6. Nochiuiyan notenojnotsas
“Niman yejuin kuajli tlajtoltin itech Tekiuajyotl notenojnotsas ipan nochi tlaltikpaktli” (MATEO 24:14, TNM).
● Vaiatea chanti ipan se isla tlen onka Pacífico, ipan archipiélago de Tuamotú. Onokej kanaj ochenta pipitikej islas kampa san chantij 16,000 tlaltikpakchanejkej. Maski ijkon, iteixpantijkauan Jehová okinojnotsatoj Vaiatea niman oksekimej akin noijki ompa chantij. ¿Tleka iteixpantijkauan Jehová ontenojnotsaj maski melak uejka? Pampa kinekij nochimej kimijliskej tlen kualtsin kichiuas iTekiuajyo toTajtsin ika tlayekapan.
TLEN YOPANOK. Nochiuiyan notenojnotstika. Ipan 2010 iteixpantijkauan Jehová otenojnotskej ipantsin 1,600 millones de horas ipan 236 países. Yejon yeskia kentla cada se iteixpantijkauj Jehová mojmostla tenojnotsaskia 30 minutos. Ipan majtlaktli xiuitl tlen yopanoka, okinchijchiujkej niman okintemakakej ipantsin 20,000 millones amatlajkuiloltin itech Biblia.
TLEN SEKIMEJ KIJTOUAJ. Melak yeuejkaui ika notenojnotsa.
¿YEMELAK TLEN SEKIMEJ KIJTOUAJ? Sekimej akin yokiyejyekojkej tenojnotsaskej itech Biblia, xmiyekej okinnojnotskej niman aman xok tenojnotsaj. San ika, iteixpantijkauan Jehová chikauak tenojnotsaj ipan nochi tlaltikpaktli. Niman ijkon yokichiujkej maski sekimej uejueyi tekiuajkej kinekiyaj kinteltiskej (Marcos 13:13).a Noijki, iteixpantijkauan Jehová xkitlajtlanij tomin ijkuak kintemakaj amatlajkuiloltin, ijkuak tenojnotsaj niman ijkuak temachtiaj. Nochi tekitl tlen yejuamej kichiuaj notlaxtlaua ika tomin tlen san no yejuamej kitemakaj ika inyojlo.
¿TLENON TIKNEMILIA? ¿Notenojnotsa itech iTekiuajyo toTajtsin ipan nochi tlaltikpaktli? ¿Yejuin kijtosneki ika tikseliskej itlaj tlen kualtsin ika tlayekapan?
[Footnote]
a Tla tikneki okseki tikmatis, xkimita tlamauisoltin tlen yokinchijchiujkej iteixpantijkauan Jehová: Fieles ante las pruebas, Los triángulos púrpuras niman Los testigos de Jehová se mantienen firmes ante el ataque nazi.
[Blurb]
“Hasta ijkuak toTajtsin techkauilis, tejuamej tokojtiliskej chikauak titenojnotsaskej”. (ANUARIO DE LOS TESTIGOS DE JEHOVÁ 2010)