Tiktlasojkaitaj tikinchijchiuaj niman tikinyektlaliaj kampa tikueyichiuaj toTajtsin

Ijkuak israelitas okichijchiujkej teopan ononek tomin niman melak chikauak tekitiskej. Maski ijkon, israelitas otlapaleuijkej ika inyojlo (1Cr 29:2-9; 2Cr 6:7, 8). Sakin, ononek sekimej ompa matlapaleuikan niman ika intekiyo okiteititijkej kenon kipiayaj intlaneltokil (2Re 22:3-6; 2Cr 28:24; 29:3). Ipan yejuin tonajli, akin kichiuaj ken Cristo melak nochikauaj niman miyek tonajli tlapaleuiyaj ijkuak nochijchiua, nochipaua niman noyektlalia Kajli kampa Tosentlaliaj niman Kajli kampa tikpiyaj Toueyitlanechikol. ¿Xmelak ika tiktlasojkaitaj yejuin tekitl tlen tikchiuaj pampa tikteititiaj ika tikueyichiuaj Jehová? (Sl 127:1; Ap 7:15).

¿KENON UELIS TITLAPALEUISKEJ?

• 

  Kipiya titlayektlaliskej tla yotlan totlanechikol. Tla ipampa itlaj xueli titlapaleuiya, uelis san tikyektlalis iyeualiyan kampa otimotlali.

• 

  Noneki matitlapaleuikan ijkuak titlachipauaj niman ijkuak tikyektlaliaj Kajli kampa Tosentlaliaj. Techyolpaktia ijkuak tinochimej titlapaleuiyaj niman totoka titlamij (lv pág. 92 párr. 18).

• 

  Uelis tiktemakaskej totomintsin. Tla tiktemakaj ika toyojlo maski xueyi, Jehová melak kitlasojkaita (Mr 12:41-44).

• 

  Tla tiuelij, matitlapaleuikan ijkuak nochijchiuaj niman noyektlaliaj kampa tikueyichiuaj Jehová. Uelis titlapaleuiskej maski xtikmatij kenon nochijchiua se kajli.