Matikinnotsakan nochimej mauiyan ijkuak tikilnamikiskej Imikilis Cristo

Yejuin xiuitl tipeuaskej ipan 27, metstli febrero, niman tochikauaskej tikimijliskej nochimej tlaltikpakchanejkej kampa titenojnotsaj touan manosentlalikan ijkuak tikilnamikiskej Imikilis Cristo. Noneki tikitaskej kenon tikinpaleuiskej nochimej tlaltikpakchanejkej akin okiselijkej se amatsintli.

KENON TIKCHIUILISKEJ

IJKIN XTETEKIUILTI

“Tikuelitaskiaj touan xmosentlali ijkuak tikpanoltiskej itlaj tlen melak ueyi kijtosneki. Ipan 23, metstli marzo, melak miyekej tlaltikpakchanejkej ipan nochi tlaltikpaktli nosentlaliskej niman kilnamikiskej Imikilis Cristo. Technojnotsaskej itech tlen kisa itech Biblia niman xtlaj tiktlaxtlauas, techtomiliskej kenon melak techpaleuiya imikilis Jesús. Ipan yejuin amatsintli kijtoua hora niman kanon nochiuas. Timitstlajtlaniliaj touan xmosentlali”.

Tla yakaj kineki okseki kimatis:

• XTEKIUILTI AMATL TEKAKISTILIJKETL

  Xchiua ika maonia tlen iuan titlajtos ijkuak timokuepas.

• XKITITI VIDEO ITECH IMIKILIS CRISTO

  Xchiua ika maonia tlen iuan titlajtos ijkuak timokuepas.

Ijkuak oksejpa tikontlajpalos:

• XKITITI VIDEO ¿TLEKA NONEKI TIMOMACHTIS BIBLIA?

  Sakin, xtekiuilti se amatlajkuilojli tlen ika titemachtiaj Biblia.

• XTEKIUILTI ¿TLENON MELAUAK TEMACHTIA BIBLIA?

  Xtekitilti tlen kijtoua páginas 206 ontlami ipan 208 itech yejuin amoxtli niman xtomili seki itech ijkuak noilnamiki Imikilis Cristo. Sakin, xtekiuilti amoxtli.

• XTEKIUILTI XKAKI TOTAJTSIN

  Xtekitilti tlen kijtoua páginas 18 niman 19, xkitakan tlenon kijtosneki Imikilis Cristo. Sakin, xtekiuilti amatlajkuilojli.