¿Kenon nemiyaj ipan xochitlalpan Edén?

ToTajtsin okinmakak Adán iuan Eva miyek tlemach tlen kuajli (Génesis 1:28)

ToTajtsin okimakak Adán se isiuauj itoka Eva, toTajtsin okichijchiuj yejuin kachtopa siuatl (Marcos 10:​6, 7).

ToTajtsin okinchijchiuilij intlanemilil niman intlalnakayo tlen xkipiaya tlajtlakojli.

Inchan katka xochitlalpan Edén, melak tlakualtsinkan kampa onkatka atentli, yolkamej niman kojtin tlen kipiayaj intlakilyo.

Jehová imiuan tlajtouaya; yejua okinmachti. Tla yejuamej kikakiskiaj niman kitlakamatiskiaj toTajtsin, uelis nemiskiaj nochipa ipan yejon xochitlalpan.

ToTajtsin okimijli maka makikuakan itlakilyo se kojtli (Génesis 2:​16, 17)

Se iluikaktekitketl okixnamik toTajtsin. Yejuin xkuajli iluikaktekitketl itoka Satanás niman Diablo.

ToTajtsin okimititi Adán iuan Eva se kojtli ipan xochitlalpan, niman okimijli ika tla yejuamej kikuaskiaj itlakilyo, mikiskiaj.

Satanás xokinek Adán iuan Eva makitlakamatikan Jehová. Kuakon okitekitilti se kouatl tlen ika okijli Eva, ika tla kikuaskia tlen toTajtsin yokimijlika maka makikuakan, xmikiskia, pampa nochiuaskia ken toTajtsin. ¡Yejon se tlakajkayaualistli katka! (Génesis 3:​1-5.)