Kenon uelis tikteijliskej tlen melauak itech Jesús ika chikaualistli

Tla tiuelij kuajli titetomiliaj tlen melauak itech Jesús, melak tiknekiskej chikauak titenojnotsaskej. Itech Jesús peujtika tlaneltokijli melauak (Efes. 2:​20). Tla xyejua, xuelis tikchiaskiaj nemilistli (Hech. 4:​12). Kuakon, melak noneki matikmatikan kenon toTajtsin kitekitiltia Jesús itech tlen kineki manochiua. Miyekej yokinkajkayaujkej ika tlaneltokijli xmelauak. Teyolkoko, ika yejuamej kanaj xkiseliskej tlateochiualistin tlen toTajtsin yokijto kinmakas akin tlaneltokaj itech Jesús. Tla melak tiknekij tikteijliskej tlen melauak, techyolmapeuas tikinpaleuiskej oksekimej akin kipiyaj kuajli inyojlo kuajli makasikamatikan itech Jesús, ken nouika iuan toTajtsin niman tlen tekitl kichiua itech tlen toTajtsin kineki. Ijkuak noilnamikis imikilis Jesús, ¿chikauak titenojnotsas tlen melauak itech Jesús?