¡Uelis tiyolpakis nochipa ipan in Tlaltikpaktli!
In amatlakuilojli onochijchiuj niman ijkon mitspaleuis tikmatis akinon okichijchiuj Tlaltikpaktli niman nochi tlen onka. Tejua tikmatis ika toTajtsin akin okichijchiuj Tlaltikpaktli, kipiya itoka. Nikan noijki tikmatis tleka toTajtsin okichijchiuj tlakatl niman kenon tejua uelis tiyolpakis nochipa ipan in Tlaltikpaktli.
Nochi tlen yotikijtokej tikchiaj xkasikamati ika tlaixkopinaltin tlen nikan uajnestiuej. Xtejtemo ipan Biblia, on tlajtoltin uajnestiuej inakastla tlaixkopinaltin niman ijkon kuajli tikasikamatis. Tejua uelis ijkon, tikitas itech Biblia tlenon toTajtsin kualtsin kineki kichiuas niman tlenon toTajtsin kineki xchiua tla tikneki tikselis tlatiochiualismej.
Kichiuas tejua noijki tijkuis in amatlakuilojli ika tikiminpaleuis oksekimej. Tla tikinpiya mokoneuan, xkiminmachti itech toTajtsin ika in amatlakuilojli. Tla kampa tichanti nemij tlakamej niman siuamej akin xuelij amapoa, uelis ika tlaixkopinaltin tikiminpaleuis makasikamatikan tlen toTajtsin kineki kichiuas inpampa, niman ijkon makimpaleuikan oksekimej.
Yemelak tikchiaj ika in tlamachtijli mamitspaleui xseli miyek tlatiochiualismej, niman xkimititi oksekimej kenon ueliskej nemiskej nochipa nikan ipan in Tlaltikpaktli.