesi ipan Éxodo 23:28, ijkuak israelitas kixnamikij Jericó? (Jos. 2:9-11).
2.Xpoua Hebreos 11:31.
¿Kenon techititia tlen okichiuj Rahab ika melak noneki matikpiyakan tlaneltokijli? (Rom. 1:17; Heb. 10:39; Sant. 2:25).
Kipanauiyaj atentli Jordán
1.¿Tlen milagro kichiua Jehová niman ijkon israelitas mapanokan ipan atentli Jordán?
2.¿Kenon kiteititiskiaj israelitas ika kipiyaj tlaneltokilistli niman ijkon ueliskiaj panoskej ipan Jordán?
3.¿Tleka Jehová kijlia Josué makinkuiti doce temej itech atentli?
4.¿Tlenon panoua ijkuak teopixkej uajkisaj itech Jordán?
Okseki tlajtoltilistin:
1.Xpoua Josué 3:1-17.
a)Ken techititia tlen yotikitakej, ¿tlenon noneki tikchiuaskej tla tiknekij tikseliskej itlapaleuilis iuan itlateochiualis Jehová? (Jos. 3:13, 15; Pro. 3:5; Sant. 2:22, 26).
b)¿Kenon onkatka atentli Jordán ijkuak israelitas okipanauijkej niman ijkon oajsikej ipan Tlajli tlen toTajtsin yokijtoka kinmakas, niman kenon yejuin okiueyichiuj itoka Jehová? (Jos. 3:15; 4:18; Sal. 66:5-7).
2.Xpoua Josué 4:1-18.
¿Tlenon okijtosnek doce temej tlen okinkixtijkej ipan Jordán niman okintlalijkej Guilgal? (Jos. 4:4-7).
Itepanuan Jericó
1.¿Tlenon kinnauatia Jehová makichiuakan ipan chikuasen tonajli soldados iuan teopixkej?
2.¿Tlenon noneki makichiuakan tlakamej ipan tonajli chikome?
3.Ken tikita ipan tlaixkopinajli, ¿tlenon panotika ika itepanuan Jericó?
4.¿Tleka onka se mekatl chichiltik pilkatika ipan ventana?
5.¿Tlenon kimijlia Josué makichiuakan soldados ika tlaltikpakchanejkej niman ueyikalpan, niman tlenon noneki makichiuakan ika plata, oro, cobre niman hierro?
6.¿Tlenon kinnauatiaj makichiuakan ichtakatlachixkej?
Okseki tlajtoltilistin:
1.Xpoua Josué 6:1-25.
a)Ken okichiujkej israelitas ijkuak okiyeualojkej Jericó ipan tonajli chikome, ¿kenon noijki panoua ijkuak iteixpantijkauan Jehová tenojnotsaj ipan itlamiyan tonaltin? (Jos. 6:15, 16; Isa. 60:22; Mat. 24:14; 1 Cor. 9:16).
b)¿Kenon onochiujkej teotlajtoltin tlen onka ipan Josué 6:26 quinientos xiuitl sakin, niman tlenon techmachtia itech itlajtoluan Jehová? (1 Rey. 16:34; Isa. 55:11).
Se israelita tlachteki
1.¿Akinon yejon tlakatl akin nesi ipan tlaixkopinajli kitlalpachojtika seki tlemach tlen okuajkuiteuj Jericó, niman akinomej kipaleuijtokej?
2.¿Tleka melak xkuajli tlen okichiujkej Acán iuan ichanejkauan?
3.¿Tlenon Jehová kijlia Josué ijkuak kitlajtoltia tleka okintlankej israelitas, ijkuak okixnamijkej Hai?
4.¿Tlenon inpan nochiua Acán iuan ichanejkauan ijkuak kinuikaj itech Josué?
5.¿Tlenon techmachtia itech tlen ipan onochiuj Acán?
Okseki tlajtoltilistin:
1.Xpoua Josué 7:1-26.
a)¿Kenon okiteititijkej iteoyouan Josué itech kenon iuan nouikaya Jehová? (Jos. 7:7-9; Sal. 119:145; 1 Juan 5:14).
b)¿Tlenon techititia itech tlen ipan onochiuj Acán, niman kenon techpaleuiya? (Jos. 7:11, 14, 15; Pro. 15:3; 1 Tim. 5:24; Heb. 4:13).
2.Xpoua Josué 8:1-29.
¿Tlenon noneki tikchiuaskej tinochimej ipan tlanechikojli ipan yejuin tonaltin? (Jos. 7:13; Lev. 5:1; Pro. 28:13).
Gabaonitas tlamachilisejkej
1.¿Tleka gabaonitas xijki katkaj ken cananeos akin nisiu chantij?
2.Ken tikita ipan tlaixkopinajli, ¿tlenon kichiuaj gabaonitas, niman tleka?
3.¿Tlenon Josué iuan tlayekankej israelitas kimijliaj gabaonitas, niman tlenon kimatij ijkuak panoua yeyi tonajli?
4.¿Tlenon panoua ijkuak tekiuajkej itech oksekimej uejueyimej kalpamej kitekakiliaj ika gabaonitas iuan yonosentlalijkej israelitas?
Okseki tlajtoltilistin:
1.Xpoua Josué 9:1-27.
a)Pampa Jehová yokinauatijka ikalpan Israel “makinmikti nochi tlaltikpakchanejkej”, ¿katlejua ikualneskayouan Jehová nesij pampa kintlapopoluiya gabaonitas? (Jos. 9:22, 24; Mat. 9:13; Hech. 10:34, 35; 2 Ped. 3:9).
b)Pampa okichiuj tlen okimijli gabaonitas, ¿kenon okitlali Josué se kuajli neskayotl intech akin kichiuaj ken cristo ipan yejuin tonajli? (Jos. 9:18, 19; Mat. 5:37; Efe. 4:25).
2.Xpoua Josué 10:1-5.
¿Kenon kichiuaj itekipanojkauan toTajtsin ken gabaonitas, niman pampa ijkon kichiuaj, tlenon inpan panoua?(Jos. 10:4; Zac. 8:23; Mat. 25:35-40; Apo. 12:17).
Tonaltsintli noteltia
1.Ken nesi ipan tlaixkopinajli, ¿tlenon kijtotika Josué, niman tleka?
2.¿Kenon Jehová kinpaleuiya Josué iuan isoldados?
3.¿Kech tekiuajkej kinmiktia Josué, niman kech uejkaui?
4.¿Tleka Josué kixexeloua tlajli Canaán?
5.¿Kech xiuitl kipiaya Josué ijkuak miki, niman tlenon inpan nochiua tlaltikpakchanejkej?
Okseki tlajtoltilistin:
1.Xpoua Josué 10:6-15.
¿Tleka techyolchikaua pampa tikmatij ika Jehová okitelti Tonaltsintli niman Metstli ipampa israelitas? (Jos. 10:8, 10, 12, 13; Sal. 18:3; Pro. 18:10).
2.Xpoua Josué 12:7-24.
¿Akinon okichiuj Josué makintlani 31 tekiuajkej itech Canaán, niman kenon techpaleuiya ipan yejuin tonaltin? (Jos. 12:7; 24:11-13; Deu. 31:8; Luc. 21:9, 25-28).
3.Xpoua Josué 14:1-5.
¿Kenon okinxexelouilijkej tlaltin, uejueyimej familias israelitas niman tlenon techititia yejuin itech tlen techmakaskej ipan Xochitlalpan? (Jos. 14:2; Isa. 65:21; Eze. 47:21-23; 1 Cor. 14:33).
4.Xpoua Jueces 2:8-13.
Ijkon ken Josué okichiuj itech Israel, ¿akinon kinpaleuiya itekipanojkauan toTajtsin ijkuak sekimej noxelouaj niman peuaj kixnamikij tlen melauak? (Jue. 2:8, 10, 11; Mat. 24:45-47; 2 Tes. 2:3-6; Tito 1:7-9; Apo. 1:1; 2:1, 2).
Omemej siuamej yolchikaujkej
1.¿Tlenon kichiuaj jueces, niman kenon intoka sekimej?
2.¿Tlenon kuajli tekitl kipiya Débora, niman tlenon kichiua?
3.Ijkuak tekiuaj Jabín iuan Sísara akin kinyekanilia isoldados, kimixnamikiskiaj israelitas, ¿tlenon Jehová kijlia Débora makijliti juez Barac, niman akinon kijtoua kitlakaitaskej?
4.¿Kenon kiteititia Jael ika yejua se siuatl yolchikauak?
5.¿Tlenon panoua ijkuak miki tekiuaj Jabín?
Okseki tlajtoltilistin:
1.Xpoua Jueces 2:14-22.
¿Tleka Jehová okualan imiuan israelitas, niman tlenon techmachtia yejuin? (Jue. 2:20; Pro. 3:1, 2; Eze. 18:21-23).
2.Xpoua Jueces 4:1-24.
Tokniuan siuamej akin kichiuaj ken Cristo, ¿tlenon uelij itech intlaneltokilis niman inyolchikaualis Débora iuan Jael? (Jue. 4:4, 8, 9, 14, 21, 22; Pro. 31:30; 1 Cor. 16:13).
3.Xpoua Jueces 5:1-31.
Ijkon ken Barac iuan Débora onokuikatijkej ijkuak otetlankej, ¿tlenon uelis tikijtoskej ipan toteoyouan pampa iyejkotika Armagedón? (Jue. 5:3, 31; 1 Cró. 16:8-10; Apo. 7:9, 10; 16:16; 19:19-21).
Rut iuan Noemí
1.¿Tleka Noemí onochantito Moab?
2.¿Akinon katkaj Rut niman Orpá?
3.¿Kenon tlanankiliaj Rut niman Orpá ijkuak Noemí kimijlia manokuepakan inchan?
4.¿Akinon katka Boaz (Booz), niman kenon kinpaleuiya Rut iuan Noemí?
5.¿Kenon itoka inkoneuj Boaz iuan Rut, niman tleka noneki tikilnamikiskej?
Okseki tlajtoltilistin:
1.Xpoua Rut 1:1-17.
a)¿Tlenon tlajtojli okijto Rut kampa ones ika kipiaya tlasojtlalistli tlen xkeman tekaua? (Rut 1:16, 17).
b)¿Kenon itlanemilil katka Rut tlen noijki kipiyaj “oksekimej borregos” itech tlapejpeniltin? (Juan 10:16; Zac. 8:23).
2.Xpoua Rut 2:1-23.
¿Kenon Rut se kuajli neskayotl itech ichpokamej ipan yejuin tonajli? (Rut 2:17, 18; Pro. 23:22; 31:15).
3.Xpoua Rut 3:5-13.
a)Pampa Rut ononamikti iuan Boaz niman xiuan se telpochtli, ¿yejuin kenon okitak Boaz?
b)¿Tlenon techititia Rut itech tlasojtlalistli tlen xkeman tekaua? (Rut 3:10; 1 Cor. 13:4, 5).
4.Xpoua Rut 4:7-17.
¿Kenon tlakamej akin kichiuaj ken cristo, kixkopinaskej Boaz? (Rut 4:9, 10; 1 Tim. 3:1, 12, 13; 5:8).
Gedeón niman 300 tlakamej
1.¿Ipan tlen tlauejli nokalaktiaj israelitas, niman tleka?
2.¿Tleka Jehová kijlia Gedeón ika kipiya melak miyek soldados?
3.¿Kechmej tlakamej nokauaj ijkuak Gedeón kimijlia akin nomojtiaj manokuepakan inchan?
4.Ken nesi ipan tlaixkopinajli, ¿kenon okichiuj Jehová manokauakan iuan Gedeón san 300 tlakamej?
5.¿Kenon kinxexeloua Gedeón 300 tlakamej, niman kenon tetlanij israelitas ipan guerra?
Okseki tlajtoltilistin:
1.Xpoua Jueces 6:36-40.
a)¿Tlenon okichiuj Gedeón niman ijkon okimat tlen Jehová kinekiya makichiua?
b)¿Kenon uelis tikmatiskej ipan yejuin tonajli tlenon kineki Jehová matikchiuakan? (Pro. 2:3-6; Mat. 7:7-11; 2 Tim. 3:16, 17).
2.Xpoua Jueces 7:1-25.
a)¿Tlenon tiuelij itech 300 tlakamej, akin tlatlachixtoyaj, xijkon ken oksekimej? (Jue. 7:3, 6; Rom. 13:11, 12; Efe. 5:15-17).
b)Ijkon ken 300 tlakamej ouelkej ijkuak okitakej Gedeón, ¿kenon tiueliskej itech Ueyixtika Gedeón, Jesucristo? (Jue. 7:17; Mat. 11:29, 30; 28:19, 20, NM; 1 Ped. 2:21).
c)¿Kenon techpaleuiya Jueces 7:21 matiknekikan titekitiskej maski san kanon matechtlali Jehová? (1 Cor. 4:2; 12:14-18; Sant. 4:10).
3.Xpoua Jueces 8:1-3.
Ijkuak tikyektlaliaj tlaueltin iuan tokniuan, ¿tlenon tiuelij itech kenon Gedeón okiyektlali tlauejli iuan efraimitas? (Pro. 15:1; Mat. 5:23, 24; Luc. 9:48).
Tlen Jefté okijto kichiuas
1.¿Akinon katka Jefté, niman kemanon onen?
2.¿Tlenon Jefté kijlia Jehová kichiuas?
3.Ijkuak Jefté kintlani amonitas, ¿tleka noyolkokoua ijkuak nokuepa ichan?
4.¿Tlenon kijtoua ichpoch Jefté ijkuak kimati tlen itaj yokijtoka kichiuas?
5.¿Tleka kitlasojtlaj ichpoch Jefté?
Okseki tlajtoltilistin:
1.Xpoua Jueces 10:6-18.
¿Tlenon techmachtia pampa israelitas miyekpa xokitlakamatkej Jehová? (Jue. 10:6, 15, 16; Rom. 15:4; Apo. 2:10).
2.Xpoua Jueces 11:1-11, 29-40.
a)¿Kenon tikmatij ika, ijkuak Jefté okitemakak ichpoch kentla “uentli tlen notlatia” xkijtosneki ika kimiktiskia niman ijkon kimakaskia Jehová? (Jue. 11:31; Lev. 16:24; Deu. 18:10, 12).
b)¿Kenon uelis tikijtoskej ika Jefté okitemakak ichpoch kentla se uentli?
c)¿Tlenon tiuelij ijkuak Jefté okichiuj tlen yokijlika Jehová? (Jue. 11:35, 39; Ecl. 5:4, 5; Mat. 16:24).
d)¿Kenon telpokamej akin kichiuaj ken Cristo, uelis kichiuaskej ken ichpoch Jefté ijkuak kinemiliaj kitekichiuiliskej Jehová? (Jue. 11:36; Mat. 6:33; Fili. 3:8).
Se tlakatl melak kojtik
1.¿Kenon itoka yejon tlakatl akin xakaj ijkon uajnemi melak kojtik ken yejua, niman itech akinon oualeuj ikojtilis?
2.Ken nesi ipan tlaixkopinajli, ¿tlenon okichiuili Sansón se león?
3.¿Tlenon nesi ipan tlaixkopinajli Sansón kijlitika Dalila, niman tleka kajsij filisteos?
4.¿Kenon Sansón kichiua mamikikan yeyi mil filisteos ijkuak yejua miki?
