Jesús noijki omik inpampa tokniuan

Jesús omik ipampa tlaltikpakchanejkej akin tlajtlakolejkej (Ro 5:8). Melak tiktlasojkamatij ika yejua otechititi itlasojtlalis ika tlen okichiuj topampa. San ika, noneki maka keman matikilkauakan ika yejua noijki omik inpampa tokniuan, akin noijki tlajtlakolejkej ken tejuamej. ¿Kenon tikimititiaj tokniuan ika tikintlasojtlaj ijkon ken Jesús kintlasojtla? Matikitakan yeyi tlemach tlen ika tikteititiaj. Kachtopa, ijkuak tikyejyekouaj touikaskej imiuan akin xijkon ken tejuamej (Ro 15:7; 2Co 6:12, 13). Ika ome, ijkuak tokojtiliaj xtikijtoskej noso tikchiuaskej itlaj tlen uelis kinyolkokos oksekimej (Ro 14:13-15). Niman sa ika tlami, ijkuak nimantsin tikintlapopoluiyaj akin techyolkokouaj (Lu 17:3, 4; 23:34). Tla tokojtiliaj tikchiuaskej yejuin, ijkon ken Jesús okichiuj, Jehová nochipa kiteochiujtos totlanechikol ika yolseuilistli niman kichiuas ika san sekan matinemikan.

XKITAKAN VIDEO ¡XMOYEKTLALIJTIUJ!, SAKIN XKINNANKILIKAN YEJUIN TLAJTOLTILISTIN:

• 

  ¿Kachtopa tlenon kinemiliaya Miki itech itlanechikol?

• 

  ¿Tlenon okipaleui makipatla ken tlanemiliaya?

• 

  ¿Kenon ineskayo Jesús okipaleui Miki makipatla ken tlanemiliaya? (Mr 14:38).

• 

  ¿Kenon uelis techpaleuis Proverbios 19:11 kuajli matikimitakan tokniuan?