¿Tleka timikij?

8 ToTajtsin Jehová okinauati tlakatl makikualtsintili nochi tlaltikpaktli... se xochitlalpan kampa nochimej pakiskiaj (Génesis 1:28).

Tla Adán iuan Eva tetlakamatiskiaj tlaltikpakchanejkej xkeman mikiskiaj. Okiminauatijkej maka makikuakan kojtlakilyotl kampa kixmatiskiaj tlen kuajli niman tlen xkuajli (Génesis 2:15-17).

9 Se iluikaktekitketl onochiuj xkuajli niman okikuik se kouatl ika okichiuj Eva iuan Adán maka makitlakamatikan toTajtsin (Génesis 3:1-6).

10 Iluikaktekitketl akin okikajkayauj Eva itoka ‘yeuejkauj kouatl, Diablo noso Satanásʼ (Apocalipsis 12:9).

11 Pampa xotetlakamatkej Adán iuan Eva, Jehová okinkixti itech xochitlalpan (Génesis 3:23, 24).

12 Adán iuan Eva okipixkej ikoneuan, san ika nion se xnemiya ika pakilistli (Génesis 3:17, 18).

13 Kipiya ika ueuetiskiaj niman mikiskiaj, ken Jehová yokijtoka (Génesis 3:19; Romanos 5:12).

14 Kuakon omijkej ijkon ken mikij yolkamej.

Nochi tlen yoltika ipan in tlaltikpaktli miki (Salmo 146:4; Eclesiastés 3:18-20).