Okseki tlajtoltilistin:
1.Xpoua Jueces 13:1-14.
¿Kenon Manóah iuan isiuauj, kinmaka tajtin se kuajli neskayotl ijkuak kimiskaltiaj inkoneuan? (Jue. 13:8; Sal. 127:3; Efe. 6:4).
2.Xpoua Jueces 14:5-9 niman 15:9-16.
a)¿Kenon nesi ika iespíritu santo Jehová okipaleui Sansón ijkuak okimikti se león, okinkojkoton yenkuikej mekamej tlen ika okisalojkaj niman ijkuak ika ikamachal poloko okimikti mil filisteos?
b)¿Kenon aman iespíritu santo toTajtsin techpaleuiya? (Jue. 14:6; 15:14; Zac. 4:6; Hech. 4:31).
3.Xpoua Jueces 16:18-31.
Pampa onouikak iuan akin xkuakualtin katkaj, ¿kenon okijtlako Sansón, niman tlenon techmachtia yejuin? (Jue. 16:18, 19; 1 Cor. 15:33).
Se telpokatsin kitekichiuilia toTajtsin
1.¿Kenon itoka telpokatsin tlen nesi ipan tlaixkopinajli, niman akinomej ompa nemij?
2.¿Tlenon okijto Ana ipan teoyotl tlen okichiuj ijkuak oyaj ipan tabernáculo, niman kenon okinankili Jehová?
3.¿Kech xiuitl kipiaya Samuel ijkuak okuikakej kampa itabernáculo Jehová, niman tlenon kichijchiuilia inan nochi xiujtin?
4.¿Kenon intoka ikoneuan Elí, niman kenon katkaj?
5.¿Kenon Jehová kinotsa Samuel, niman tlenon kijlia?
6.¿Tlen tekitl kichiua Samuel ijkuak noskaltia, niman tlenon panoua ijkuak ueuentsintia?
Okseki tlajtoltilistin:
1.Xpoua 1 Samuel 1:1-28.
a)¿Tlen kuajli neskayotl kintlalilia Elqaná nochimej tajtin, ika noneki yejuamej makinyoleuakan ichanejkauan makiueyichiuakan Jehová? (1 Sam. 1:3, 21; Mat. 6:33; Fili. 1:10).
b)¿Tlenon techmachtia Ana itech kenon yejua okixnamik se ueyi tlauejli? (1 Sam. 1:10, 11; Sal. 55:22; Rom. 12:12).
2.Xpoua 1 Samuel 2:11-36.
¿Kenon Elí melak okintlakaitak ikoneuan niman xokitlakaitak Jehová, niman tlenon techmachtia yejuin? (1 Sam. 2:22-24, 27, 29; Deu. 21:18-21; Mat. 10:36, 37).
3.Xpoua 1 Samuel 4:16-18.
¿Tlenon naui tlemach kijliaj Elí akin ualeuaj ipan guerra, niman tlenon ipan nochiua Elí?
4.Xpoua 1 Samuel 8:4-9.
¿Kenon israelitas okiyolkokojkej Jehová, niman kenon aman uelis titlapaleuiskej itech iTekiuajyo? (1 Sam. 8:5, 7; Juan 17:16; Sant. 4:4).
Saúl kachtopa tekiuaj ipan Israel
1.¿Tlenon nesi ipan tlaixkopinajli kichiujtika Samuel, niman tleka?
2.¿Tleka Saúl kiyolpaktia Jehová, niman kenon itlanemilil Saúl?
3.¿Kenon itoka ikoneuj Saúl, niman tlenon kichiua?
4.¿Tleka Saúl tlauentlalia niman xkichia Samuel?
5.¿Tlenon tiuelij itech tlen ipan onochiuj Saúl?
Okseki tlajtoltilistin:
1.Xpoua 1 Samuel 9:15-21 niman 10:17-27.
Pampa Saúl xnoueyimatiya, ¿kenon okipaleui maka makichiua tlen xkuajli ijkuak sekimej tlakamej xkuajli otlajtlatojkej itech? (1 Sam. 9:21; 10:21, 22, 27; Pro. 17:27).
2.Xpoua 1 Samuel 13:5-14.
¿Tlen tlajtlakojli okichiuj Saúl ijkuak nemiya Guilgal? (1 Sam. 10:8; 13:8, 9, 13).
3.Xpoua 1 Samuel 15:1-35.
a)Ijkuak Saúl okixnamik Agag, tekiuaj itech Amaleq, ¿tlen ueyi tlajtlakojli okichiuj? (1 Sam. 15:2, 3, 8, 9, 22).
b)¿Kenon okiyejyeko Saúl kiteititis ika yejua xkipiaya tlajtlakojli itech tlen okichiuj, niman kenon okintlajtlakolti oksekimej? (1 Sam. 15:24).
c)¿Itech tlenon noneki matotlajpiyakan ijkuak yakaj techtlajtolpaleuiya? (1 Sam. 15:19-21; Sal. 141:5; Pro. 9:8, 9; 11:2).
ToTajtsin kitlapejpenia David
1.¿Kenon itoka yejon telpochtli tlen nesi ipan tlaixkopinajli, niman kenon tikmatij ika yolchikauak?
2.¿Kanon chanti David, niman kenon intoka itaj iuan iabuelo?
3.¿Tleka Jehová kijlia Samuel mauiya Belén kampa chanti Jesé (Isaí)?
4.¿Tlenon panoua ijkuak Jesé kinuika chikomemej ikoneuan kampa Samuel?
5.¿Tlenon Jehová kijlia Samuel ijkuak kuajuikiliaj David?
Okseki tlajtoltilistin:
1.Xpoua 1 Samuel 17:34, 35.
¿Kenon teititia yejuin tlen opanok, ika David kipiaya yolchikaualistli niman tlaneltokijli itech Jehová? (1 Sam. 17:37).
2.Xpoua 1 Samuel 16:1-14.
a)Itech tlen kijtoua Jehová ipan 1 Samuel 16:7, ¿kenon techpaleuiya yejuin, maka matitechikoitakan nion maka matitejteneuakan, san ika tlen tikitaj itech yakaj? (Hech. 10:34, 35; 1 Tim. 2:4).
b)Itech tlen ipan onochiuj Saúl, ¿kenon techititia ika ijkuak Jehová kejkuania iespíritu santo itech yakaj, uelis peuas kichiuas tlen xkuajli? (1 Sam. 16:14; Mat. 12:43-45; Gál. 5:16).
David niman Goliat
1.¿Tlenon Goliat kimijlia soldados israelitas?
2.¿Kech ika uejkapan Goliat, niman tlenon kimakas Saúl akin kimiktis yejuin uejkapan tlakatl?
3.¿Tlenon tenankilia David ijkuak Saúl kijlia ika xuelis kixnamikis Goliat, pampa ok telpokatsin katka?
4.¿Kenon oteititi David ika kineltokaya Jehová, ijkuak okinankili Goliat?
5.Ken tikita ipan tlaixkopinajli, ¿tlenon kitekitiltia David tlen ika okimikti Goliat, niman sakin tlenon inpan onochiuj filisteos?
Okseki tlajtoltilistin:
1.Xpoua 1 Samuel 17:1-54.
a)¿Tleka yolchikauak katka David, niman kenon noijki uelis tikpiyaskej yolchikaualistli? (1 Sam. 17:37, 45; Efe. 6:10, 11).
b)¿Tleka akin kichiuaj ken Cristo xtlanemiliskej ken Goliat, ijkuak nauiltiaj? (1 Sam. 17:8; Gál. 5:26; 1 Tim. 4:8).
c)¿Kenon nesi ipan itlajtoluan David ika kineltokaya toTajtsin kipaleuis? (1 Sam. 17:45-47; 2 Cró. 20:15).
d)Ijkuak israelitas okimixnamijkej filisteos, ¿kenon teititia yejuin tlen opanok, ika akin yemelak noixnamiktoyaj katkaj tajtsitsintin iuan toTajtsin akin melauak, Jehová? (1 Sam. 17:43, 46, 47).
e)¿Kenon akin tlamachia yaskej iluikak, noijki kichiuaj ken David, akin okiteititi ika otlaneltokak itech Jehová? (1 Sam. 17:37; Jer. 1:17-19; Apo. 12:17).
David choloua
1.¿Tleka Saúl kinexikolita David, niman kenon Jonatán xijki ken itaj?
2.¿Tlenon panoua ijkuak David kitlatsotsonilijtoya Saúl ika arpa?
3.¿Tlenon kijtoua Saúl noneki kichiuas David, tla kineki iuan nonamiktis ichpoch Mical, niman tleka ijkon kijtoua?
4.Ken nesi ipan tlaixkopinajli, ¿tlenon panoua ika yexpa, ijkuak David kitlatsotsonilia Saúl ika arpa?
5.¿Kenon Mical kimakixtia David, niman tlenon kichiua David ipan chikome xiuitl?
Okseki tlajtoltilistin:
1.Xpoua 1 Samuel 18:1-30.
a)¿Kenon itlasojtlalis Jonatán tlen okipix itech David okijtosnek ika ijkon notlasojtlaskiaj “oksekimej borregos” niman akin ‘xmiyekej’ tlapejpeniltin? (1 Sam. 18:1; Juan 10:16; Luc. 12:32; Zac. 8:23).
b)Pampa itekiuajyo Saúl kimakaskia Jonatán, ¿kenon techititia 1 Samuel 18:4 ika yejua okitlakamat ika iyojlo akin okitlapejpenijkej kentla tekiuaj?
c)¿Kenon techititia tlen okichiuj Saúl, ika tla tinexikolejkej uelis kichiuas matitlajtlakokan, niman tlenon techmachtia tlen ipan onochiuj Saúl? (1 Sam. 18:7-9, 25; Sant. 3:14-16).
2.Xpoua 1 Samuel 19:1-17.
¿Tleka uelis kimiktiskiaj Jonatán ijkuak otlajto iuan Saúl? (1 Sam. 19:1, 4-6; Prov. 16:14).
Abigail niman David
1.¿Kenon itoka yejon siuatl akin uajnonisiuitiuj itech David akin nesi ipan tlaixkopinajli, niman kenon tlanemilia?
2.¿Akinon katka Nabal?
3.¿Tleka David kintitlani seki isoldados itlaj makitlajtlanilitij Nabal?
4.¿Tlenon kimijlia Nabal insoldados David, niman kenon tlanankilia David?
5.¿Kenon teititia Abigail, ika yejua se siuatl tlamachilise?
Okseki tlajtoltilistin:
1.Xpoua 1 Samuel 22:1-4.
¿Tlen neskayotl tiknextiaj itech ichanejkauan David, niman kenon aman techititia matopaleuikan iuan tokniuan? (Pro. 17:17; 1 Tes. 5:14).
2.Xpoua 1 Samuel 25:1-43.
a)¿Tleka ijkuak Biblia tlajtoua itech Nabal, xkuajli tlajtoua itech? (1 Sam. 25:2-5, 10, 14, 21, 25).
b)Siuamej akin yononamiktijkej, ¿tlenon uelij itech Abigail? (1 Sam. 25:32, 33; Pro. 31:26; Efe. 5:24).
c)¿Tlenon ome tlemach tlen xkuajli, Abigail okipaleui David maka makichiua? (1 Sam. 25:31, 33; Rom. 12:19; Efe. 4:26).
d)¿Kenon kinpaleuiya tlakamej matlanemilikan ken Jehová itech siuamej, ijkon ken okichiuj David ijkuak okikak itlajtoluan Abigail? (Hech. 21:8, 9; Rom. 2:11; 1 Ped. 3:7).
David peua tekiuajti
1.¿Tlenon okichiujkej David iuan Abisai ijkuak Saúl kochiya kampa nokauaj isoldados?
2.¿Tlenon David kitlajtoltia Saúl?
3.¿Kanon yauj David sakin ijkuak yotlajto iuan Saúl?
4.¿Tleka najmana David niman kijkuiloua se kualtsin tlakuikajli?
5.¿Kech xiuitl kipiya David ijkuak peua tekiuajti itech Hebrón, niman kenon intoka sekimej ikoneuan?
6.Sakin, ¿kanon tekiuajti David?
Okseki tlajtoltilistin:
1.Xpoua 1 Samuel 26:1-25.
a)Ipan 1 Samuel 26:11, ¿kenon nesi tlanemiliaya David itech akin Jehová kitlalia matlayekana? (Sal. 37:7; Rom. 13:2).
b)Tla tochikauaj tikteititiaj tlasojtlalistli niman xtechtlasojkamachiliaj, ¿kenon uelis techpaleuis itlajtoluan David tlen uajlauej ipan 1 Samuel 26:23 kuajli matikpiyakan totlanemilil? (1 Rey. 8:32; Sal. 18:20).
2.Xpoua 2 Samuel 1:26.
Akin kichiuaj ken Cristo, ¿kenon uelis ‘notlasojtlaskej se iuan oksekimej’ ken David iuan Jonatán? (1 Ped. 4:8; Col. 3:14; 1 Juan 4:12).
3.Xpoua 2 Samuel 5:1-10.
a)¿Kech xiuitl David otekiuajtik ipan Hebrón niman ipan Jerusalén, niman kech otekiuajtik ika nochi? (2 Sam. 5:4, 5).
b)¿Tleka ouel onoueyili David, niman tlenon techtlalnamiktia ipan yejuin tonaltin? (2 Sam. 5:10; 1 Sam. 16:13; 1 Cor. 1:31; Fili. 4:13).
Onka tlajyouilistli ichan David
1.Ika itlapaleuilis Jehová, ¿tlenon ipan nochiua Canaán?
2.¿Tlenon panoua ijkuak David nemi ikuatipan ikal?
3.¿Tleka David melak kikualania Jehová?
4.¿Akinon yejon tlakatl tlen nesi ipan tlaixkopinajli akin Jehová kititlani makinojnotsati David itech itlajtlakoluan, niman tlenon kijtoua ipan nochiuas David?
5.¿Tlenon tlajyouilistin kipiya David?
6.Ijkuak David miki, ¿akinon tekiuajti ipan Israel?
Okseki tlajtoltilistin:
1.Xpoua 2 Samuel 11:1-27.
a)¿Kenon techpaleuiya tla melak titekitij itech tlen Jehová kineki?
b)¿Kenon David okiyoltilan kichiuas se tlajtlakojli, niman kenon techpaleuiya akin tiktekichiuiliaj Jehová ipan yejuin tonajli, ijkuak tikitaj tlen ipan onochiuj David? (2 Sam. 11:2; Mat. 5:27-29; 1 Cor. 10:12; Sant. 1:14, 15).
2.Xpoua 2 Samuel 12:1-18.
a)¿Tlenon uelij tlayekankej niman tajtin, itech kenon Natán okinojnots David? (2 Sam. 12:1-4; Pro. 12:18; Mat. 13:34).
b)¿Tleka Jehová okikneli David? (2 Sam. 12:13; Sal. 32:5; 2 Cor. 7:9, 10).
Tekiuaj Salomón tlamachilise
1.¿Tlenon Jehová kitlajtoltia Salomón, niman kenon kinankilia?
2.Pampa Jehová kuelkaki tlen kitlajtlani Salomón, ¿tlenon kijlia kimakas?
3.¿Tlen tlauejli kipiyaj omemej siuamej akin yauej itech Salomón?
