¿Akinon omitschichiuj?

1 ToTajtsin okichijchiuj iluikak niman tlaltikpaktli (Génesis 1:1).

2 ToTajtsin kipiya itoka. Itoka Jehová (Salmo 83:18).

Jehová nemi iluikak. Yejua se espíritu. Xuelis tikitaskej (Isaías 66:1; Juan 4:24; 1 Juan 4:12).

3 Ne iluikak toTajtsin Jehová okinchijchiuj miyekej ángeles noso iluikaktekitkej. Yejuamej noijki espíritus. Nochimej kuakualtin katka. Yeuejkaui, kemantika nochiuayaj ken tlakamej niman ijkon ouelke okimitakej (Hebreos 1:14).

4 Yeuejkaui, Jehová okinchijchiuj yolkamej niman sakin tlaltikpakchanejkej (Génesis 1:25).

5 Jehová noijki okichijchiuj se tlakatl itoka katka Adán niman isiuauj itoka katka Eva (Génesis 1:27).

ToTajtsin okintlali kampa kualtsin tlaxochipontok, noso xochitlalpan. San se isiuauj okichijchiuili Adán. Tlakatl nokauaskia san ika se isiuauj (Génesis 2:8, 21, 22, 24).

6 Espíritu kichiua makipiya nemilistli tlakatl (Job 33:4).

7 Noijki yejon Espíritu kichiua makipiyakan nemilistli yolkamej (Eclesiastés 3:21).