TLAMACHTIJLI 4

¿Kenon otlamitoj akin okitlakamatkej Satanás?

Pampa Adán iuan Eva xokitlakamatkej toTajtsin omijkej (Génesis 3:6, 23)

Eva kikua tlakilyotl tlen toTajtsin okijli maka makikua niman sakin noijki kimaka Adán

Eva okikak kouatl niman okikua tlakilyotl. Sakin okimakak Adán, niman yejua noijki okikua.

Adán niman Eva kistokej itech xochitlalpan, kampa chantiyaj

Xkuajli tlen yejuamej okichiujkej, yejuin katka se tlajtlakojli. ToTajtsin okinkixti itech xochitlalpan kampa inchan katka.

Adán niman Eva ueuentsintiaj niman mikij

Yejuamej melak otlajyouijkej iuan inkoneuan. Oueuentsintiakej niman omijkej. Yejuamej omijkej; xkanaj oksekan oyajkej.

Ijkon ken tlalpoktli xkipiya nemilistli, ijkon nemij akin yomijkej (Génesis 3:19)

Tlaltikpakchanejkej akin ualeuaj nochiuiyan niman akin onenkej ipan tlamantik noso sejneka tonaltin

Tejuamej timikij pampa tinochimej tiualeuaj itech Adán iuan Eva. Akin yomijkej xtlaj kitaj, xtlaj kikakij nion xueli itlaj kichiuaj, kentla kochtoskiaj (Juan 11:11-14).

Se ichpochtli miki niman ichanejkauan kitokatokej

Jehová xkinekiya mamikikan tlaltikpakchanejkej. Ika yejon, kinyolitis akin yomijkej. Tla yejuamej kikakij toTajtsin, nemiskej nochipa.

Pampa Adán iuan Eva xokitlakamatkej toTajtsin omijkej (Génesis 3:​6, 23)

Ijkon ken tlalpoktli xkipiya nemilistli, ijkon nemij akin yomijkej (Génesis 3:​19)

Pampa Adán iuan Eva xokitlakamatkej toTajtsin omijkej (Génesis 3:6, 23)

Ijkon ken tlalpoktli xkipiya nemilistli, ijkon nemij akin yomijkej (Génesis 3:19)