4.Ken nesi ipan tlaixkopinajli, ¿kenon Salomón kiyektlalia tlauejli?
5.¿Kenon onenkej israelitas ijkuak otlayekan Salomón, niman tleka?
Okseki tlajtoltilistin:
1.Xpoua 1 Reyes 3:3-28.
a)¿Kenon kinpaleuiya itlajtoluan Salomón, tlen ijkuiliujtika ipan 1 Reyes 3:7 nochimej tlakamej akin kiseliaj tekitl ipan ikalpan toTajtsin? (Sal. 119:105; Pro. 3:5, 6).
b)¿Tleka tlen okitlajtlan Salomón ipan iteoyouj, techpaleuiya matikmatikan tlenon noneki matiktlajtlanikan ipan toteoyouan? (1 Rey. 3:9, 11; Pro. 30:8, 9; 1 Juan 5:14).
c)Ijkuak Salomón okiyektlali tlauejli itech omemej siuamej, ¿tlenon uelis tikchiaskej ijkuak tlayekanas Ueyixtika Salomón, Jesucristo? (1 Rey. 3:28; Isa. 9:6, 7; 11:2-4).
2.Xpoua 1 Reyes 4:29-34.
a)Itech tlen okitlajtlan Salomón, ¿tlenon okimakak Jehová? (1 Rey. 4:29).
b)Pampa tlaltikpakchanejkej onochikaujkej kikakiskej itlamachilis Salomón, ¿kenon kipiya ika tomachtiskej iTlajtol toTajtsin? (1 Rey. 4:29, 34; Juan 17:3; 2 Tim. 3:16).
Salomón kichijchiua teopan
1.¿Kech uejkaui Salomón ijkuak kichijchiuilia iteopan Jehová, niman tleka melak patioj?
2.¿Kech cuartos kipiya teopan, niman tlenon notlalia ipan cuarto tlen onka tlaxomolko?
3.Ijkuak tlamij kichijchiuaj teopan, ¿tlenon kijtoua Salomón ipan iteoyouj?
4.¿Kenon kiteititia Jehová ika kuelkaki iteoyouj Salomón?
5.Sakin, ¿tlenon kichiuaj isiuauan Salomón, niman tlenon ipan panoua?
6.¿Tleka Jehová kualani iuan Salomón, niman tlenon kijlia?
Okseki tlajtoltilistin:
1.Xpoua 1 Crónicas 28:9, 10.
Ijkuak tikitaj itlajtoluan David tlen uajlauj ipan 1 Crónicas 28:9, 10, ¿tlenon noneki tikchiuaskej nochipa ipan tonemilis? (Sal. 19:14; Fili. 4:8, 9).
2.Xpoua 2 Crónicas 6:12-21, 32-42.
a)¿Kenon okiteititi Salomón ika nion se kajli tlen kichijchiua se tlakatl, xonaki ompa toTajtsin akin Ueyixtika? (2 Cró. 6:18; Hech. 17:24, 25).
b)¿Tlenon techmachtia itech Jehová, itlajtoluan Salomón ipan 2 Crónicas 6:32, 33? (Hech. 10:34, 35; Gál. 2:6).
3.Xpoua 2 Crónicas 7:1-5.
Ijkon ken israelitas okiueyichiujkej Jehová ijkuak okitakej iueyilis, ¿tlenon noneki matikchiuakan ijkuak tikitaj ika Jehová kiteochiujtika ikalpan? (2 Cró. 7:3; Sal. 22:22; 34:1; 96:2).
4.Xpoua 1 Reyes 11:9-13.
¿Kenon techititia inemilis Salomón ika melak noneki matiyolmelaujkanemikan nochipa? (1 Rey. 11:4, 9; Mat. 10:22; Apo. 2:10).
Tekiuajyotl notlajkoxeloua
1.¿Akinomej yejon tlakamej akin nesij ipan tlaixkopinajli, niman kenon intoka?
2.¿Tlenon kichiua Ahíya ika itlaken, niman tlenon kijtosneki yejuin?
3.¿Tlenon Salomón kineki kichiuilis Jeroboán?
4.¿Tleka majtlaktli uejueyimej familias kitlaliaj Jeroboán kentla intekiuaj?
5.¿Tleka Jeroboán kichijchiua ome uakaxkonetl ika oro, niman tlenon nimantsin panoua?
6.¿Tlenon inpan nochiua ome uejueyimej familias niman iteopan Jehová tlen onka ipan Jerusalén?
Okseki tlajtoltilistin:
1.Xpoua 1 Reyes 11:26-43.
¿Kenon katka Jeroboán, niman tlenon Jehová okijli kichiuas tla kitlakamati Itlanauatiluan? (1 Rey. 11:28, 38).
2.Xpoua 1 Reyes 12:1-33.
a)¿Tlenon uelij tajtin niman tlayekankej ipan tlanechikojli, itech Rehoboam ijkuak xkuajli kitekitiltiaj intlanauatijkayo? (1 Rey. 12:13; Ecl. 7:7; 1 Ped. 5:2, 3).
b)¿Akinon itech yaskej telpokamej niman ijkon kinpaleuiskej makitlapejpenikan tlen kichiuaskej ipan innemilis? (1 Rey. 12:6, 7; Pro. 1:8, 9; 2 Tim. 3:16, 17; Heb. 13:7).
c)¿Tleka Jeroboán ojkan okitlali kampa kinueyichiuaskej uakaxkokonej, niman kenon okiteititi yejuin ika xotlaneltokak itech Jehová? (1 Rey. 11:37; 12:26-28).
d)¿Akinon okinyekan majtlaktli uejueyimej familias, ijkuak xok okichiujkej tlen toTajtsin kinekiya? (1 Rey. 12:32, 33).
Jezabel xkuajli iyojlo
1.¿Akinon katka Jezabel?
2.¿Tleka najmana tekiuaj Acab?
3.¿Tlenon kichiua Jezabel niman ijkon kimaka iueuentsin Acab itlal Nabot kampa kitoka uvas?
4.¿Akinon kititlani Jehová makitlajyouiltiti Jezabel?
5.Ken tikita ipan tlaixkopinajli, ¿tlenon panoua ijkuak Jehú ajsi ichan Jezabel?
Okseki tlajtoltilistin:
1.Xpoua 1 Reyes 16:29-33 niman 18:3, 4.
¿Tlenon xkuajli nochiua ipan Israel ijkuak tekiuajti Acab? (1 Rey. 16:33).
2.Xpoua 1 Reyes 21:1-16.
a)¿Kenon okiteititi Nabot ika oyolmelaujkanen itech Jehová niman ika yolchikauak katka? (1 Rey. 21:1-3; Lev. 25:23-28).
b)¿Tlenon techititia ineskayo Acab, itech kenon titlanemiliskej ijkuak xijkon panoua ken tiknemiliaj? (1 Rey. 21:4; Rom. 5:3-5).
3.Xpoua 2 Reyes 9:30-37.
¿Tlenon tiuelij itech kenon Jehú okichiuj tlen Jehová kinekiya? (2 Rey. 9:4-10; 2 Cor. 9:1, 2; 2 Tim. 4:2).
Jehosafat tlaneltoka itech Jehová
1.¿Akinon katka Jehosafat, niman kemanon onen?
2.¿Tleka nomojtiaj israelitas, niman tlenon kichiuaj miyekej?
3.¿Kenon kinankilia Jehová iteoyouj Jehosafat?
4.¿Tlenon kichiua Jehová ijkuak xpeuaya guerra?
5.¿Tlenon tiuelij itech Jehosafat?
Okseki tlajtoltilistin:
1.Xpoua 2 Crónicas 20:1-30.
a)¿Kenon okiteititi Jehosafat itech tlen noneki makichiuakan itekipanojkauan toTajtsin ijkuak itlaj kixnamikij? (2 Cró. 20:12; Sal. 25:15; 62:1).
b)Pampa Jehová nochipa kitekitiltia tlen ika kinotsa ikalpan, ¿tlenon kitekitiltia ipan yejuin tonaltin? (2 Cró. 20:14, 15; Mat. 24:45-47; Juan 15:15).
c)Ijkuak peuas “iueyitonal Dios”, ¿tlenon noijki tikchiuaskej ken okichiuj Jehosafat? (2 Cró. 20:15, 17; 32:8; Apo. 16:14, 16).
d)Ijkon ken levitas, ¿kenon tlapaleuiyaj precursores iuan misioneros ipan tlanojnotsalistli? (2 Cró. 20:19, 21; Rom. 10:13-15; 2 Tim. 4:2).
Omemej telpokatsitsintin yoliuij
1.¿Akinomej yejon yeyimej akin nesij ipan tlaixkopinajli, niman tlenon ipan nochiua telpokatsin?
2.¿Tlenon kitlajtlani Elías ipan teoyotl ipampa telpokatsin, niman tlenon panoua?
3.¿Kenon itoka itlapaleuijkauj Elías?
4.¿Tleka kijliaj Eliseo mauiya ichan se siuatl akin chanti Sunem?
5.¿Tlenon kichiua Eliseo, niman tlenon ipan nochiua yejon telpokatsin akin yomik?
6.Itech tlen okichiujkej Elías niman Eliseo, ¿tlenon techmachtia itech ikojtilis Jehová?
Okseki tlajtoltilistin:
1.Xpoua 1 Reyes 17:8-24.
a)¿Kenon okitlatlatakej itetlakamatilis niman itlaneltokilis Elías? (1 Rey. 17:9; 19:1-4, 10).
b)¿Tleka melak nomojkaita itlaneltokil siuakauajli akin chanti Sarepta? (1 Rey. 17:12-16; Luc. 4:25, 26).
c)Itech tlen okijto Jesús ipan Mateo 10:41, 42, ¿kenon nesi ika yemelak tlen ipan onochiuj siuakauajli akin chanti Sarepta? (1 Rey. 17:10-12, 17, 23, 24).
2.Xpoua 2 Reyes 4:8-37.
a)¿Tlenon techmachtia tlen okichiuj siuatl chanej Sunem, itech kenon titeseliskej? (2 Rey. 4:8; Luc. 6:38; Rom. 12:13; 1 Juan 3:17).
b)¿Tlenon kuajli uelis tikchiuaskej iuan nochimej akin kitekipanouaj toTajtsin ipan yejuin tonajli? (Hech. 20:35; 28:1, 2; Gál. 6:9, 10; Heb. 6:10).
Ichpochtsintli kipaleuiya se ueyixtika tlakatl
1.Ipan tlaixkopinajli, ¿tlenon kijlitika ichpochtsintli yejuin siuatl?
2.¿Akinon yejuin siuatl akin nesi ipan tlaixkopinajli, niman tleka nemi ichpochtsintli ichan?
3.¿Tlenon Eliseo okinauati itlapaleuijkauj makijliti Naamán, niman tleka kualani Naamán?
4.¿Tlenon panoua ijkuak Naamán kinkaki itlapaleuijkauan?
5.¿Tleka Eliseo xkiselilia itetlayokolil Naamán, san ika, tlenon kichiua Guehazí?
6.¿Tlenon ipan nochiua Guehazí niman tlenon techmachtia itech tlen ipan onochiuj?
Okseki tlajtoltilistin:
1.Xpoua 2 Reyes 5:1-27.
a)¿Kenon uelis kinyolchikauas telpokamej, ineskayo ichpochtsintli israelita? (2 Rey. 5:3; Sal. 8:2; 148:12, 13).
b)¿Tleka melak kuajli matikilnamikikan Naamán, ijkuak techtlajtolpaleuiskej ika Biblia? (2 Rey. 5:15; Heb. 12:5, 6; Sant. 4:6).
c)¿Tlenon tiuelij itech tlen okichiuj Eliseo niman itech tlen okichiuj Guehazí? (2 Rey. 5:9, 10, 14-16, 20; Mat. 10:8; Hech. 5:1-5; 2 Cor. 2:17).
Jonás niman ueyi michin
1.¿Akinon katka Jonás, niman tlenon kinauatia Jehová makichiua?
2.Pampa xkineki yas kampa kititlani Jehová, ¿tlenon kichiua Jonás?
3.¿Tlenon Jonás kimijlia makichiuakan akin tekitij ipan barco, niman ijkon manotelti ajakakiyaujtli?
4.Ken nesi ipan tlaixkopinajli, ¿tlenon panoua ijkuak Jonás kontlajkalij ipan atl?
5.¿Kech uejkaui Jonás ijtik ueyi michin, niman tlenon kichiua ijkuak ompa nemi?
6.¿Kanon yauj Jonás ijkuak kisa itech ueyi michin, niman tlenon techmachtia yejuin?
Okseki tlajtoltilistin:
1.Xpoua Jonás 1:1-17.
¿Tlenon kimachiliaya Jonás ijkuak okititlankej makinnojnotsati ninivitas? (Jon. 1:2, 3; Pro. 3:7; Ecl. 8:12).
2.Xpoua Jonás 2:1, 2, 10.
Itech tlen ipan onochiuj Jonás, ¿tleka uelis tikneltokaskej ika Jehová kinankilis toteoyouan? (Sal. 22:24; 34:6; 1 Juan 5:14).
3.Xpoua Jonás 3:1-10.
a)¿Kenon techyolchikaua ijkuak tikmatij ika Jehová okimakak Jonás okseki tekitl maski kachtopa xokitlakamat? (Sal. 103:14; 1 Ped. 5:10).
b)Pampa Jonás xkuajli tlanemiliaya itech ninivitas, ¿kenon noneki tikimitaskej akin tikinnojnotsaj? (Jon. 3:6-9; Ecl. 11:6; Hech. 13:48).
ToTajtsin kijtoua ika tlaltikpaktli kikuepas xochitlalpan
1.¿Akinon katka Isaías, kemanon onen, niman tlenon Jehová okititi Isaías?
2.¿Tlenon kijtosneki tlajtojli xochitlalpan, niman tlenon techtlalnamiktia?
3.¿Tlenon Jehová okijli Isaías makijkuilo itech yenkuik Xochitlalpan?
4.¿Tleka Adán iuan Eva okinkixtijkej kampa melak kualtsin chantiyaj?
5.¿Tlenon kijtoua Jehová kinmakas akin kitlasojtlaj?
Okseki tlajtoltilistin:
1.Xpoua Isaías 11:6-9.
a)¿Tlenon kijtoua iTlajtol toTajtsin itech kenon nemiskej tlaltikpakchanejkej iuan yolkamej ipan yenkuik tlaltikpaktli? (Sal. 148:10, 13; Isa. 65:25; Eze. 34:25).
b)¿Kenon nochiujtika ipan ikalpan toTajtsin tlen okijkuilo Isaías? (Rom. 12:2; Efe. 4:23, 24).
c)¿Akinon noneki matikueyichiuakan pampa tlaltikpakchanejkej aman kipatlatokej intlanemililuan niman ipan yenkuik tlaltikpaktli noijki kichiuaskej? (Isa. 48:17, 18; Gál. 5:22, 23; Fili. 4:7).
