MATINEMIKAN KEN CRISTO

Matomachtikan melak kuajli matitenojnotsakan: Oksejpa matitetlajpalotij

TLEKA MELAK NONEKI: Miyekej tlaltikpakchanejkej akin kinekij kimatiskej itech Tekiuajyotl, kitejtemojtokej tlen melauak itech toTajtsin (Isa 55:6). Tla tiknekij kuajli tikinpaleuiskej mauelikan ken kimelaua, noneki miyekpa tikomintlajpaloskej. Pampa tlaltikpakchanejkej xsa noijki tlaueltin kixnamikij, kuakon ken tikinnojnotsaj itech toTajtsin noneki tikpatlatiaskej. San ika, uelis kuajli tikinmachtiskej tla kuajli tomachtiaj niman tiknemiliaj tlenon tiknekij makasikamatikan ijkuak tikomintlajpalouaj. Matikilnamikikan ika tiknekij tikpeualtiskej se tlamachtijli itech Biblia.

Se tokniuj siuatl nomachtia kenon tenojnotsas ijkuak nokuepas ontetlajpalos

KENON TIKCHIUASKEJ:

Ome tokniuan siuamej nokuepaj ontetlajpalouaj niman teititiaj se video

Xmokojtili nimantsin xkitati, ijkuak xiuejkaui miyek tonaltin (Mt 13:19).
Kuajli xnotsa niman xtlakaita.
Kachtopa, xtlajpalo. Xnotsa ika itokayo. Xkilnamikti tleka oksejpa otiktlapaloto: otiknankilito tlen omitstlajtolti, otikitkili se amatlajkuilojli, tikneki tikititis página ipan Internet, tikneki tikititis se video noso kenon nochiua se tlamachtijli. Tla mitsijlia itlaj tlen kajmana, xnojnotsa itech yejon (Flp 2:4).
Xkateki xinachtli tlen ionka ipan iyojlo ika se tlaxelojli noso ika okse amatlajkuilojli (1Co 3:6). Xyejyeko kuajli iuan xtlajto.
Xchiua ika maonia tlen iuan titlajtos ijkuak timokuepas.