¿Tlenon kinemiliskia Jehová?

Ijkuak tiktlapejpeniaj tlenon tikchiuaskej, maski ueyi noso xueyi, ¿totlajtoltiaj tlenon kinemiliskia Jehová? Maski xkeman kuajli tikmatiskej tlenon kinemilia Jehová, ipan iTlajtol techijlia tlenon noneki tikchiuaskej niman ijkon uelis tikchiuaskej “nochi tlen kuajli” (2Ti 3:16, 17; Ro 11:33, 34). Jesús kuajli kimatiya tlenon kinekiya Jehová niman yejon tlen kachtopa okichiuj (Jn 4:34). Ijkon ken Jesús okichiuj, tejuamej noijki matokojtilikan tiktlapejpeniskej tlen makiyolpakti Jehová (Jn 8:28, 29; Ef 5:15-17).

XKITAKAN VIDEO MATIKITSTIAKAN TLEN KINEKI JEHOVÁ MATIKCHIUAKAN (LE 19:18), SAKIN XNANKILIKAN YEJUIN:

• ¿Tleka noneki tikchiuaskej tlen kijtouaj itlajtolyekanalisuan Biblia?

• ¿Katlejua tlajtolyekanalistin techpaleuiskej ijkuak tiktlapejpeniskej tlen tlakuikaltin tikinkakiskej?

• ¿Katlejua tlajtolyekanalistin techpaleuiskej ijkuak tikitaskej kenon totlakentiskej niman tokualnextiskej?

• ¿Kanon noijki uelis tikintekitiltiskej itlajtolyekanalisuan Biblia?

• ¿Kenon uelis más kuajli tikmatiskej tlenon kineki Jehová matikchiuakan?