2.Xpoua Apocalipsis 21:3, 4.
a)¿Kenon kijtoua Biblia, ika ijkuak tlajtoua itech toTajtsin nemis imiuan tlaltikpakchanejkej, xkijtosneki tla yemelak yejua nemis ipan tlaltikpaktli? (Lev. 26:11, 12; 2 Cró. 6:18; Isa. 66:1; Apo. 21:2, 3, 22-24).
b)¿Tlenon kijtosneki ijkuak Biblia kijtoua ika popoliuis chokistli niman tlajyouilistli? (Luc. 8:49-52; Rom. 8:21, 22; Apo. 21:4).
ToTajtsin kipaleuiya Ezequías
1.¿Akinon yejon tlakatl akin nesi ipan tlaixkopinajli, niman tleka kipiya tlauejli?
2.¿Tlen amatlajkuiloltin okitlalili Ezequías ixpan toTajtsin, niman tlenon kitlajtlani ipan se teoyotl?
3.¿Kenon katka Ezequías niman tlenon Jehová okijli ika iteotlajtokauj Isaías?
4.Ken nesi ipan tlaixkopinajli, ¿tlenon iiluikaktekitkauj Jehová kinchiuilia asirios?
5.Maski tekiuajyotl itech ome uejueyimej familias israelitas nemij ika inyojlo, ¿tlenon panoua ijkuak miki Ezequías?
Okseki tlajtoltilistin:
1.Xpoua 2 Reyes 18:1-36.
a)¿Kenon kiyejyekoua Rabsaqué, maka sa matlaneltokakan israelitas? (2 Rey. 18:19, 21; Éxo. 5:2; Sal. 64:3).
b)¿Kenon iteixpantijkauan Jehová kixkopinaj ineskayo Ezequías ijkuak kintlaueltokaj? (2 Rey. 18:36; Sal. 39:1; Pro. 26:4; 2 Tim. 2:24).
2.Xpoua 2 Reyes 19:1-37.
a)Ijkuak onka tlajyouilistli, ¿kenon ikalpan Jehová ipan yejuin tonajli kichiua ken Ezequías? (2 Rey. 19:1, 2; Pro. 3:5, 6; Heb. 10:24, 25; Sant. 5:14, 15).
b)¿Kenon yexpa okitlankej tekiuaj Senaquerib, niman akinon noijki ipan nochiuas ika tlayekapan? (2 Rey. 19:32, 35, 37; Apo. 20:2, 3).
3.Xpoua 2 Reyes 21:1-6, 16.
Itech akin xkuajli otekiuajtikej ipan Jerusalén, ¿tleka uelis tikijtoskej ika Manasés se akin melak xkuajli otekiuajtik? (2 Cró. 33:4-6, 9).
Sa se kuajli tekiuaj ipan Israel
1.¿Kech xiuitl kipiya Josías ijkuak kitlaliaj kentla tekiuaj, niman tlenon peua kichiua ijkuak yotekiuajtika chikome xiuitl?
2.¿Tlenon kichiujtika Josías ipan kachtopa tlaixkopinajli?
3.¿Tlenon kinextia ueyi teopixki ijkuak kiyektlalijtoyaj teopan?
4.¿Tleka notlakenkojkotona Josías?
5.¿Tlenon Jehová okijli se siuatl teotlajtoketl akin itoka Huldá, makijliti Josías?
Okseki tlajtoltilistin:
1.Xpoua 2 Crónicas 34:1-28.
a)¿Kenon Josías se kuajli neskayotl intech akin otlajyouijkej ijkuak kokonej katkaj? (2 Cró. 33:21-25; 34:1, 2; Sal. 27:10).
b)¿Tlenon okichiuj Josías niman ijkon opeuj noueyichiua toTajtsin ken noneki, ijkuak yejua kuikaya chikueyi xiuitl, doce niman dieciocho xiuitl ika tekiuajtitoya? (2 Cró. 34:3, 8).
c)¿Tlenon tiuelij itech tekiuaj Josías niman ueyi teopixki Hilquías ika noneki matitlayektlalikan kampa tikueyichiuaj toTajtsin? (2 Cró. 34:9-13; Pro. 11:14; 1 Cor. 10:31).
Se tlakatl akin xnomojtia
1.¿Akinon yejon telpochtli akin nesi ipan tlaixkopinajli?
2.¿Tlenon kinemilia Jeremías ijkuak okijlikej manokuepa teotlajtoketl, niman tlenon okijli Jehová?
3.¿Tlenon kimijliaya Jeremías nochimej israelitas?
4.¿Kenon kiyejyekouaj teopixkej kiteltiskej Jeremías, niman kenon yejua teititia ika xnomojtia?
5.¿Tlenon inpan nochiua israelitas pampa xonoyolpatlakej?
Okseki tlajtoltilistin:
1.Xpoua Jeremías 1:1-8.
a)Ken otikitakej itech Jeremías, ¿tlenon noneki niman ijkon tikchiuaskej itekiyo Jehová? (2 Cor. 3:5, 6).
b)¿Kenon kinyolchikaua telpokamej akin kichiuaj ken Cristo, ijkuak kitaj ineskayo Jeremías? (Ecl. 12:1; 1 Tim. 4:12).
2.Xpoua Jeremías 10:1-5.
¿Tlen neskayotl kitekitiltia Jeremías, tlen ika kiteititia ika xkipiyaj intlamachilis akin tlaneltokaj itech tajtsitsintin? (Jer. 10:5; Isa. 46:7; Hab. 2:19).
3.Xpoua Jeremías 26:1-16.
a)Ijkuak tenojnotsaj itech tlen nochiuas ika tlayekapan, ¿kenon tetlakamatij akin tlamachiaj yaskej iluikak, itlanauatil Jehová tlen okimakak Jeremías ijkuak okijli ‘maka makikixti nion se tlajtojli’? (Jer. 26:2; Deu. 4:2; Hech. 20:27).
b)¿Kenon okintlalili Jeremías se kuajli neskayotl iteixpantijkauan Jehová, ijkuak tenojnotsaj ipan nochi tlaltikpaktli itech tlen Jehová kichiuas? (Jer. 26:8, 12, 14, 15; 2 Tim. 4:1-5, NM).
4.Xpoua 2 Reyes 24:1-17.
¿Tlenon ipan onochiuj Judá, pampa xoyolmelaujkanen itech Jehová? (2 Rey. 24:2-4, 14).
Nauimej telpokamej nemij Babilonia
1.¿Akinomej yejon nauimej telpokamej akin nesij ipan tlaixkopinajli, niman tleka nemij Babilonia?
2.¿Tlenon kineki kichiuas Nabucodonosor ika yejon nauimej telpokamej, niman tlenon kinnauatia itlapaleuijkauan?
3.¿Tlenon kitlajtlani Daniel niman yeyimej telpokamej akin iuan nouika, ijkuak kintekiuiltiaj tlen kikuaskej niman tlen koniskej?
4.Ijkuak majtlaktli tonajli yokikuajkej kijli, ¿kenon nesij Daniel niman yeyimej telpokamej akin iuan nouika, ijkuak kimixtlalouaj imiuan oksekimej telpokamej?
5.¿Tleka kinuikaj Daniel niman yeyimej telpokamej akin iuan nouika kampa nemi tekiuaj, niman tleka xijkon katkaj ken teopixkej iuan tlamachilisejkej akin kinpiaya tekiuaj?
Okseki tlajtoltilistin:
1.Xpoua Daniel 1:1-21.
a)¿Tlenon noneki tikchiuaskej niman ijkon tikxikoskej tlatlatalistli iuan xtikchiuaskej tlen tiknekij? (Dan. 1:8; Gén. 39:7, 10; Gál. 6:9).
b)¿Kenon uelis kintlatlataskej noso kinchiualtiskej telpokamej, makichiuakan tlen oksekimej kinemiliaj kentla “uelik”? (Dan. 1:8; Pro. 20:1; 2 Cor. 6:17-7:1).
c)¿Kenon techpaleuiya tlen inpan onochiuj nauimej telpokamej Hebreos, ijkuak tikselis tlaixmatilistli ipan kaltlamachtijli? (Dan. 1:20; Isa. 54:13; 1 Cor. 3:18-20).
Kixoxotoniaj Jerusalén
1.Ken nesi ipan tlaixkopinajli, ¿tlenon inpan onochiuj israelitas niman Jerusalén?
2.¿Akinon katka Ezequiel, niman tlenon melak temomojti kititia Jehová?
3.Pampa israelitas xkitlakaitaj Jehová, ¿tlenon kijtoua kichiuas?
4.¿Tlenon kichiua tekiuaj Nabucodonosor sakin ijkuak israelitas xkitlakamatij?
5.¿Tleka Jehová kinkauilia makinpopolokan israelitas?
6.¿Tleka ipan Israel xok yakaj nokaua, niman kech xiuitl ijkon panoua?
Okseki tlajtoltilistin:
1.Xpoua 2 Reyes 25:1-26.
a)¿Akinon katka Sedequías, tlenon ipan onochiuj, niman tlenon teotlajtojli onochiuj? (2 Rey. 25:5-7; Eze. 12:13-15).
b)¿Akinon okitlajtlakolti Jehová ika israelitas xoyolmelaujkanenkej? (2 Rey. 25:9, 11, 12, 18, 19; 2 Cró. 36:14, 17).
2.Xpoua Ezequiel 8:1-18.
Ken israelitas akin kiueyichiuayaj Tonajli, ¿kenon kixkopinaj akin kijtouaj kichiuaj ken Cristo? (Eze. 8:16; Isa. 5:20, 21; Juan 3:19-21; 2 Tim. 4:3).
Xtlaj okichiuj manotlakuanketsakan
1.¿Tlenon tlanauatia Nabucodonosor, intekiuaj babilonios?
2.¿Tleka akin imiuan nouika Daniel xnotlakuanketsaj ixpan tlen tlamachijchiujtli ika oro?
3.Ijkuak Nabucodonosor oksejpa kimijlia telpokamej manotlakuanketsakan, ¿kenon teititiaj ika tlaneltokaj itech Jehová?
4.¿Tlenon Nabucodonosor kinnauatia isoldados makinchiuilikan Sadrac, Mesac niman Abednego?
5.¿Tlenon kita Nabucodonosor ijkuak ontlachia ijtik horno?
6.¿Tleka tekiuaj kiueyichiua inTajtsin Sadrac, Mesac iuan Abednego, niman tlenon techmachtia tlen okichiujkej?
Okseki tlajtoltilistin:
1.Xpoua Daniel 3:1-30.
a)Ijkuak itlaj tikixnamikiskej ken yejuin yeyimej telpokamej, ¿tlenon tinochimej akin tiktekichiuiliaj toTajtsin noneki tikchiuaskej, niman ijkon tiyolmelaujkanemiskej? (Dan. 3:17, 18; Mat. 10:28; Rom. 14:7, 8).
b)¿Tlenon toTajtsin Jehová okimachti Nabucodonosor? (Dan. 3:28, 29; 4:34, 35).
Tlajkuilojli ipan tepantli
1.¿Tlenon panoua ijkuak intekiuaj babilonios kichiua se ueyi iluitl niman kintekitiltia copas iuan tazones tlen okinuajkixtijteuj ipan iteopan Jehová ne Jerusalén?
2.¿Tlenon Belsasar kimijlia tlamachilisejkej akin tekitij itech, san ika, tlenon xuelij kichiuaj?
3.¿Tlenon inan Belsasar kitlajtlanilia?
4.Itech tlen Daniel kasikamachiltia tekiuaj, ¿tleka toTajtsin okichiuj ika se matli matlajkuilo ipan tepantli?
5.¿Tlenon kijtoua Daniel kijtosnekij tlajkuiloltin tlen onka ipan tepantli?
6.¿Tlenon panoua ijkuak Daniel ok tlajtotika?
Okseki tlajtoltilistin:
1.Xpoua Daniel 5:1-31.
a)¿Tleka xijki mojkayotl tlen tikpiyaj itech toTajtsin, niman itech mojkayotl tlen okimachili Belsasar ijkuak okitak tlajkuilojli ipan tepantli? (Dan. 5:6, 7; Sal. 19:9; Rom. 8:35-39).
b)¿Kenon Daniel oteititi ueyi yolchikaualistli ijkuak otlajto iuan Belsasar niman akin uejueyixtokej? (Dan. 5:17, 18, 22, 26-28; Hech. 4:29).
c)Itech Daniel itlaxelol ueyi makuijli, ¿kenon tikitaj iueyitlayekanalis Jehová? (Dan. 4:17, 25; 5:21).
Daniel nemi itsajlan leones
1.¿Akinon katka Darío, niman tlenon kinemilia itech Daniel?
2.¿Tlenon sekimej tlakamej nexikolejkej kinekiltiaj makichiua Darío?
3.¿Tlenon kichiua Daniel ijkuak kikaki ika onoijkuilo yenkuik tlanauatijli?
4.¿Tleka Darío melak noyolkokoua niman xueli kochi, niman tlenon kichiua uajmostla?
5.¿Tlenon Daniel kinankilia Darío?
6.¿Tlenon ipan onochiuj tlakamej xkuakualtin akin kinekiyaj kimiktiskej Daniel, niman tlenon Darío kimijkuilouilia nochiuiyan kampa tlanauatia?
Okseki tlajtoltilistin:
1.Xpoua Daniel 6:1-28.
a)Itech tlen kinemiliayaj tlakamej xkuakualtin kichiuiliskej Daniel, ¿kenon aman noijki kichiuaj akin xkinekij matenojnotsakan iteixpantijkauan Jehová? (Dan. 6:7; Sal. 94:20; Isa. 10:1; Rom. 8:31).
b)Akin tiktekichiuiliaj toTajtsin ipan yejuin tonaltin, ¿kenon noijki uelis tikchiuaskej ken Daniel ixpan “tekiuajkej”? (Dan. 6:5, 10; Rom. 13:1; Hech. 5:29).
c)¿Kenon uelis “mojmostla” tiktekichiuiliskej Jehová, ijkon ken okichiuj Daniel? (Dan. 6:16, 20; Fili. 3:16; Apo. 7:15).
Israelitas kisaj itech Babilonia
1.Ken nesi ipan tlaixkopinajli, ¿tlenon kichiujtokej israelitas?
2.¿Kenon okichiuj Ciro tlen Jehová yokijtoka panos ika iteotlajtokauj Isaías?
3.¿Tlenon Ciro kimijlia israelitas akin xok uelis nokuepaskej Jerusalén?
4.¿Tlenon Ciro kinmaka israelitas makitkikan Jerusalén?
5.¿Kech uejkauij israelitas ika ajsij Jerusalén?
6.¿Kech xiuitl yopanok ika xakaj chantiya ipan Jerusalén?
Okseki tlajtoltilistin:
1.Xpoua Isaías 44:28 niman 45:1-4.
a)¿Kenon okijto Jehová ika melauak nochiuas teotlajtojli tlen onoijto itech Ciro? (Isa. 55:10, 11; Rom. 4:17).
b)Itech tlen okijto Isaías kichiuas Ciro, ¿kenon techititia yejuin ika Jehová ueli kijtoua tlen nochiuas ika tlayekapan? (Isa. 42:9; 45:21; 46:10, 11; 2 Ped. 1:20).
2.Xpoua Esdras 1:1-11.
Tla tikchiuaj ijkon ken akin xouelkej onokuepkej Jerusalén, ¿kenon tejuamej ‘tikinpaleuiskej’ oksekimej akin uelis nosentemakaskej ipan itekiyo toTajtsin? (Esd. 1:4, 6; Rom. 12:13; Col. 4:12).
