Matiktekitiltikan amatlajkuilojli Tlen timomachtis itech iTlajtol toTajtsin ika tipeuaskej titenojnotsaskej
1. ¿Tlenon yenkuik amatlajkuilojli yotechmakakej tlen ika titenojnotsaskej?
1 Xyeuejkaui otikselijkej amatlajkuilojli Tlen timomachtis itech iTlajtol toTajtsin. Itech tlen tlajtoua kipiya seki textos, ijkon ken amoxtli Razonamiento, niman yejon uelis techpaleuis ika tipeuaskej titenojnotsaskej. ¿Kenon uelis tiktekitiltiskej ika titenojnotsaskej?
2. ¿Kenon uelis tiktekitiltiskej amatlajkuilojli Tlen timomachtis itech iTlajtol toTajtsin ijkuak titenojnotsaskej?
2 Se neskayotl, uelis tiktekitiltiskej tlajtoltilistli 8 niman tikijtoskej: “Yotitlajtokej imiuan sekimej niman yotikitakej ika miyekej notlajtoltiaj tla ‘¿toTajtsin techtlajyouiltia?’. [Miyekej yokinpaleui tla kititiaj tlajtoltilistli ipan amatlajkuilojli.] ¿Tlenon tiknemilia tejua? [Xkauili mamitsnankili.] Biblia kuajli technankilia”. Sakin uelis tikpouas noso tikijlis se noso seki tlaxeloltin pitentsitsintin tlenon ompa uajnestiuej. Tla yejua kuelkaki tlen kijtoua, xkititi 20 tlajtoltilistin tlen uajlauej ipan kachtopa página niman xkijli tla kineki tlajtos ipan okse tonajli itech se tlajtoltilistli. Noijki uelis tikmakas se amatlajkuilojli tlen tiktekitiltiaj ijkuak titemachtiaj niman xkijli ika tlajtouaj itech tlen titlajtotoya.
3. ¿Kenon uelis tiktekitiltiskej yejuin amatlajkuilojli kampa nemij akin kipiyaj se religión tlen xkineltokaj Cristo?
3 Tlajtoltilistin 4 niman 13 ontlami ipan 17 uelis techpaleuis ika matikinnojnotsakan akin kipiyaj se religión tlen xkineltokaj Cristo. Uelis tiktekitiltis tlajtoltilistli 17 niman tikijtos: “Xtiuejkauij titetlajpalotinemij pampa tiknekij tikinpaleuiskej familias. Yotikitakej ika aman kixnamikij miyek tlauejli. ¿Tlenon tiknemilia? [Xkauili mamitsnankili.] Miyekej akin yononamiktijkej kiyejyekouaj kitlakamatiskej yejuin tlajtolpaleuilistli: ‘Siuatl no noneki kitlakaitas iueuentsin’. [Xnoneki tikijlis ika yejuin kisa itech Efesios 5:33. Tla titlajtotika iuan se siuatl, kanaj uelis tikteneuas Efesios 5:28.] ¿Tiknemilia kinpaleuis tla kintlakamatij yejuin akin yononamiktijkej?”.
4. ¿Tlenon uelis tikijlis tla yotlan tiknojnotsa akin kipiya se religión tlen xkineltoka Cristo?
4 Tla yotitlamito titenojnotsa, iuan xmokaua nentlajtoskej okse tonajli itech tlen nentlajtotoyaj. Ijkuak timokuepas uelis titlajtos itech okse tlaxelojli pitentsin tlen uajnestiuj itech tlajtoltilistli tlen onenkitakej. Ijkuak uelis tikitas oksejpa, xkijli ika tlen yonentlajtokej onokixti itech Biblia. Amatlajkuilojli tlen tiknemilia kuelitas xkijli ika tikneki tikmakas niman tla kinamiki itech tlen yonentlajtokej itech Biblia. (Xkita ToTekiyo itech Tekiuajyotl, diciembre 2013, páginas 3 ontlami ipan 6 [xonka ika náhuatl de guerrero].)