Tlaneltokaj ipan toTajtsin
1.¿Kechmej israelitas kisaj itech Babilonia niman nokuepaj Jerusalén, san ika, tlenon kinextiaj ijkuak ajsij?
2.¿Tlenon peua kichijchiuaj israelitas ijkuak ajsij, niman tlenon kichiuaj akin kintlauelitaj?
3.¿Akinomej katkaj Ageo iuan Zacarías, niman tlenon kimijliaj israelitas?
4.¿Tleka Tatenai kititlani se amatlajkuilojli ipan Babilonia, niman kenon kinankiliaj?
5.¿Tlenon kichiua Esdras ijkuak kimati ika noneki makiyektlalikan iteopan toTajtsin?
6.Ken nesi ipan tlaixkopinajli, ¿tlenon Esdras kitlajtlanilia Jehová? ¿Kenon Jehová kinankilia iteoyouj? ¿Niman tlenon techmachtia yejuin?
Okseki tlajtoltilistin:
1.Xpoua Esdras 3:1-13.
Tla tinemij kampa xonka kanon nonechikouaj iteixpantijkauan Jehová, ¿tlenon noneki nochipa tikchiuaskej? (Esd. 3:3, 6; Hech. 17:16, 17; Heb. 13:15).
2.Xpoua Esdras 4:1-7.
Itech tlen okichiuj Zorobabel, ¿kenon noijki kipiya ika totlajpiyaskej maka matiknelokan tlaneltokijli melauak iuan oksekimej tlaneltokiltin xmelajkej? (Éxo. 34:12; 1 Cor. 15:33; 2 Cor. 6:14-17).
3.Xpoua Esdras 5:1-5, 17 niman 6:1-22.
a)¿Tleka akin kintlauelitayaj israelitas xouel okinteltijkej ijkuak kichijchiujtoyaj teopan? (Esd. 5:5; Isa. 54:17).
b)Ijkon ken akin kinyekanayaj judíos okitejtemojkej itlayekanalis Jehová ijkuak okixnamijkej tlauejli, ¿kenon kinyolchikaua aman akin tlayekanaj ipan tlanechikoltin? (Esd. 6:14; Sal. 32:8; Rom. 8:31; Sant. 1:5).
4.Xpoua Esdras 8:21-23, 28-36.
Ijkuak tiknemiliskej itlaj tikchiuaskej, ¿tlenon itech tlen okichiuj Esdras uelis techpaleuis? (Esd. 8:23; Sal. 127:1; Pro. 10:22; Sant. 4:13-15).
Mardoqueo niman Ester
1.¿Akinomej katkaj Mardoqueo iuan Ester?
2.¿Tleka kineki tekiuaj Asuero kipatlas isiuauj, niman akinon kitlapejpenia?
3.¿Akinon katka Hamán niman tleka melak kualani?
4.¿Tlen tlanauatijli notemaka, niman tlenon kichiua Ester ijkuak kijliaj tlen Mardoqueo kitlajtlani?
5.¿Tlenon ipan nochiua Hamán, niman tlenon panoua iuan Mardoqueo?
6.¿Kenon makisaj israelitas itech akin kintlauelitaj?
Okseki tlajtoltilistin:
1.Xpoua Ester 2:12-18.
¿Kenon oteititi Ester ika melak kuajli ijkuak se “yolyemanki niman tenotski”? (Est. 2:15; 1 Ped. 3:1-5).
2.Xpoua Ester 4:1-17.
Ijkon ken Ester oyolmelaujkanen niman okiteititi itlasojtlalis itech Jehová, ¿tlenon aman noijki uelis tikteititiskej? (Est. 4:13, 14; Mat. 5:14-16; 24:14).
3.Xpoua Ester 7:1-6.
Ijkon ken Ester, ¿tleka kintlaueltokaj itekipanojkauan toTajtsin ipan yejuin tonaltin? (Est. 7:4; Mat. 10:16-22; 1 Ped. 2:12).
Itepanuan Jerusalén
1.¿Kenon nomachiliayaj israelitas pampa iyeualiyan Jerusalén xkinpiayaj tepantin?
2.¿Akinon katka Nehemías?
3.¿Tlen tekitl kichiua Nehemías, niman tleka se ueyi tekitl?
4.¿Tlenon kikaki Nehemías tlen kichiua manoyolkoko, niman tlenon kichiua?
5.¿Kenon Artajerjes okititi Nehemías ika yolkuajli katka?
6.Pampa Nehemías xkineki makinteltikan israelitas ijkuak kichijchiujtoyaj tepantin, ¿tlenon kichiua?
Okseki tlajtoltilistin:
1.Xpoua Nehemías 1:4-6 niman 2:1-20.
¿Kenon Nehemías okitejtemo makiyekana Jehová? (Neh. 2:4, 5; Rom. 12:12; 1 Ped. 4:7).
2.Xpoua Nehemías 3:3-5.
Itech tlen teqoítas niman akin “uejueyixtokej” okichiujkej, ¿tlenon uelij akin tlayekanaj ipan tlanechikoltin niman tlapaleuijkej noso siervos ministeriales? (Neh. 3:5, 27; 2 Tes. 3:7-10; 1 Ped. 5:5).
3.Xpoua Nehemías 4:1-23.
a)¿Tlenon okinyolchikauj israelitas maka makikajkauakan matlachijchiuakan maski melak kintlauelitayaj? (Neh. 4:6, 8, 9; Sal. 50:15; Isa. 65:13, 14).
b)¿Kenon techyolchikaua aman tlen okichiujkej israelitas?
4.Xpoua Nehemías 6:15.
Pampa itepanuan Jerusalén okiyektlalijkej ipan ome metstli, ¿kenon techititia yejuin tlen uelis nochiuas tla melak titlaneltokaj? (Sal. 56:3, 4; Mat. 17:20; 19:26).
Iluikaktekitketl konita María
1.¿Akinon yejon siuatl akin nesi ipan tlaixkopinajli?
2.¿Tlenon Gabriel kijlia María?
3.¿Kenon kijlia Gabriel ika kipiyas María se ikoneuj maski xiuan nemi se tlakatl?
4.¿Tlenon panoua ijkuak María konita Elisabet?
5.¿Tlenon kinemilia José ijkuak kimati ika María kipiyas se ikoneuj, san ika, tleka kipatla tlen kinemilia kichiuas?
Okseki tlajtoltilistin:
1.Xpoua Lucas 1:26-56.
a)Ijkuak toTajtsin okichiuj manemi iKoneuj ijtik María, ¿tleka yejua xotlakatiko ika tlajtlakojli? (Ageo 2:11-13; Lucas 1:35; Juan 6:69; Heb. 7:26; 10:5).
b)¿Kenon kiselia ueyilistli Jesús ijkuak xitlakati? (Luc. 1:41-43).
c)¿Kenon María okintlalili se kuajli neskayotl akin kitekichiuiliaj toTajtsin ijkuak kiseliaj se ueyi tekitl ipan tlanechikojli? (Luc. 1:38, 46-49; 17:10; Pro. 11:2).
2.Xpoua Mateo 1:18-25.
Maski Jesús xokitokayotijkej Emmanuel, ¿kenon okiteititi ika ijkon okichiuj tlen kijtosneki yejon tokayotl? (Mat. 1:22, 23; Juan 14:8-10; Heb. 1:1-3, NM).
Jesús tlakati kampa kintsakuaj yolkamej
1.¿Akinon yejon konetsintli akin nesi ipan tlaixkopinajli, niman kanon kitekatika María?
2.¿Tleka Jesús otlakatiko kampa kintsakuaj yolkamej?
3.¿Akinomej yejon tlakamej akin kalaktokej kampa kintsakuaj yolkamej, niman tlenon okimijli se iluikaktekitketl?
4.¿Tleka Jesús xijkon katka ken oksekimej tlakamej? Niman, ¿akinon itaj katka?
5.¿Tleka Jesús uelis notokayotis iKoneuj toTajtsin?
Okseki tlajtoltilistin:
1.Xpoua Lucas 2:1-20.
a)Pampa teotlajtojli kijtouaya kanon tlakatis Jesús, ¿kenon César Augusto otlapaleui ijkon manochiua? (Luc. 2:1-4; Miq. 5:2).
b)¿Kenon se uelis kixmatiskej ika kuajli nemi ixpan toTajtsin? (Luc. 2:14, NM; Mat. 16:24; Juan 17:3; Hech. 3:19; Heb. 11:6).
c)Tla yejon tlajpixkej chanejkej Judea okinyolpakti pampa okitakej otlakat Temakixtijketl, ¿tleka uelis tikijtoskej ika akin kitekichiuiliaj toTajtsin kipiyaj melak ueyi inpakilis xijkon ken tlajpixkej? (Luc. 2:10, 11; Efe. 3:8, 9; Apo. 11:15; 14:6).
Kitokaj se sitlalin
1.¿Akinomej tlakamej akin nesij ipan yejuin tlaixkopinajli, niman tleka se kimajpiluijtika se sitlalin petlanki?
2.¿Tleka melak kualani Herodes, niman tlenon kichiua?
3.¿Kanon kinyekana tlakamej se sitlalin petlanki, niman tleka ijkuak nokuepaj ipan inpaís yauej ipan okse ojtli?
4.¿Tlenon tlanauatia Herodes, niman tleka?
5.¿Tlenon Jehová kijlia José?
6.¿Akinon okichiuj mapetlani sitlalin, niman tleka?
Okse tlajtoltilistli:
1.Xpoua Mateo 2:1-23, NM.
¿Kech xiuitl kipiaya Jesús niman kanon chantiya ijkuak akin nomachtiaj sitlalimej okitatoj? (Mat. 2:1, 11, 16, NM).
Telpokatsin Jesús ipan teopan
1.Ipan yejuin tlaixkopinajli, ¿kech xiuitl kipiya Jesús, niman kanon nemi?
2.¿Tlenon kichiuaj José iuan ichanejkauan nochi xiujtin?
3.Ijkuak kuikayaj se tonajli ika yonejnenkaj, ¿tleka José iuan María oksejpa nokuepaj Jerusalén?
4.¿Kanon José iuan María kinextiaj Jesús, niman tleka tlamojkaitaj tlaltikpakchanejkej?
5.¿Tlenon Jesús kijlia inan María?
6.¿Kenon uelis tikchiuaskej ken Jesús ijkuak tomachtiskej itech toTajtsin?
Okseki tlajtoltilistin:
1.Xpoua Lucas 2:41-52.
a)Maski Tlanauatijli kinnauatiaya mayakan san tlakamej ipan iluimej tlen nochiuaya san sejpa ipan se xiuitl, ¿kenon José iuan María kinmaka se kuajli neskayotl tajtin ipan yejuin tonaltin? (Luc. 2:41; Deu. 16:16; 31:12; Pro. 22:6).
b)¿Tlen neskayotl kinmaka Jesús telpokamej ipan yejuin tonaltin itech kenon kintlakamatiskej intajuan? (Luc. 2:51; Deu. 5:16; Pro. 23:22; Col. 3:20).
2.Xpoua Mateo 13:53-56.
¿Akinomej nauimej ikniuan Jesús kinteneua Biblia, niman kenon sakin otekitkej omemej ipan tlanechikojli? (Mat. 13:55; Hech. 12:17; 15:6, 13; 21:18; Gál. 1:19; Sant. 1:1; Jud. 1).
Juan kiapolaktia Jesús
1.¿Akinon yejon omemej tlakamej akin nesij ipan tlaixkopinajli?
2.¿Kenon nochiua ijkuak se noapolaktia?
3.¿Akinon kinnapolaktia Juan?
4.¿Tleka Jesús kitlajtlanilia Juan makiapolakti?
5.¿Kenon kiteititia toTajtsin ika kiyolpaktia ijkuak Jesús okiapolaktijkej?
6.¿Tlenon panoua ijkuak Jesús iselti nemi cuarenta tonaltin?
7.¿Kenon intoka kachtopa inomachtijkauan Jesús, niman tlen milagro kichiua kachtopa?
Okseki tlajtoltilistin:
1.Xpoua Mateo 3:13-17.
Ijkon ken Jesús okichiuj, ¿tleka kipiya noapolaktiskej inomachtijkauan? (Sal. 40:7, 8; Mat. 28:19, 20, NM; Luc. 3:21, 22, NM).
2.Xpoua Mateo 4:1-11.
Ijkuak tikpouaj ika Jesús kixmatiya niman kuajli kitekitiltiaya iTlajtol toTajtsin, ¿kenon techyolchikaua matomachtikan Biblia mojmostla? (Mat. 4:5-7; 2 Ped. 3:17, 18; 1 Juan 4:1).
3.Xpoua Juan 1:29-51.
¿Akinon okimijli Juan Bautizante makitokakan inomachtijkauan, niman aman kenon uelis tikchiuaskej ijkon ken yejua? (Juan 1:29, 35, 36; 3:30; Mat. 23:10).
4.Xpoua Juan 2:1-12.
Itech kachtopa milagro tlen okichiuj Jesús, ¿kenon kiteititia toTajtsin ika kuelita kinmakas tlen melak kuajli Itekipanojkauan? (Juan 2:9, 10; Sal. 84:11; Sant. 1:17).
Jesús kichipaua teopan
1.¿Tleka kinemakaj yolkamej ipan teopan?
2.¿Tleka kualani Jesús?
3.Ken nesi ipan tlaixkopinajli, ¿tlenon kichiua Jesús niman tlenon kinnauatia akin kinnemakaj palomas?
4.¿Tlenon kilnamikij inomachtijkauan Jesús ijkuak kitaj tlenon kichiua?
5.¿Kanon panoua Jesús ijkuak nokuepa Galilea?
Okse tlajtoltilistli:
1.Xpoua Juan 2:13-25.
Pampa Jesús okinkixti akin tlanemakayaj ipan teopan, ¿tlenon xkipiya ika nochiuas ipan Kajli kampa nosentlaliaj iTeixpantijkauan Jehová? (Juan 2:15, 16; 1 Cor. 10:24, 31-33).
Iuan se siuatl kampa onka se pozo
1.¿Tleka onotelti Jesús kampa onka se pozo ipan Samaria, niman tlenon kijlia se siuatl akin ompa oyaj?
2.¿Tleka mojkatlachia yejon siuatl, tlenon kijlia Jesús, niman tleka?
3.¿Itech tlen atl kinemilia yejon siuatl tlajtotika Jesús, san ika, itech tlenon melauak kinojnotsa?
4.¿Tleka mojkatlachia yejon siuatl itech tlen Jesús kimatstika itech yejua, niman kenon kimati Jesús yejuin?
5.¿Tlenon tiuelij itech yejuin tlen otikitakej?
Okseki tlajtoltilistin:
1.Xpoua Juan 4:5-43.
a)Ijkon ken Jesús okichiuj, ¿kenon tikinseliskej akin sejneka noso okse tlamantik tlachiaj, ualeuaj oksekan noso tlajtouaj okse tlajtojli? (Juan 4:9; 1 Cor. 9:22; 1 Tim. 2:3, 4; Tito 2:11).
b)¿Tlen tlateochiualistin kiselia akin nochiua inomachtijkauj Jesús? (Juan 4:14; Isa. 58:11; 2 Cor. 4:16).
c)Ijkon ken samaritana melak okitlasojkamat tlen okiseli niman ika iyojlo oteijli tlen okimat, ¿tlenon tejuamej noijki tikchiuaskej? (Juan 4:7, 28; Mat. 6:33; Luc. 10:40-42).
Jesús tlamachtia ipan se tepetl
1.Ijkon ken nesi ipan tlaixkopinajli, ¿kanon tlamachtijtika Jesús, niman akinomej nemij nisiu?
2.¿Kenon intoka doce itlatitlankauan?
3.¿Itech tlen Tekiuajyotl tenojnotsa Jesús?
4.¿Tlenon Jesús kinmachtia tlaltikpakchanejkej makitlajtlanikan ipan inteoyouj?
5.¿Kenon Jesús kijtoua manouikakan tlaltikpakchanejkej iuan oksekimej?
Okseki tlajtoltilistin:
1.Xpoua Mateo 5:1-12.
¿Kenon tikteititiskej ika noneki tikpiyaskej tlamachtiltin tlen ualeua itech toTajtsin? (Mat. 5:3; Rom. 10:13-15; 1 Tim. 4:13, 15, 16).
2.Xpoua Mateo 5:21-26.
Ijkon ken nesi ipan Mateo 5:23, 24, ¿kenon kipiya touikaskej iuan tokniuan, niman ijkon uelis touikaskej iuan Jehová? (Mat. 6:14, 15; Sal. 133:1; 1 Juan 4:20).
3.Xpoua Mateo 6:1-8.
Akin kichiuaj ken Cristo, ¿tlenon xkipiya kichiuaskej ijkon ken fariseos? (Luc. 18:11, 12; 1 Cor. 4:6, 7; 2 Cor. 9:7).
4.Xpoua Mateo 6:25-34.
Ijkuak itlaj techpolos, ¿kenon otlamachti Jesús ika noneki matikneltokakan Jehová? (Éxo. 16:4; Sal. 37:25; Fili. 4:6).
5.Xpoua Mateo 7:1-11.
¿Tlenon techmachtia itlajtoluan Jesús tlen ijkuiliujtokej ipan Mateo 7:5? (Pro. 26:12; Rom. 2:1; 14:10; Sant. 4:11, 12).
Jesús kinyolitia akin yomijkaj
1.¿Akinon itaj ichpochtsintli akin nesi ipan tlaixkopinajli, niman tleka najmanayaj yejua iuan isiuauj?
2.¿Tlenon kichiua Jairo ijkuak konnextia Jesús?
3.¿Tlenon panoua ijkuak Jesús yauj ichan Jairo, niman tlenon kijliaj Jairo ipan ojtli?
4.¿Tleka akin nemij ichan Jairo kiuejuetskiliaj Jesús?
5.Ijkuak okalak Jesús kampa nemi ichpochtsintli iuan yeyimej itlatitlankauan niman Jairo iuan isiuauj, ¿tlenon kichiua Jesús?
6.¿Akinon okse yokiyoliti Jesús, niman tlenon techititia yejuin?
Okseki tlajtoltilistin:
1.Xpoua Lucas 8:40-56.
Ijkuak Jesús okipajti se siuatl akin yestemouaya, ¿kenon okiteititi ika tetlasojtla niman teiknelia? ¿Niman tlenon uelij tlayekankej ipan tlanechikojli? (Luc. 8:43, 44, 47, 48; Lev. 15:25-27; Mat. 9:12, 13; Col. 3:12-14).
2.Xpoua Lucas 7:11-17.
Itech tlen Jesús okimachili ipampa siuakauajli akin chanti Naín, ¿tleka kinyolseuia akin yomijkej inchanejkauan? (Luc. 7:13; 2 Cor. 1:3, 4; Heb. 4:15).
3.Xpoua Juan 11:17-44.
Pampa Jesús ochokak ijkuak omik akin kitlasojtlaya, ¿kenon techititia ika se uelis chokas ijkuak yakaj miki? (Juan 11:33-36, 38; 2 Sam. 18:33; 19:1-4).
Jesús miyekej kintlakualtia
1.¿Tlenon melak xkuajli ipan onochiuj Juan akin teapolaktijketl noso Bautizante, niman kenon nomachilia Jesús?
2.¿Kenon Jesús kintlakualtia tlaltikpakchanejkej akin kitokatinemij, niman kech tlakuajli nokaua?
3.¿Tleka nomojtiaj inomachtijkauan Jesús ika yeuajli, niman tlenon panoua iuan Pedro?
4.¿Kenon Jesús kintlakualtia melak miyekej tlaltikpakchanejkej ika okpa?
5.¿Tleka melak kualtsin yes ijkuak Jesús tlanauatis ipan tlaltikpaktli kentla Tekiuaj akin toTajtsin yokitlapejpeni?
Okseki tlajtoltilistin:
1.Xpoua Mateo 14:1-32.
a)Itech tlen tikitaj ipan Mateo 14:23-32, ¿kenon katka Pedro?
b)¿Kenon techititia Biblia, ika Pedro onopatlak niman sakin kinemiliaya tlen kijtouaya? (Mat. 14:27-30; Juan 18:10; 21:7; Hech. 2:14, 37-40; 1 Ped. 5:6, 10).
2.Xpoua Mateo 15:29-38.
¿Kenon okiteititi Jesús ika kitlasojkaitaya tlen toTajtsin techmaka? (Mat. 15:37; Juan 6:12; Col. 3:15).
3.Xpoua Juan 6:1-21.
Akin tikchiuaj ken Cristo, ¿kenon tikteititiskej ika noijki titlanemiliaj ken Jesús itech tekiuajkej? (Juan 6:15; Mat. 22:21; Rom. 12:2; 13:1-4).
Kintlasojtla kokonej
1.¿Tleka itlatitlankauan Jesús nokualaniaj ijkuak nokuepaj ipan ojtli?
2.¿Tleka Jesús kinotsa se telpokatsin niman kitelketsa imixpan itlatitlankauan?
3.Ijkon ken kokonej, ¿tlenon noneki kichiuaskej itlatitlankauan Jesús?
4.Ijkuak opanok seki metstin, ¿kenon Jesús teititia ika kintlasojtla kokonej?
Okseki tlajtoltilistin:
1.Xpoua Mateo 18:1-4.
¿Tleka Jesús tlamachtiaya ika neskayomej? (Mat. 13:34, 36; Mar. 4:33, 34).
2.Xpoua Mateo 19:13-15.
Ijkon ken inkualneskayouan kokonej, ¿tlenon noneki tikchiuaskej, tla tiknekij tikseliskej tlateochiualistin itech Tekiuajyotl? (Sal. 25:9; 138:6; 1 Cor. 14:20).
3.Xpoua Marcos 9:33-37.
Itech tlen Jesús okinmachti inomachtijkauan, ¿tlenon noneki kichiuaskej akin kinekij kiseliskej tekitl ipan tlanechikojli? (Mar. 9:35; Mat. 20:25, 26; Gál. 6:3; Fili. 2:5-8).
4.Xpoua Marcos 10:13-16.
¿Kenon Jesús kinseliaya tlaltikpakchanejkej, niman tlenon kinmachtia akin tlayekanaj ipan tlanechikoltin? (Mar. 6:30-34; Fili. 2:1-4; 1 Tim. 4:12).
Kenon tlamachtia Jesús
1.¿Tlenon se tlakatl kitlajtoltia Jesús, niman tleka?
2.¿Tlenon kemantika kitekitiltia Jesús tlen ika tlamachtia, niman tlenon yotiuelkej itech judíos niman samaritanos?
3.Itech neskayotl tlen okijto Jesús, ¿tlenon ipan nochiua se judío akin yauj ipan ojtli tlen kuikaya ipan ueyikalpan Jericó?
4.¿Tlenon kichiua se teopixki judío niman se levita ijkuak panouaj ipan ojtli kampa tlajkaltok yejon tlakatl?
5.Ipan tlaixkopinajli, ¿akinon kipaleuijtika judío akin okikokojkej?
6.Ijkuak Jesús tlami kimijlia neskayotl, ¿tlenon tetlajtoltia, niman kenon tlanankilia yejon tlakatl?
Okseki tlajtoltilistin:
1.Xpoua Lucas 10:25-37.
a)Maski ueliskia nimantsin tlanankiliskia, ¿kenon Jesús okipaleui se tlakatl akin kixmatiya itlanauatiluan toTajtsin, manonankili san iselti? (Luc. 10:26; Mat. 16:13-16).
b)¿Kenon Jesús kintekitiltiaya neskayomej niman ijkon kinpaleuiaya tlaltikpakchanejkej maka makinemilikan tlen xkuajli itech oksekimej? (Luc. 10:36, 37; 18:9-14; Tito 1:9).
Jesús kinpajtia kokoxkej
1.¿Tlenon kichiua Jesús ijkuak panouaya ipan nochi país?
2.¿Tlenon Jesús kimijlia itlatitlankauan ijkuak panoua kanaj yeyi xiuitl ika yonoapolakti?
3.¿Akinomej akin nesij ipan tlaixkopinajli, niman tlenon Jesús kichiuilia yejon siuatl?
4.¿Tleka kinpinaujtia tlamachtijkej ipan tlanauatijli, tlen Jesús kinnankilia?
5.Ijkuak Jesús niman itlatitlankauan nemij nisiu Jericó, ¿tlenon Jesús kinchiuilia omemej akin xtlachiaj?
6.¿Tleka Jesús kichiua milagros?
Okseki tlajtoltilistin:
1.Xpoua Mateo 15:30, 31.
Itech tlen okichiuj Jesús, ¿kenon techititia ikojtilis Jehová, niman kenon techpaleuiya matikasikamatikan tlen Jehová yokijto kichiuas ipan yenkuik tlaltikpaktli? (Sal. 37:29; Isa. 33:24).
2.Xpoua Lucas 13:10-17.
Pampa Jesús okichiuj uejueyimej milagros ipan tonajli sábado, ¿kenon techititia yejuin ika kichiuas maonia yolseuilistli ipan Mil Xiuitl ijkuak yejua tekiuajtis? (Luc. 13:10-13; Sal. 46:9; Mat. 12:8; Col. 2:16, 17; Apo. 21:1-4).
3.Xpoua Mateo 20:29-34.
Itech tlen yotikitakej, ¿kenon techititia ika Jesús nochipa kinpaleuiaya tlaltikpakchanejkej, niman tlenon tiuelij aman tejuamej? (Deu. 15:7; Sant. 2:15, 16; 1 Juan 3:17).
Jesús kalaki kentla Tekiuaj
1.Ijkuak Jesús ajsi kampa se pitentsin kalpan tlen nokaua nisiu Jerusalén, ¿tlenon kinnauatia makichiuakan inomachtijkauan?
2.Ken nesi ipan tlaixkopinajli, ¿tlenon panoua ijkuak Jesús nonisiuiya itech Jerusalén?
3.¿Tlenon kichiuaj kokonej ijkuak kitaj Jesús kinpajtijtika akin xtlachiaj niman akin sepoujtokej?
4.¿Tlenon Jesús kimijlia teopixkej akin melak kualantokej?
5.¿Kenon tejuamej noijki tikchiuaskej kentla kokonej akin okiueyitlalijkej Jesús?
6.¿Tlenon kinekij kimatiskej inomachtijkauan?
Okseki tlajtoltilistin:
1.Xpoua Mateo 21:1-17.
a)¿Kenon kalakiyaj akin kinyekanaj soldados romanos ijkuak tetlaniyaj niman kenon tlamantik noso sejneka okalak Jesús kentla tekiuaj ipan Jerusalén? (Mat. 21:4, 5; Zac. 9:9; Fili. 2:5-8, NM; Col. 2:15, NM).
b)¿Tlenon uelij telpokamej itech kokonej israelitas akin okijtokej tlen nesi ipan Salmo 118, ijkuak Jesús okalak ipan teopan? (Mat. 21:9, 15; Sal. 118:25, 26; 2 Tim. 3:15; 2 Ped. 3:18).
2.Xpoua Juan 12:12-16.
¿Tlenon kijtosneki soyamej tlen ika tlaltikpakchanejkej okiueyitlalijkej Jesús? (Juan 12:13; Fili. 2:10; Apo. 7:9, 10).
Ipan tepetl tlen itoka Olivos
1.Ipan tlaixkopinajli, ¿katlejua Jesús, niman akinomej akin iuan nemij?
2.¿Tlenon kinekiyaj teopixkej kichiuiliskej Jesús ipan teopan, niman tlenon okimijli?
3.¿Tlenon itlatitlankauan kitlajtoltiaj Jesús?
4.¿Tleka Jesús kimijlia itlatitlankauan seki tlemach tlen nochiuaskia ipan tlaltikpaktli ijkuak yejua tekiuajtis ipan iluikak?
5.¿Tlenon Jesús kijtoua kachtopa panos niman kuakon kipopolos nochi tlen xkuajli ipan tlaltikpaktli?
Okseki tlajtoltilistin:
1.Xpoua Mateo 23:1-39.
a)Maski Biblia kijtoua ika uelis tikintekitiltiskej tokayomej tlen teueyichiuaj, ¿tlenon xnoneki manotekitilti ipan tlanechikojli ijkon ken okijto Jesús ipan Mateo 23:8-11? (Hech. 26:25; Rom. 13:7; 1 Ped. 2:13, 14).
b)¿Tlenon kichiuayaj fariseos niman ijkon xkinkauiliayaj tlaltikpakchanejkej makichiuakan ken Cristo, niman kenon aman noijki kichiuaj akin tlayekanaj ipan tlaneltokiltin? (Mat. 23:13; Luc. 11:52; Juan 9:22; 12:42; 1 Tes. 2:16).
2.Xpoua Mateo 24:1-14.
a)¿Kenon kijtoua Mateo 24:13 ika noneki titlaxikoskej?
b)¿Tlenon kijtosneki tlajtojli “nochi tlamis” tlen kijtoua Mateo 24:13? (Mat. 16:27; Rom. 14:10-12; 2 Cor. 5:10).
3.Xpoua Marcos 13:3-10.
¿Tlen tlajtoltin itech Marcos 13:10 kijtoua ika melak noneki manoteijli kuajli tlajtoltin? niman ijkuak tijkakij itlajtoluan Jesús, ¿tlenon noneki matikchiuakan? (Rom. 13:11, 12; 1 Cor. 7:29-31; 2 Tim. 4:2).
Ijtik cuarto tlen onka tlakpak
1.Ken nesi ipan tlaixkopinajli, ¿tleka Jesús nemi iuan doce itlatitlankauan ijtik ueyi cuarto tlen onka tlakpak?
2.¿Akinon katka akin kistika, niman tlenon konchiuas?
3.¿Tlen tlakuajli kipeualtia Jesús ijkuak yotlankej kipanoltiaj Pascua?
4.¿Tlenon kilnamikiyaj israelitas ipan Pascua, niman tlenon kinmilnamiktia yejuin tlakuajli inomachtijkauan Jesús?
5.Ijkuak yotlankej kipanoltiaj itlakualis toTeko, ¿tlenon Jesús kimijlia inomachtijkauan, niman tlenon kichiuaj yejuamej?
Okseki tlajtoltilistin:
1.Xpoua Mateo 26:14-30.
a)¿Kenon techititia ipan Mateo 26:15 ika tlen Judas okichiuili Jesús yejua ijkon yokinemilijka?
b)¿Tlenon ome tlemach okichiuj Jesús pampa okitoyauj iyesyo? (Mat. 26:27, 28; Jer. 31:31-33; Efe. 1:7; Heb. 9:19, 20).
2.Xpoua Lucas 22:1-39.
¿Kenon Satanás okalak ipan Judas? (Luc. 22:3; Juan 13:2; Hech. 1:24, 25).
3.Xpoua Juan 13:1-20.
a)Itech tlen kijtoua ipan Juan 13:2, ¿uelis se kitlajtlakolmakas Judas itech tlen okichiuj, niman tlenon tiuelij akin tiktekichiuiliaj toTajtsin? (Gén. 4:7; 2 Cor. 2:11; Gál. 6:1; Sant. 1:13, 14).
b)¿Tlen kuajli neskayotl okitemakak Jesús? (Juan 13:14, 15; Mat. 23:11; 1 Ped. 2:21).
4.Xpoua Juan 17:1-26.
¿Tleka Jesús okitlajtlanili toTajtsin “san sekan manemikan” inomachtijkauan? (Juan 17:11, 21-23; Rom. 13:8; 14:19; Col. 3:14).
Jesús nemi ipan Getsemaní
1.¿Kanon yauej Jesús iuan itlatitlankauan ijkuak yokiskej ijtik cuarto tlen onka tlakpak, niman tlenon kimijlia Jesús makichiuakan?
2.¿Kenon Jesús kinnextia itlatitlankauan ijkuak nokuepa, niman kechpa ijkon kinnextia?
3.Ken nesi ipan tlaixkopinajli, ¿akinomej kalakij Getsemaní, niman tlenon kichiua Judas Iscariote?
4.¿Tleka Judas kipipitsoua noso kitenkua Jesús, niman tlenon kichiua Pedro?
5.¿Tlenon Jesús kijlia Pedro, san ika, tleka Jesús xkitlajtlanilia toTajtsin makinuajtitlanili iluikaktekitkej?
Okseki tlajtoltilistin:
1.Xpoua Mateo 26:36-56.
a)¿Tleka melak kuajli neskayotl kinmaka akin tlayekanaj ipan tlanechikojli, ijkuak Jesús okintlajtolpaleui inomachtijkauan? (Mat. 20:25-28; 26:40, 41; Gál. 5:17; Efe. 4:29, 31, 32).
b)Ijkon ken okichiuj Jesús, ¿tikintekitiltiskej armas ijkuak yakaj techixnamikis? (Mat. 26:52; Luc. 6:27, 28; Juan 18:36).
2.Xpoua Lucas 22:39-53.
Ijkuak se iluikaktekitketl okiyolchikauato Jesús ipan Getsemaní, ¿kijtosnekiya ika xchikauak katka itlaneltokil? Xkijto tleka ijkon titlanankilia (Luc. 22:41-43; Isa. 49:8; Mat. 4:10, 11; Heb. 5:7).
3.Xpoua Juan 18:1-12.
¿Kenon Jesús okinpaleui inomachtijkauan itech akin kitlauelitayaj, niman tlenon tiuelij? (Juan 10:11, 12; 18:1, 6-9; Heb. 13:6; Sant. 2:25).
Kimiktiaj Jesús
1.¿Akinon okichiuj makimiktikan Jesús?
2.¿Tlenon kichiuaj itlatitlankauan Jesús ijkuak tlamachtijkej itech tlanauatijli okuikakej?
3.¿Tlenon panoua ichan ueyi teopixki Caifás?
4.¿Tleka kisa Pedro niman choka?
5.Ijkuak oksejpa kuikaj Jesús itech Pilato, ¿tlenon kijtouaj ijkuak tsajtsij uejueyimej teopixkej?
6.¿Tlenon Jesús ipan nochiua viernes, ijkuak yopanok tlakualispan, niman tlenon kijlia se tlakatl akin inakastlan pilkatika?
7.¿Kanon onias xochitlalpan tlen Jesús okijto?
Okseki tlajtoltilistin:
1.Xpoua Mateo 26:57-75.
¿Kenon okiteititijkej tlayekankej ipan Sanedrín ika xkuajli katka inyojlo? (Mat. 26:59, 67, 68).
2.Xpoua Mateo 27:1-50, NM.
¿Tleka uelis tikijtoskej ika Judas xmelak onoyolkoko itech tlen okichiuj? (Mat. 27:3, 4; Mar. 3:29; 14:21; 2 Cor. 7:10, 11).
3.Xpoua Lucas 22:54-71.
¿Tlenon tiuelij ijkuak Pedro okijto ika xkixmatiya Jesús ipan yejon yeuajli ijkuak okasikej? (Luc. 22:60-62; Mat. 26:31-35; 1 Cor. 10:12).
4.Xpoua Lucas 23:1-49, NM.
¿Tlenon okichiuj Jesús, maski xkuajli tlen okichiuilijkej, niman tlenon tiuelij? (Luc. 23:33, 34; Rom. 12:17-19; 1 Ped. 2:23).
5.Xpoua Juan 18:12-40.
¿Tlenon techititia ika maski Pedro onomojti, sakin onoyolchikauj niman kuajli otekichiuj? (Juan 18:25-27; 1 Cor. 4:2; 1 Ped. 3:14, 15; 5:8, 9).
6.Xpoua Juan 19:1-30, NM.
a)¿Kenon kuajli tlanemiliaya Jesús itech tlemach tlen ika topanoltiskej? (Juan 2:1, 2, 9, 10; 19:23, 24; Mat. 6:31, 32; 8:20).
b)Ijkuak imikiskia Jesús, ¿kenon ika itlajtoluan okiteititi ika okipaleui iueyitlayekanalis Jehová? (Juan 16:33; 19:30; 2 Ped. 3:14; 1 Juan 5:4).
Jesús yoltika
1.¿Akinon siuatl akin nesi ipan tlaixkopinajli iuan akinomej omemej tlakamej, niman kanon nemij?
2.¿Tleka Pilato kinnauatia teopixkej makintitlanikan soldados makitlajpiyatij teostotl kampa onka itlalnakayo Jesús?
3.San kualkan ijkuak yopanok yeyi tonajli ika yokimiktijkaj Jesús, ¿tlenon kichiua se iluikaktekitketl, niman tlenon kichiuaj teopixkej?
4.¿Tleka mojkatlachiaj sekimej siuamej ijkuak yauej kampa teostotl?
5.¿Tleka Pedro iuan Juan yauej kampa teostotl, niman tlenon kinextiaj?
6.¿Tlenon opanok ika itlalnakayo Jesús, niman tlenon kichiua tlen ika kimititia inomachtijkauan ika yoltika?
Okseki tlajtoltilistin:
1.Xpoua Mateo 27:62-66 niman 28:1-15.
Ijkuak Jesús oyoliuj, ¿kenon otlajtlakojkej itech espíritu santo, uejueyimej teopixkej, fariseos niman tlayekankej? (Mat. 12:24, 31, 32; 28:11-15).
2.Xpoua Lucas 24:1-12.
Ken nesi itech tlen opanok ijkuak oyoliuj Jesús, ¿kenon Jehová kimatstika ika siuamej kijtouaj tlen melauak ijkuak tenojnotsaj? (Luc. 24:4, 9, 10; Mat. 28:1-7).
3.Xpoua Juan 20:1-12.
¿Kenon techpaleuiya Juan 20:8, 9 matitlamachiakan ijkuak xtikasikamatij kenon nochiuas se teotlajtojli? (Pro. 4:18; Mat. 17:22, 23; Luc. 24:5-8; Juan 16:12).
Ijtik cuarto kampa tlatsatsaujtok
1.¿Tlenon María kijlia se tlakatl akin kinemilia ika kinmatekiya xochimej, san ika, kenon kimati ika yejua Jesús?
2.¿Tlenon panoua ika omemej inomachtijkauan Jesús, ijkuak yauej kampa kalpan tlen itoka Emaús?
3.¿Tlenon panoua ijkuak omemej inomachtijkauan Jesús kimijliaj tlatitlankauan ika okitakej Jesús?
4.¿Kechpa noteititia Jesús ixpan inomachtijkauan?
5.¿Tlenon kijtoua Tomás ijkuak kikaki ika inomachtijkauan Jesús, okitakej, niman tlenon panoua ipan chikueyi tonajli?
Okseki tlajtoltilistin:
1.Xpoua Juan 20:11-29.
Itech tlen okijto ipan Juan 20:23, ¿kijtouaya Jesús ika tlaltikpakchanejkej uelis kintlapopoluiskej intlajtlakoluan oksekimej? Xkijto tleka ijkon titlanankilia (Sal. 49:2, 7; Isa. 55:7; 1 Tim. 2:5, 6; 1 Juan 2:1, 2).
2.Xpoua Lucas 24:13-43.
¿Kenon uelis tikchiuaskej ika toyojlo makiseli tlen melauak itech itlajtol toTajtsin? (Luc. 24:32, 33; Esd. 7:10; Mat. 5:3, NM; Hech. 16:14; Heb. 5:11-14).
Jesús nokuepa iluikak
1.Se tonajli ijkuak Jesús noteititia ixpan inomachtijkauan, ¿kechmej kitaj niman itech tlenon kinnojnotsa?
2.¿Tlenon iTekiuajyo toTajtsin, niman kenon chantilos ipan tlaltikpaktli ijkuak Jesús tekiuajtis mil xiuitl?
3.¿Kech tonaltin noteititia Jesús ixpan inomachtijkauan, san ika, tlenon kichiuas aman?
4.¿Tlen tlanauatijli kinmaka Jesús inomachtijkauan ijkuak sa achijtsin poliui ika yas iluikak?
5.Ipan tlaixkopinajli, ¿tlenon nochiujtika niman kenon popoliui Jesús imixpan inomachtijkauan?
Okseki tlajtoltilistin:
1.Xpoua 1 Corintios 15:3-8.
¿Tleka Pablo kuajli omelajkatlajto ika Jesús oyoliuj, niman itech tlenon melajkatlajtoskej akin kichiuaj ken Cristo ipan yejuin tonaltin? (1 Cor. 15:4, 7, 8; Isa. 2:2, 3; Mat. 24:14; 2 Tim. 3:1-5).
2.Xpoua Hechos 1:1-11.
Itech tlen ipan Hechos 1:8 onoijtoka panoskia, ¿kech ika ueyi onomoyauj ika onotenojnots? (Hech. 6:7; 9:31; 11:19-21; Col. 1:23).
Tlamachiaj ipan Jerusalén
1.Ken nesi ipan tlaixkopinajli, ¿tlenon panoua iuan inomachtijkauan Jesús akin tlamachiaj ipan Jerusalén?
2.¿Tlenon kinmojkatlachialtia akin otetlajpalokoj ipan Jerusalén?
3.¿Tlenon Pedro kintomilia tlaltikpakchanejkej?
4.¿Kenon nomachiliaj miyekej tlaltikpakchanejkej ijkuak kikakij tlen kintomilia Pedro, niman tlenon noneki kichiuaskej?
5.¿Kechmej tlaltikpakchanejkej noapolaktiaj ipan Pentecostés, xiuitl 33?
Okseki tlajtoltilistin:
1.Xpoua Hechos 2:1-47.
a)Itech tlen kijtoua Pedro ipan Hechos 2:23, 36 NM, ¿kenon tikitaj ika judíos okipixkej tlajtlakojli ika omik Jesús? (1 Tes. 2:14, 15).
b)¿Tlen kuajli neskayotl okitemakak Pedro, itech kenon tikintlanemililtiskej oksekimej ika iTlajtol toTajtsin? (Hech. 2:16, 17, 29, 31, 36, 39; Col. 4:6).
c)Pampa Jesús yokijlika Pedro ika kinmakaskia llaves tlen kitlapoua Tekiuajyotl ipan iluikak, ¿kenon okitekitilti kachtopa llave? (Hech. 2:14, 22-24, 37, 38; Mat. 16:19).
Kisaj kampa okintsaujkaj
1.¿Tlenon inpan nochiua Pedro iuan Juan ika teotlak ijkuak kalaktokej ipan teopan?
2.¿Tlenon Pedro kijlia se akin xueli nejnemi, niman tlenon Pedro kimaka tlen melak patioj xken tomin?
3.¿Tleka tlamachtijkej ipan tlanauatijli melak kualanij iuan Pedro niman Juan, niman tlenon kinchiuiliaj?
4.¿Tlenon Pedro kimijlia tlamachtijkej ipan tlanauatijli, niman tlenon kimijliaj itlatitlankauan Jesús?
5.¿Tleka tlamachtijkej ipan tlanauatijli tenexikolitaj, san ika, tlenon panoua ijkuak ika okpa kintsakuaj itlatitlankauan Jesús?
6.¿Kenon tlanankiliaj itlatitlankauan Jesús ijkuak kinuikaj ipan Sanedrín?
Okseki tlajtoltilistin:
1.Xpoua Hechos 3:1-10.
Maski aman xueli tikchiuaj milagros, ¿kenon techpaleuiya itlajtoluan Pedro tlen nesij ipan Hechos 3:6 ika matiktlasojkaitakan pampa titenojnotsaj itech iTekiuajyo toTajtsin? (Juan 17:3; 2 Cor. 5:18-20; Fili. 3:8).
2.Xpoua Hechos 4:1-31.
Ijkuak tikixnamikij tlen xkuajli kampa titenojnotsaj, ¿kenon noijki tikchiuaj ijkon ken akin opeujkej kichiuaj ken Cristo ipan kachtopa siglo? (Hech. 4:29, 31; Efe. 6:18-20; 1 Tes. 2:2).
3.Xpoua Hechos 5:17-42.
Ijkon ken yeuejkaui, ¿kenon aman sekimej akin xiteixpantijkauan Jehová tlapaleuiyaj manotenojnotsa? (Hech. 5:34-39).
Kitemojmotlaj Esteban
1.¿Akinon Esteban, niman tlenon kuajpaleuijtiuj toTajtsin makichiua?
2.¿Tlenon kijtoua Esteban, tlen kichiua melak makualanikan tlamachtijkej ipan tlanauatijli?
3.Sakin ijkuak yokitejkoyotskej Esteban niman yokikixtijkej itech ueyikalpan, ¿tlenon kichiuiliaj?
4.Ipan tlaixkopinajli, ¿akinon yejon telpochtli akin nemi inakastlan tlakentin?
5.¿Tlenon Esteban kitlajtlanilia Jehová ijkuak sa achijtsin poliui ika mikis?
6.¿Kenon noijki uelis tikchiuaskej ken Esteban ijkuak yakaj texchiuilia itlaj tlen xkuajli?
Okseki tlajtoltilistin:
1.Xpoua Hechos 6:8-15.
¿Tlenon kitekitiltiaj tlayekankej ipan tlaneltokiltin niman ijkon kinekij kiteltiskej maka matenojnotsakan iteixpantijkauan Jehová? (Hech. 6:9, 11, 13).
2.Xpoua Hechos 7:1-60.
a)¿Tlenon okipaleui Esteban matlajto ika yolchikaualistli ipan Sanedrín, niman tlenon tiuelij? (Hech. 7:51-53; Rom. 15:4; 2 Tim. 3:14-17; 1 Ped. 3:15).
b)¿Kenon noneki titlanemiliskej itech akin kixnamikij tekitl tlen toTajtsin yotechmaktili? (Hech. 7:58-60; Mat. 5:44; Luc. 23:33, 34, NM).
Ipan ojtli tlen yauj Damasco
1.¿Tlenon kichiua Saulo ijkuak yokimiktijkej Esteban?
2.¿Tlenon ipan nochiua Saulo ipan ojtli ijkuak yauj Damasco?
3.¿Tlenon Jesús kinauatia makichiua Saulo?
4.¿Tlenon Jesús kijlia makichiua Ananías, niman kenon Saulo oksejpa ueli tlachia?
5.Sakin, ¿kenon okitokayotijkej Saulo, niman tlen tekitl okichiuj?
Okseki tlajtoltilistin:
1.Xpoua Hechos 8:1-4.
Pampa okintlaueltokakej akin kichiuayaj ken Cristo, ¿kenon yejuin okichiuj manoteijli nochiuiyan kuajli tlajtoltin, niman kenon aman noijki nochiua? (Hech. 8:4; Isa. 54:17).
2.Xpoua Hechos 9:1-20.
¿Akinomej yeyi grupos Jesús kinekiya makinnojnotsa Saulo? (Hech. 9:15; 13:5; 26:1; 27:24; Rom. 11:13).
3.Xpoua Hechos 22:6-16.
¿Kenon noijki uelis tikchiuaskej ken Ananías, niman tleka noneki ijkon matikchiuakan? (Hech. 22:12; 1 Tim. 3:7; 1 Ped. 1:14-16; 2:12).
4.Xpoua Hechos 26:8-20.
Pampa Saulo opeuj kichiua ken Cristo, ¿tleka yejuin kiyolchikaua se tokniuj akin ixnamik xtlaneltoka? (Hech. 26:11; 1 Tim. 1:14-16; 2 Tim. 4:2; 1 Ped. 3:1-3).
Pedro kontlajpaloua Cornelio
1.Ken nesi ipan tlaixkopinajli, ¿akinon yejuin tlakatl akin notlakuanketsa?
2.¿Tlenon se iluikaktekitketl kijlia Cornelio?
3.¿Tlenon toTajtsin kititia Pedro ijkuak nemi tlakpak ipan ikal Simón ne Jope?
4.¿Tleka Pedro kijlia Cornelio ika maka ixpan manotlakuanketsa?
5.Ijkuak inomachtijkauan Jesús akin judíos nemij iuan Pedro, ¿tleka mojkatlachiaj?
6.¿Tlenon tiuelij ijkuak Pedro yauj kontlajpaloua Cornelio?
Okseki tlajtoltilistin:
1.Xpoua Hechos 10:1-48.
Itech tlen okijto Pedro ipan Hechos 10:42, ¿tlenon techititia itlajtoluan ijkuak titenojnotsaskej itech Tekiuajyotl? (Mat. 28:19; Mar. 13:10; Hech. 1:8).
2.Xpoua Hechos 11:1-18.
¿Tlen tlanemilijli oteititi Pedro ijkuak okitak ika Jehová nochimej kinselia maski xjudíos, niman kenon noijki uelis tikchiuaskej? (Hech. 11:17, 18; 2 Cor. 10:5; Efe. 5:17).
Timoteo itlapaleuijkauj Pablo
1.Ipan tlaixkopinajli, ¿akinon yejuin telpochtli, kanon chanti niman kenon itoka inan niman iabuela?
2.¿Kenon Timoteo kinankilia Pablo ijkuak kitlajtoltia tla kuelitaskia iuan yas niman iuan Silas ontenojnotsaskej uejka?
3.¿Kanon inomachtijkauan Jesús peuaj kintokayotiaj ken akin kichiuaj ken Cristo?
4.¿Ipan tlen uejueyimej kalpamej yauej Pablo, Silas niman Timoteo ijkuak kisaj itech Listra?
5.¿Kenon Timoteo kipaleuiya Pablo, niman tlenon noneki manotlajtoltikan telpokamej ipan yejuin tonaltin?
Okseki tlajtoltilistin:
1.Xpoua Hechos 9:19-30.
¿Kenon Pablo okiteititi tlamachilistli ijkuak okitlaueltokakej? (Hech. 9:22-25, 29, 30; Mat. 10:16).
2.Xpoua Hechos 11:19-26.
Itech tlen kijtoua ipan Hechos 11:19-21, 26, ¿kenon techititia ika iespíritu santo Jehová kinyekana akin tenojnotsaj?
3.Xpoua Hechos 13:13-16, 42-52.
Itech tlen kijtoua Hechos 13:51, 52, ¿kenon techititia ika inomachtijkauan Jesús xokikaujkej kitekichiuiliaj toTajtsin maski okintlaueltokakej? (Mat. 10:14; Hech. 18:6; 1 Ped. 4:14).
4.Xpoua Hechos 14:1-6, 19-28.
¿Kenon techpaleuiya tlajtojli ‘okomintlatlautijkej itech Jehová’ ika maka melak matotekipachokan ijkuak tikinpaleuiskej akin peuaj nomachtiaj? (Hech. 14:21-23; 20:32; Juan 6:44).
5.Xpoua Hechos 16:1-5.
Pampa Timoteo okinek makichiuilikan circuncisión, ¿kenon techititia ika noijki noneki matikchiuakan ‘nochi ipampa kuajli tlajtoltin’? (Hech. 16:3; 1 Cor. 9:23; 1 Tes. 2:8).
6.Xpoua Hechos 18:1-11, 18-22.
Itech tlen kijtoua Hechos 18:9, 10, ¿kenon nesi ika Jesús kiyekantika manotenojnotsa, niman kenon yejuin techyolseuiya aman? (Mat. 28:20).
Telpochtsintli akin okoch
1.¿Akinon yejuin telpochtsintli akin tlajkaltok ipan tlajli, niman tlenon ipan onochiuj?
2.¿Tlenon kichiua Pablo ijkuak kita ika telpochtsintli yomik?
3.¿Kanon yauej Pablo, Timoteo niman akin iuan kistinemij niman tlenon panoua ijkuak barco noteltia ipan ueyikalpan Mileto?
4.¿Tlenon teotlajtoketl Ágabo kijtoua ipan nochiuas Pablo, niman kenon nochiua tlen kijtoua teotlajtoketl?
Okseki tlajtoltilistin:
1.Xpoua Hechos 20:7-38.
a)Itech tlen kijtoua Pablo ipan Hechos 20:26, 27, ¿kenon ‘xtikpiyaskej tlajtlakojli’ ijkuak miki se tlaltikpakchane? (Eze. 33:8; Hech. 18:6, 7).
b)¿Tleka akin tlayekanaj ipan tlanechikoltin teijliskej “melajki temachtilistli” tlen kisaj ipan Biblia ijkuak tlamachtiskej? (Hech. 20:17, 29, 30; Tito 1:7-9; 2 Tim. 1:13).
2.Xpoua Hechos 26:24-32.
Pampa Pablo katka romano, ¿kenon okipaleui yejuin makichiua tlen Jesús okimaktili? (Hech. 9:15; 16:37, 38; 25:11, 12; 26:32; Luc. 21:12, 13).
Makisaj ipan atlajkotian Malta
1.¿Tlenon ipan nochiua barco kampa yauj Pablo ijkuak panoua nisiu ipan iatlajkotian Creta?
2.¿Tlenon Pablo kimijlia akin yauej ipan barco?
3.¿Tleka xoxotoni barco?
4.¿Tlenon tlanauatia soldado akin tlayekana, niman kechmej kuajli ajsij ipan playa?
5.¿Kenon itoka atlajkotian kampa ajsij, niman tlenon kichiuaj iuan Pablo ijkuak yopanok ajakakiyaujtli?
Okseki tlajtoltilistin:
1.Xpoua Hechos 27:1-44.
Pampa ipan Biblia onoijkuilo nochi tlen opanok ijkuak Pablo oyaj Roma, ¿kenon yejuin techyolchikaua matitlaneltokakan ipan tlen kijtoua Biblia? (Hech. 27:16-19, 27-32; Luc. 1:3; 2 Tim. 3:16, 17).
2.Xpoua Hechos 28:1-14.
Tla akin chantij Malta, maski xkitekichiuiliayaj toTajtsin, ‘kuajli okinselijkej’ Pablo iuan akin imiuan yaya ipan barco, ¿tlenon techititia matikchiuakan nochimej akin tikchiuaj ken Cristo, niman kenon kipiya ika tikchiuaskej? (Hech. 28:1, 2; Heb. 13:1, 2; 1 Ped. 4:9).
Pablo nemi Roma
1.¿Akinon kinojnotsa Pablo ijkuak tsaujtika ipan ueyikalpan Roma?
2.¿Akinon okitlajpaloto akin tlajkuilojtika ipan mesa, niman tlenon kichiujtika ipampa Pablo?
3.¿Akinon Epafrodito, niman tlenon kitki ijkuak nokuepa Filipos?
4.¿Tleka Pablo kontlajkuilouilia Filemón, akin iuan nouika?
5.¿Tlenon kichiua Pablo ijkuak kisa, niman tlenon ipan nochiua sakin?
6.¿Akinon kitekitiltia Jehová makimijkuilo sa seki amoxtin tlen ika ontlami Biblia, niman itech tlenon tlajtoua amoxtli Revelación noso Apocalipsis?
Okseki tlajtoltilistin:
1.Xpoua Hechos 28:16-31 niman Filipenses 1:13.
¿Kenon Pablo nochipa okitekichiuili toTajtsin maski tsaujtoya ipan ueyikalpan Roma, niman kenon yejuin okinyolchikauj akin kichiuaj ken Cristo? (Hech. 28:23, 30; Fili. 1:14).
2.Xpoua Filipenses 2:19-30.
¿Tlen kuajli tlajtoltin okijkuilo Pablo kampa okintlasojkamachili Timoteo iuan Epafrodito, niman kenon noijki uelis tikchiuaskej ken yejua? (Fili. 2:20, 22, 25, 29, 30; 1 Cor. 16:18; 1 Tes. 5:12, 13).
3.Xpoua Filemón 1-25.
a)¿Kenon Pablo okitlatlaujti Filemón makichiua tlen kuajli, niman kenon aman kinpaleuiya yejuin akin tlayekanaj ipan tlanechikojli? (File. 9; 2 Cor. 8:8; Gál. 5:13).
b)¿Kenon techititia ipan Filemón 13, 14 ika Pablo kitlakaitaya tlen kimachiliayaj oksekimej? (1 Cor. 8:7, 13; 10:31-33).
4.Xpoua 2 Timoteo 4:7-9.
Ijkon ken Pablo, ¿tleka tikmatstokej ika Jehová techteochiuas tla xkeman tijkauaj? (Mat. 24:13; Heb. 6:10).
Tlami nochi tlen xkuajli
1.¿Tleka Biblia tlajtoua itech caballos ipan iluikak?
2.¿Kenon itoka iguerra toTajtsin niman tleka nochiuas yejuin guerra?
3.Ken nesi ipan tlaixkopinajli, ¿akinon tlayekanas ipan guerra, tleka kipiya se corona, niman tlenon kijtosneki pampa kipiya se espada?
4.Itech tlen kijtoua opanok ipan historias 10, 15 niman 33, ¿tleka xtechmojkatlachialtia pampa toTajtsin kinpopolos tlaltikpakchanejkej xkuakualtin?
5.¿Kenon techititia historias 36 niman 76 ika toTajtsin kinpopolos tlaltikpakchanejkej xkuakualtin, maski kijtouaj ika kiueyichiuaj?
Okseki tlajtoltilistin:
1.Xpoua Apocalipsis 19:11-16.
a)¿Kenon kuajli techijlia iTlajtol toTajtsin, ika akin tlejkotiuj ipan caballo istak, yejua Jesucristo? (Apo. 1:5; 3:14; 19:11; Isa. 11:4).
b)Pampa itlaken Jesús kipiya yestli, ¿kenon techititia yejuin ika yejua tetlanis? (Apo. 14:18-20; 19:13).
c)Ijkuak Jesús akin uajlauj ipan caballo istak, nesi kuajtokatiuij akin iuan tlaixnamikiskej, ¿kanaj akinomej noijki teuan ompa uajlauej? (Apo. 12:7; 19:14; Mat. 25:31, 32).
Yenkuik xochitlalpan ipan tlaltikpaktli
1.¿Tlenon kijtoua Biblia onias ipan Xochitlalpan?
2.¿Kenon kijtoua Biblia chantilos ipan Xochitlalpan?
3.¿Kemanon kichiuas Jesús nochi yejuin tlen kualtsin?
4.Ijkuak Jesús onen ipan tlaltikpaktli, ¿kenon okiteititi tlen kichiuaskia, ijkuak yejua Tekiuaj yes ipan iTekiuajyo toTajtsin?
5.¿Tlenon kichiuas Jesús iuan akin imiuan uajtlayekantos iluikak?
Okseki tlajtoltilistin:
1.Xpoua Apocalipsis 5:9, 10.
¿Kenon uelis tikmatstoskej ika tekiuajkej iuan teopixkej akin tekiuajtiskej Mil Xiuitl, yejuamej teikneliskej niman teasikamatiskej? (Efe. 4:20-24; 1 Ped. 1:7; 3:8; 5:6-10).
2.Xpoua Apocalipsis 14:1-3.
¿Tlenon kijtosneki ika ipan imixkuateuj 144,000 tlaltikpakchanejkej tlajkuilolnestika itokayo Tajtli niman Borreguito? (1 Cor. 3:23; 2 Tim. 2:19; Apo. 3:12).
Kenon uelis tinemis nochipa
1.¿Tlenon noneki tomachtiskej tla tiknekij tinemiskej nochipa?
2.Ken nesi ipan tlaixkopinajli, ¿kenon uelis tomachtiskej itech toTajtsin Jehová niman itech Jesús, ijkon ken kichiujtika ichpochtsintli niman akin imiuan nouika?
3.¿Tlenon okse amoxtli nesi ipan tlaixkopinajli, niman tleka noneki tikpouaskej mojmostla?
4.Tla yotimomachti itech Jehová niman Jesús, ¿tlenon okse noneki tikchiuas niman ijkon tikselis nemilistli tlen xkeman tlamis?
5.¿Tlenon tiuelij ipan historia 69?
6.¿Tlenon tiuelij itech telpokatsin Samuel ipan historia 55?
7.¿Kenon uelis tikchiuaskej ken Jesucristo, niman tla tikchiuaj, tlenon uelis tikseliskej ika tlayekapan?
Okseki tlajtoltilistin:
1.Xpoua Juan 17:3.
¿Kenon techititia iTlajtol toTajtsin, ika maski tla tiuelis itech Jehová niman Jesucristo xkijtosneki san tiktsontekontlalis tlen timomachtia? (Mat. 7:21; Sant. 2:18-20; 1 Juan 2:17).
2.Xpoua Salmo 145:1-21.
a)¿Tlenon kichiua matikueyichiuakan Jehová? (Sal. 145:8-11; Apo. 4:11).
b)¿Kenon Jehová ‘yolkuajli imiuan nochimej’, niman kenon yejuin kichiua matiknisiuikan? (Sal. 145:9; Mat. 5:43-45).
c)Tla tiktlasojtlaj Jehová, ¿tlenon noneki tikchiuaskej? (Sal. 119:171, 172, 175; 145:11, 12, 21).